ឈ្មួញដឹកឈើចេញទៅវៀតណាម ដឹកជ្រូកចូលមកខ្មែរតាមច្រករបៀងផ្លូវតាណេង
ខេត្តស្វាយរៀង ៖ ក្រុមឈ្មួញកំពុងដឹកឈើតាមរថយន្តយីឌុបភ្លៅប្រាំ ចេញទៅប្រទេសវៀតណាម សង្ស័យថា មានបង្កប់ឈើប្រណិតនៅខាងក្រោម ហើយក៏មានដឹកអេតចាយទៀតផង
ខេត្តស្វាយរៀង ៖ ក្រុមឈ្មួញកំពុងដឹកឈើតាមរថយន្តយីឌុបភ្លៅប្រាំ ចេញទៅប្រទេសវៀតណាម សង្ស័យថា មានបង្កប់ឈើប្រណិតនៅខាងក្រោម ហើយក៏មានដឹកអេតចាយទៀតផង
ខេត្តស្វាយរៀង ៖ ក្រុមឈ្មួញកំពុងដឹកឈើតាមរថយន្តយីឌុបភ្លៅប្រាំ ចេញទៅប្រទេសវៀតណាម សង្ស័យថា មានបង្កប់ឈើប្រណិតនៅខាងក្រោម ហើយក៏មានដឹកអេតចាយទៀតផង និងឈ្មួញផ្សេងទៀតបាននាំជ្រូកពីប្រទេសវៀតណាមចូលមកស្រុកខ្មែរវិញដែរ តាមច្រករបៀងផ្លូវតាណេង ជាប់សាលាក្រុងបាវិត ស្ថិតនៅភូមិតាបិប សង្កាត់បាវិត ក្រុងបាវិត នៅវេលាម៉ោង៣ និង២០នាទីរសៀល ថ្ងៃទី១៧ មករា ២០១៧នេះ ដោយមានការបើកដៃពីសមត្ថកិច្ចនគរបាល វរៈការពាព្រំដែន និងទាហានវរៈការព្រំដែនដែលឈជើងនៅច្រករបៀងនេះ និងមានអ្នកយកភាស៊ីខេត្ត ដោយប្រឆាំងប្រសាសន៍របស់សម្តេចក្រឡាហោម ស ខេង។
រថយន្តដែលដឹកឈើនេះម៉ាក ហ៊ីយ៉ាន់ដាយ ពាក់ស្លាកលេខ ភ្នំពេញ 3B-0809 ផ្ទុកកំណាត់ឈើពេញទ្រុង បម្រុងដឹកចូលទៅប្រទេសវៀតណាម។ ទាក់ទិនករណីដឹកឈើទៅប្រទេសវៀតណាមនេះដែរមិនអាចសុំការបំភ្លឺពីម្ចាស់រថយន្តនោះបានទេ ក៏ប៉ុន្តែមានបុរសម្នាក់ប្រាប់ថា គាត់ជាអ្នកបើកបរស៊ីឈ្នួលគេទេ ហើយម្ចាស់ឈើប្រាប់ថា ជាឈើដើមអាកាស្យា ក៏ប៉ុន្តែមើលឃើញពណ៌ក្រហម។ រីឯប្រជាពលរដ្ឋវិញមានការងឿងឆ្ងល់មន្ត្រីនគរបាលសេដ្ឋកិច្ច ដែលឈជើងនៅច្រករបៀងផ្លូវតាណេង បានធ្វើការឆែកឆេររថយន្តដឹកអេតចាយចំនួន៤គ្រឿង ក៏ប៉ុន្តែរថយន្តដឹកឈើបែរជាមិនឆែកឆេរធ្វើការត្រួតពិនិត្យទៅវិញ។
ហើយចំពោះមន្ត្រីផ្នែករដ្ឋបាលព្រៃឈើស្វាយរៀង មិនអាចសុំការបំភ្លឺបានទេទូរសព្ទ័ចូលបីដងគ្មានអ្នកលើក។ ចំណែករថយន្តដឹកជ្រូក ពាក់ស្លាកលេខ ភ្នំពេញ 3D-1411ដឹកជ្រូកចំនួន២១០ក្បាល គឺនាំជ្រូកពីប្រទេសវៀតណាម ដឹកឆ្ពោះទៅរាជធានីភ្នំពេញ។ បើតាមអ្នកបើកបររថយន្តដឹកជ្រូកនោះបានឲ្យដឹងថា ជ្រូកនេះគឺជាជ្រូករបស់លោកឧកញ៉ា ជឹម សុខ មានច្បាប់នាំចូលក្នុងមួយថ្ងៃ២១០ក្បាល មិនដែលមានសមត្ថកិច្ចណាហ៊ានហៅពិនិត្យឡើយ។
ទាក់ទិនករណីឈ្មួញនាំជ្រូកពីប្រទេសវៀតណាមចូលតាមច្រករបៀងផ្លូវតាណេងនេះដែរ លោក ប៉ែន ចន្ធី ប្រធានការិយាលយ័បសុព្យាបាល និងផលិតកម្មសត្វ មន្ទីរកសិកម្មខេត្ត បានឲ្យដឹងថា ជ្រូកដែលនាំចូលពីប្រទេសវៀតណាមនេះគឺ ជារបស់ក្រុមហ៊ុន សុខ សារិទ្ធមានជ័យ មានអាជ្ញាប័ណ្ណ ចេញដោយអគ្គនាយកដ្ឋានសុខភាពសត្វ និងផលិតកម្មសត្វនៃក្រសួងកសិកម្មរុក្ខាប្រមាញ់ និងនេសាទ ចុះហត្ថលេខានាថ្ងៃទី១៥ មករា ២០១៧គឺ ក្នុងមួយថ្ងៃនាំជ្រូកចូលពីប្រទេសវៀតណាមចំនួន២១០ក្បាល។
ហើយការនាំចូលមាន២ច្រករបៀងគឺ ច្រករបៀងផ្លូវតាណេងក្រុងបាវិត និងច្រករបៀងក្រសាំងជ្រំ ស្រុកស្វាយជ្រំ តាមតម្រូវការផ្គត់ផ្គង់ផ្សាររាជធានីភ្នំពេញ។ ហើយការនាំចូលតាមច្រករបៀងផ្សេងៗទៀត នៃឈ្មួញកណ្តាលជាលក្ខណៈគ្រួសារ គឺមានច្រើនក៏ប៉ុន្តែមន្ត្រី ពេទ្យសត្វមិនអាចទប់ស្កាត់បានដោយមន្ត្រីពេទ្យសត្វមានបុគ្គលិកតែម្នាក់ក្នុងមួយស្រុក/ក្រុង ហើយខ្សែបន្ទាត់ព្រំដែនវែងច្រករបៀងច្រើនពិបាកក្នុងការគ្រប់គ្រង និងទប់ស្កាត់បទល្មើសខ្លាំងណាស់។
ហើយប្រជាពលរដ្ឋខ្មែរបានរអ៊ូររទាំថា ពួកគាត់អស់ទឹកចិត្តក្នុងការចិញ្ចឹមជ្រូក ដោយសារតែសមត្ថកិច្ចបណ្តោយឲ្យឈ្មួញនាំជ្រូកចូលពីប្រទេសវៀតណាមច្រើន ដូច្នេះជ្រូកចិញ្ចឹមក្នុងស្រុកមិនអាចប្រកួតប្រជែងតម្លៃទីផ្សារជាមួយជ្រូកវៀតណាមឡើយ៕
ចែករំលែកព័តមាននេះ