រាជធានីភ្នំពេញ ៖ តារាសម្តែងវ័យក្មេងមានសម្រស់គួរឲ្យទាក់ចិត្ត កញ្ញាម៉ីម៉ីក្នុងពិធីឡើងគេហដ្ឋានថ្មីរបស់ខ្លួនបានគ្រងឈុតរ៉ូបបញ្ចេញគល់ទ្រូងស្រស់ សិចស៊ីធ្វើឲ្យគេឯងចោលភ្នែកគយគន់ ។ អ្វីដែលប្លែកគឺក្រោយ
រាជធានីភ្នំពេញ ៖ តារាសម្តែងវ័យក្មេងមានសម្រស់គួរឲ្យទាក់ចិត្ត កញ្ញាម៉ីម៉ីក្នុងពិធីឡើងគេហដ្ឋានថ្មីរបស់ខ្លួនបានគ្រងឈុតរ៉ូបបញ្ចេញគល់ទ្រូងស្រស់ សិចស៊ីធ្វើឲ្យគេឯងចោលភ្នែកគយគន់ ។ អ្វីដែលប្លែកគឺក្រោយពេលរយាលពីអាជីពសិល្បៈមួយរយៈមក ម៉ីម៉ីស្រាប់តែមានជីវភាពលូតលាស់ខ្លាំងដោយមានផ្ទះថ្មីតម្លៃជិត២០ម៉ឺនដុល្លារ ព្រមទាំងក្លាយជាអ្នកជំនួញអង្ករដ៏ធំមួយទៀតផង ។
តារាសម្តែងវ័យក្មេងកញ្ញាម៉ីម៉ីឆក់យកការចាប់អារម្មណ៍ពីទស្សនិកជន ព្រមទាំងបណ្តាសារព័ត៌មានមួយចំនួនក្នុងការផ្សព្វផ្សាយ ដោយនាងមានទេពកោសល្យសម្តែងល្អ ភាពរាក់ទាក់ និងនិយមសម្ញែងសម្រស់ដើមទ្រូងសិចស៊ីរាល់ពេលចូលរួមកម្មវិធី ផ្សេងៗ ។ ចាប់តាំងពីការងារសិល្បៈស្ទុះឡើងក្នុងទីផ្សារសម្តែងនិងមានឈ្មោះល្បីមក ម៉ីម៉ីហាក់បណ្តោយឱកាសនេះចោលវិញ ដោយមិនសូវច្បាមយកពេញលេញដូចគ្រាដែលនាងចាប់អាជីពដំបូងទេ ។ ម៉ីម៉ីបានចោលការងារនេះងាកឆ្ពោះទៅរកអាជីពក្រៅសិល្បៈវិញ ។ គ្រានៅឆ្ងាយពីពិភពសិល្បៈនោះ ម៉ីម៉ីប្រកបមុខជំនួញជួញអង្ករខ្នាតធំ ចំណាយដើមទុនយ៉ាងច្រើន ។ មិនតែប៉ុណ្ណោះម៉ីម៉ីផ្លាស់ប្តូរស្ថានភាពជីវភាពរស់នៅ ដោយមានទាំងផ្ទះថ្មីតម្លៃរាប់ម៉ឺនដុល្លារ របស់របរប្រើម៉ាកល្អៗ ធ្វើឲ្យមានការភ្ញាក់ផ្អើលទាំងមជ្ឈដ្ឋានសិល្បៈក៏ដូចជាក្រៅសិល្បៈ ។
ក្នុងទឹកមុខស្រស់ស្រាយគ្រងឈុតសម្លៀកបំពាក់រំលេចសម្រស់ដើមទ្រូងនាថ្ងៃឡើងផ្ទះថ្មីរបស់ខ្លួននារាត្រីថ្ងៃទី១២ មករា ឆ្នាំ២០១៧ នៅបុរីពិភពថ្មីតាមផ្លូវវេងស្រេង កញ្ញាម៉ីម៉ីឲ្យដឹងថាផ្ទះដែលនាងទិញស្នាក់នៅ មានតម្លៃជិត២០ម៉ឺនដុល្លារ ។ នាងទិញសម្រាប់រស់នៅផងនិងសម្រាប់បើកមុខរបរថ្មីមួយផងគឺលក់អង្ករ។ ជំនួញអង្ករនេះ គឺនាំចូលពីខេត្តបាត់ដំបង។ ក្រៅពីលក់ក្នុងស្រុកក៏នាំចេញទៅក្រៅប្រទេសទៀតផង ។ ម៉ីម៉ីចេះរកស៊ីលក់អង្ករនេះព្រោះបានបងប្អូនជួយបង្ហាត់បង្ហាញ ពិសេសពូមីងមានរោងម៉ាស៊ីនបាត់ដំបង ព្រមទាំងបងប្រុសរបស់នាងមានជំនាញខាងជួញអង្ករ ។
អង្កររបស់ក្រុមហ៊ុនកញ្ញាម៉ីម៉ីមានឈ្មោះអង្ករសែនក្រអូប បច្ចុប្បន្ននេះមានដំណើរការយ៉ាងល្អ ព្រោះមានគុណភាព និងការវេចខ្ចប់មានលក្ខណៈទាក់ទាញ ។
ទាក់ទិននឹងអាជីពសិល្បៈម៉ីម៉ីឲ្យដឹងថា នាងមិនប្រឡូកពេញទំហឹងដូចមុនទេ ព្រោះតែមមាញឹកនឹងរបររកស៊ី ។ ក្រោយពេលនាងកាន់តែមុជជ្រៅជាមួយអាជីពជំនួញ គឺនាងប្រហែលជាកាត់ផ្តាច់អាជីពសិល្បៈទាំងស្រុងតែម្តង ។ ការរកស៊ីត្រូវចំណាយពេលនៅក្បែរ បើចេញថត ឬសម្តែងគឺគ្មានអ្នកណានៅមើលទេ។ មូលហេតុមួយទៀតមកពីនាងមានគម្រោងបើកមុខរបរថ្មីបន្ថែមទៀត ។
ទោះជាយ៉ាងណាក្តី បច្ចុប្បន្នកញ្ញាម៉ីម៉ីនៅទទួលសម្តែង ខ្លះៗដែរ ។
ចំពោះពិធីឡើងគេហដ្ឋានថ្មីរបស់ខ្លួននោះកញ្ញាម៉ីម៉ីបានអញ្ជើញភ្ញៀវជិត៣០០នាក់ ក្នុងនោះអ្នកសិល្បៈតិចតួចជាអ្នកជិតដិតប៉ុណ្ណោះ ។
កញ្ញាម៉ីម៉ីទើបតែឈានចូលវ័យ១៨ឆ្នាំ និងជាអតីតសិស្សសាលាវិចិត្រសិល្បៈ ។ បើទោះបីជាមានវ័យក្មេងស្រស់ស្អាតតែម៉ីម៉ីអះអាងថា នាងមិនទាន់មានស្នេហាទេ ព្រោះមិនទាន់ចង់បាន
ចែករំលែកព័តមាននេះ