រាជធានីភ្នំពេញ ៖ សេចក្តីរាយការណ៍បានឲ្យដឹងថា បុរសម្នាក់ដោយសារតែតណ្ហាពុះកញ្ជ្រោលខ្លាំងពេកក៏ឈប់ម៉ូតូកន្លែងស្ងាត់រួចរួមរ័កជាមួយខ្ទើ.យរហូតបានសម្រេច តែទីបំផុត…
រាជធានីភ្នំពេញ ៖ សេចក្តីរាយការណ៍បានឲ្យដឹងថា បុរសម្នាក់ដោយសារតែតណ្ហាពុះកញ្ជ្រោលខ្លាំងពេកក៏ឈប់ម៉ូតូកន្លែងស្ងាត់រួចរួមរ័កជាមួយខ្ទើយរហូតបានសម្រេច តែទីបំផុតពេលបានសម្រេចហើយមិនទាន់ទាំងលើកខោស្រួលបួលផង ស្រាប់តែត្រូវខ្ទើយនោះឆក់សោម៉ូតូជិះទៅបាត់ ។
សេចក្តីរាយការណ៍បានឲ្យដឹងទៀតថា បុរសរងគ្រោះឈ្មោះ ប.ប អាយុ២៨ឆ្នាំ ជាកម្មកររោងចក្រ ស្នាក់នៅសង្កាត់បឹងទំពុន ខណ្ឌមានជ័យ និងមានស្រុកកំណើតនៅភូមិត្រពាំងធន់ ឃុំចំការលើ ស្រុកស្ទោង ខេត្តកំពង់ធំ ចំណែកម៉ូតូដែលត្រូវខ្ទើយបោកយកទៅបាត់នោះម៉ាកហុងដាឌ្រីម សេ១២៥ ស៊េរីឆ្នាំ២០១៣ ពាក់ស្លាកលេខ កំពង់ធំ 1H-7881 ។
ជនរងគ្រោះបានឲ្យសមត្ថកិច្ចដឹងថា ហេតុការណ៍ចាញ់បោកខ្ទើយនេះកើតឡើងតាំងពីយប់ថ្ងៃទី១០ ខែមករា ឆ្នាំ២០១៧ ខណៈរូបគេបានចេញពីក្លិបកម្សាន្តមួយដោយធ្វើដំណើរកាត់តាមផ្លូវវេងស្រេង លុះមកដល់មុខសួន វឌ្ឍនៈ ស្ថិតក្នុងភូមិដំណាក់ធំ៣ សង្កាត់ស្ទឹងមានជ័យ ខណ្ឌមានជ័យ ស្រាប់តែជួបស្រីម្នាក់កំពុងឈរតាមផ្លូវ ហើយបោយដៃហៅឲ្យខ្លួន(ជនរងគ្រោះ)ឈប់ ពេលនោះដោយមានចំណង់ផ្លូវភេទ និងស្រវឹងផងនោះ ក៏និយាយសារសងគ្នារហូតព្រមព្រៀងគ្នាឡើងផ្ទះសំណាក់ តែដោយសារតណ្ហាពុះកញ្ជ្រោលខ្លាំងពេក ពេលឌុបដល់កន្លែងស្ងាត់ត្រង់ចំណុចភូមិដីថ្មី ក៏នឹកថាមិនបាច់ទៅផ្ទះសំណាក់នាំតែអស់លុយ ក៏ចាប់ផ្តើមប្រតិបត្តិការទើបដឹងថា នារីមិនស្គាល់អត្តសញ្ញាណនោះជាមនុស្សខ្ទើយ ប៉ុន្តែគិតថា បើជ្រុលជាដំណើរការទៅហើយ ក៏បិទភ្នែករហូតទាល់សម្រេចតែម្តងទៅ ។
ជនរងគ្រោះបានឲ្យសមត្ថកិច្ចដឹងទៀតថា ពេលប្រតិបត្តិការចប់សព្វគ្រប់ហើយ ខ្លួនមិនទាន់ទាំងលើកខោស្លៀកស្រួលបួលផង ស្រាប់តែខ្ទើយនោះឆក់យកកូនសោម៉ូតូជិះរត់គេចទៅបាត់ស្រមោល ។ ក្រោយពីដឹងថា ចាញ់បោកខ្ទើយ និងនឹកខ្មាស់គ្រួសារក៏គេចពីផ្ទះ តែត្រូវក្រុមគ្រួសារនាំគ្នាដើរកឃើញ និងហៅឲ្យត្រឡប់ទៅផ្ទះវិញ និងបាននាំទៅដាក់ពាក្យបណ្តឹងនៅប៉ុស្តិ៍នគរបាលរដ្ឋបាលសង្កាត់ចោមចៅកាលពីវេលាម៉ោង២រសៀល ថ្ងៃទី១២ ខែមករា ឆ្នាំ២០១៧ ដើម្បីឲ្យជួយស្វែងរកចាប់ខ្លួនជនសង្ស័យយកមកផ្តន្ទាទោសតាមច្បាប់ ៕
ចែករំលែកព័តមាននេះ