តារាសម្ដែងដ៏ល្បីឈ្មោះ លោក ម៉ាដូណា ដែលកំពុងតែទទួលបាននៅការគាំទ្រយ៉ាងខ្លាំងមិនធម្មតាពីសំណាក់មហាជនតាមរយៈការសម្ដែងរឿងកំប្លុកកំប្លែងជាច្រើនរាប់មិនអស់ ដែលតែងតែបំពេរអារម្មណ៍ពុកម៉ែបងប្អូន
រាជធានីភ្នំពេញ ៖ តារាសម្ដែងដ៏ល្បីឈ្មោះ លោក ម៉ាដូណា ដែលកំពុងតែទទួលបាននៅការគាំទ្រយ៉ាងខ្លាំងមិនធម្មតាពីសំណាក់មហាជនតាមរយៈការសម្ដែងរឿងកំប្លុកកំប្លែងជាច្រើនរាប់មិនអស់ ដែលតែងតែបំពេរអារម្មណ៍ពុកម៉ែបងប្អូនអោយសើចសប្បាយរីករាយបាត់អស់ទុកកង្វល់ ធ្វើឱ្យពាសពេញបណ្ដាញសង្គមនាំគ្នាសើចចុកពោះគ្រប់ៗគ្នា។ ក្នុងនោះផងដែរ បើនិយាយពីតារាសម្តែងប្រុសលោក ម៉ាដូណា ជឿជាក់ថា មានពុកម៉ែបងប្អូនយើងជាច្រើនបានដឹងហើយថា លោកមានទេពកោសល្យជាច្រើនខាងផ្នែកសិល្បៈ អាចបត់បែនបានគ្រប់ទម្រង់ទាំងអស់ មិនត្រឹមតែប៉ុណ្ណោះលោកថែមទាំងមានប្រជាប្រិយ សន្ទុះខ្លាំងណាស់ និងមានពុកម៉ែបងប្អូនជាច្រើនគាំទ្ររូបលោកស្រលាញ់ភ្លុកទឹកភ្លុកដីផងដែរ ។
ដោយឡែក បើយើងក្រឡេកមកដឹងនៅពីក្រោយការសម្ដែង និងភាពរីករាយដែលតែងតែធ្វើអោយពុកម៉ែបងប្អូន ក៏ដូចជាអ្នកគាំទ្របានសើចសប្បាយនោះផងដែរ លោកម៉ាដូណា ក៏មានទុក្ខផ្ទួនៗស្ទើរតែធ្លាក់ខ្លួនដល់បាតម្ដងៗទៅហើយ ដោយសារកូនបំណុលតុងទិនបោ.កប្រាស់និងអ្នកជំពាក់លុយរាប់ម៉ឺនដុល្លារមិនព្រមដោះស្រាយជូន ដោយម្នាក់ៗស្ងាត់បាត់ស្រមោល ស្ងាត់ឈឹង ទុកអោយលោកដោះបំណុលតែម្នាក់ឯងប៉ុណ្ណោះ ។
ហើយអ្វីដែលនឹកស្មានមិនដល់ទៅវិញនោះ បច្ចុប្បន្ននេះ ម៉ាដូណា ក៏ធ្លាក់ខ្លួនមានជំងឺប្រចាំកាយជាច្រើនមុខ និងដុនដាប់ជាកំហុក ដែលកើតចេញមកពីការគិតច្រើនស្មុគស្មាញ បាក់ទឹកចិត្ត ហត់នឿយ និងការខិតខំប្រឹងប្រែងធ្វើការទាំងឈឺ ទាំងជា ដើម្បីយកលុយដោះបំណុលគេ រកតែពេលសម្រាកគ្មាន ។
ទន្ទឹមនឹងនោះ ហ្វេនៗនាំគ្នាភ័យព្រួយមិនស្ទើរនោះទេ ដោយបានឃើញមួយរយៈចុងក្រោយមកនេះ ឃើញថា តារាសម្តែងប្រុសរូបនេះ ហាក់បីដូចជាមានសុខភាពមិនមាំមួន អស់កម្លាំង ស្លេកស្លាំង មិនល្អទាល់តែសោះ គេសង្គេតឃើញថា លោកតែងតែចូលពេទ្យសឹងតែរាល់ថ្ងៃ ដែលជាហេតុធ្វើឲ្យអ្នកគាំទ្រលោកជាច្រើនមានការព្រួយបារម្ភអំពីបញ្ហាសុខភាពរបស់លោកយ៉ាងខ្លាំង ។
ជាក់ស្តែង ថ្មីៗនេះ នៅថ្ងៃទី១០ ខែសីហា ឆ្នាំ២០២២ លោក ម៉ាដូណា ត្រូវបានគ្រូពេទ្យពិនិត្យឃើញថា លោកមានដុំក្រួសក្នុងតម្រង់នោម ហើយត្រូវបានគ្រូពេទ្យធ្វើការវះកាត់ភ្លាមៗតែម្តង ។ ហើយនៅក្នុងនោះដែរ លោក ម៉ាដូណា បានធ្វើការបញ្ជាក់នៅលើបណ្តាញសង្គមតាមរយៈសំណេរបែបនេះថា «ដាក់ថ្នាំសណ្តំទៅ អត់ដឹងគេវះកាត់បាញ់បំបែកយកក្រួសចេញសោះ គ្មានការឈឺចាប់ គ្រាន់តែពេលនោមហូរឈា.មច្រើន ពិតជាអរគុណដល់ពុកម៉ែបងប្អូនចំពោះការជូនពរ good night all my dear ស្រីតូចច្រឡឹងសុំគេងហើយ»។
ក្រោយឃើញបែបនេះ ក៏មានអ្នកចូលទៅខមិនថា «ឆាប់ជាលឿនៗ ឆាប់បានជួបគ្នាសើចទៀតម្ចាស់បង!» «ជូនពរជោគជ័យក្នុងការវះកាត់បង» «ជូនពរយកវាចេញដោយសុវត្ថិភាព និងឆាប់ជាសះស្បើយ» «ជូនពរពូអោយឆាប់សះស្បើយពីរោគាទាំងពួងបង» «សូមព្រះតាមថែរក្សាដល់មនុស្សល្អៗដូចបង» «សំណាងល្អណាប្អូនដ៏ល្អរបស់បង» និងនៅមានពាក្យជាច្រើនទៀត ដែលរៀបរាប់មិនអស់ ៕
ចែករំលែកព័តមាននេះ