រាជធានីភ្នំពេញ ៖ តារាសម្ដែងស្រឡាញ់ភេទដូចគ្នាដ៏ល្បីឈ្មោះ លោក ម៉ាដូណា បានប្រកាសនៅលើបណ្ដាញសង្គមពាក់ព័ន្ធរឿងជាងធ្វើផ្ទះខ្លួន ដោយសន្យាថា១ខែហើយ តែពេលនេះ ឈានដល់ទៅកន្លះឆ្នាំ នៅតែមិនទាន់រួចរាល់ទៀត រហូតធ្វើអោយលោកដាច់ចិត្តបង្ហោះសារដាស់តឿនដល់អ្នកដែលចង់ធ្វើផ្ទះគ្រប់រូប ត្រូវប្រុងប្រយ័ត្ន និងត្រូវធ្វើរឿងមួយចំនួននេះជាមុនសិន។
ម៉ាដូណា ជាតារាសម្ដែងស្រឡាញ់ភេទដូចគ្នា ដែលទទួលបានការគាំទ្រជាខ្លាំងពីមហាជនតាមរយៈការសម្ដែងរឿងកំប្លែងជាច្រើន ដែលតែងតែបំពេរអារម្មណ៍ពុកម៉ែបងប្អូនលើបណ្ដាញសង្គមបានសើចសប្បាយផងដែរ។ នៅពីក្រោយការសម្ដែង និងភាពរីករាយ ដែលតែងតែធ្វើអោយពុកម៉ែបងប្អូនបានសើចសប្បាយនោះ ម៉ាដូណា មានទុក្ខផ្ទួនៗស្ទើរតែធ្លាក់ខ្លួនដល់បាត ដោយសារកូនបំណុលតុងទីនបោ.កប្រាស់ និងអ្នកជំពាក់លុយរាប់ម៉ឺនដុល្លារមិនព្រមដោះស្រាយជូន ដោយម្នាក់ៗស្ងាត់បាត់ស្រមោល ស្ងាត់ឈឹង ទុកអោយលោកដោះបំណុលតែម្នាក់ឯងតែប៉ុណ្ណោះ ។
មួយទៀត បច្ចុប្បន្ន ម៉ាដូណា ក៏ធ្លាក់ខ្លួនមានជំងឺប្រចាំកាយជាច្រើនមុខ និងដុនដាបយ៉ាងកំហុក ដែលកើតចេញមកពីការគិតច្រើន ស្មុគស្មាញហត់នឿយ និងការខិតខំប្រឹងប្រែងធ្វើការទាំងឈឺទាំងជា ដើម្បីយកលុយដោះបំណុលគេ។
ដោយឡែក តារាសម្ដែងស្រឡាញ់ភេទដូចគ្នា ម៉ាដូណា សម្ដែងការហួសចិត្ត និងទង្វើរបស់មេជាងដែលបានសន្យាថា ធ្វើផ្ទះអោយលោកត្រឹមតែរយៈពេលមួយខែតែប៉ុណ្ណោះ តែរហូតមកពេលនេះឈានដល់ទៅកន្លះឆ្នាំទៅហើយនៅមិនទាន់រួចទៀត ដោយម្នាក់ៗគេចវេស រវល់ថាកូនជាងឈឺ រវល់ជាប់កម្មវិធីការបងប្អូន រវល់ចាក់វាក់សាំង ខ្លះថាឆ្លងកូវីដ ខណៈលោកបានអោយលុយទៅមេជាងគ្រប់ចំនួនរួចរាល់ ហើយមិនបានសូម្បីធ្វើក្រដាសស្នាមថា ត្រូវហើយថ្ងៃណា រហូតមកទល់នឹងពេលនេះ ទើបលោកដាច់ចិត្តបង្ហោះសារដាស់តឿនដល់អ្នកចង់ធ្វើផ្ទះ សូមបង្កើតកាប្រុងប្រយ័ត្ន និងត្រូវធ្វើរឿងទាំងនេះ ដើម្បីការពារកុំអោយយដូចលោក។
ជាក់ស្ដែង បើយោងតាមការបង្ហោះសាររៀបរាប់របស់តារាសម្ដែងស្រឡាញ់ភេទដូចគ្នា លោកម៉ាដូណា កាលពីថ្ងៃទី០៤ ខែ សីហា ឆ្នាំ២០២២ កន្លងទៅនេះ បានប្រកាសថា «ផ្ទះដ៏កំសត់របស់ខ្ញុំ ៦ម៉ែត្រ៤ជ្រុង សូមផ្ដាំទៅដល់បងប្អូនដែលធ្វើផ្ទះ សុំកុំយល់មនោសញ្ចេតនាជាមួយនឹងមេជាង និងហាមធ្វើផ្ទះស៊ីថ្ងៃ ទី១- កុំអោយលុយជាងអស់ៗ ទី២- ធ្វើក្រដាសផ្ដិតមេដៃឲ្យបានត្រឹមត្រូវ ទី៣- កំណត់ខែឲ្យបានត្រឹមត្រូវ ជាក់ស្ដែងដូចរូបខ្ញុំ ខ្ញុំមានសម្ពាធដោយសារជាង សន្យាជាមួយខ្ញុំតែមួយខែទេ តែនេះធ្វើផ្ទះខ្ញុំជិតកន្លះឆ្នាំ រវល់ថាកូនជាងឈឺ រវល់ជាប់កម្មវិធីការបងប្អូន រវល់ចាក់វាក់សាំង ខ្លះថាឆ្លងកូវីដ នេះហើយគឺការទ្រាំ ការឈឺចាប់របស់ខ្ញុំជាមួយមេជាច ជាច្រើនខែកន្លងមកនេះ ឆ្នាំនេះទុក្ខជាន់ទុក្ខ»។
ក្រោយឃើញការបង្ហោះពីបញ្ហាខ្លួន និងប្រកាសប្រាប់ក្ដែងៗដូច្នេះ ស្រាប់តែមហាជនអ្នកលេងបណ្ដាញសង្គមបាននាំគ្នាចូលបញ្ចេញមតតិខុសៗគ្នាថា «ខ្ញុំក៏ធ្លាប់ជួបចឹងដែរ បងអើយខ្លោចចិត្តណាស់ សំខាន់ពួកគាត់មានមុខតវ៉ា និងយើងទៀតទាំងដែលធ្វើផ្ទះមិនទាន់ហើយ ណាមួយយើងខ្លួនឯងក៏ខុសដែរ បងអាងថាស្គាល់គ្នា ក៏បណ្ដោយបើកលុយអោយមុនអស់ទាំងមិនគិតថាមានបញ្ហាចឹងៗកើតឡើង» ។
រីឯខ្លះបានលើកឡើងថា «មុនធ្វើផ្ទះត្រូវមើលថ្ងៃ និងជ្រើសថ្ងៃដែលល្អ និងហៅគ្រូហោរាមកទាយមើលផងបង ហើយក៏ត្រូវបង្កើនការប្រុងប្រយ័ត្ន និងកុំទុកចិត្តជាងពេក ព្រោះមនុស្សមើលមិនឃើញទេ តែងតែលួចធ្វើបាបយើងតាមក្រោយចឹងឯង»។ ទៀតនិយាយសម្ដែងការអាណិតថា «ទុក្ខជាន់ទុក្ខបងអើយ ឃើញហើយអាណិតបងណាស់ សម្ពាធគ្រប់កន្លែង ចាញ់បោ.កកូនបំណុងតុងទីន និងអ្នកជំពាក់បំណុលផង ត្រូវសង់លុយគេរាប់ម៉ឺនដុល្លារ ខំធ្វើការទាំងធ្លាក់ខ្លួនឈឺ ដើម្បីយកលុយសងគេ ឡូវមកចាញ់បោ.កជាងផ្ទះទៀត» ។ រីឯខ្លះទៀតក៏ជូនពរអោយតារាសម្ដែងស្រឡាញ់ភេទដូចគ្នារូបនេះ ឆាប់ជាសះស្បើយពីជំងឺ និងដោះស្រាយបញ្ហាទាំងស្រុងដែលបានកើតឡើងអោយបានរួចរាល់ និងមានសុខភាពល្អបរិបូរណ៌ឡើងវិញផងដែរ ៕
ចែករំលែកព័តមាននេះ