កិច្ចប្រជុំរដ្ឋមន្ត្រីការបរទេសអាស៊ាន និងកិច្ចប្រជុំពាក់ព័ន្ឋបានបញ្ចប់កាលពីថ្ងៃសុក្រ បន្ទាប់ពីរដ្ឋមន្ត្រីការបរទេសមកពី ៣៨ ប្រទេស បានពិភាក្សាទៅលើបញ្ហាក្តៅៗជាច្រើននៅក្នុងតំបន់ និង
កិច្ចប្រជុំរដ្ឋមន្ត្រីការបរទេសអាស៊ាន និងកិច្ចប្រជុំពាក់ព័ន្ឋបានបញ្ចប់កាលពីថ្ងៃសុក្រ បន្ទាប់ពីរដ្ឋមន្ត្រីការបរទេសមកពី ៣៨ ប្រទេស បានពិភាក្សាទៅលើបញ្ហាក្តៅៗជាច្រើននៅក្នុងតំបន់ និងពិភពលោក។
បញ្ហាក្តៅចំនួនប្រាំ គឺភាពតានតឹងនៅកោះតៃវ៉ាន់ បន្ទាប់ពីដំណើរទស្សនកិច្ចរបស់លោកស្រី ណាន់ស៊ី ផេឡូស៊ី ប្រធានសភាតំណាងរបស់អាមេរិក ការកាត់ទោសប្រហា.រជីវិតសកម្មជនប្រឆាំងនៅភូមា បញ្ហាសង្គ្រា.មនៅអ៊ុយក្រែន បញ្ហាឧបទ្វីកូរ៉េ និង បញ្ហាសមុទ្រចិនខាងត្បូង គឺជាបញ្ហាក្តៅដែលមានការជជែកគ្នាច្រើន ក្នុងកិច្ចប្រជុំរបស់រដ្ឋមន្ត្រីការបរទេសអាស៊ាន និងរដ្ឋមន្ត្រីការបរទេសនៃប្រទេសជាដៃគូរសន្ទនារបស់អាស៊ាន។ នេះបើតាមសម្តីរបស់លោក ប្រាក់ សុខុន ឧបនាយករដ្ឋមន្ត្រី និងរដ្ឋមន្ត្រីការបរទេស និងសហប្រតិបត្តិការអន្តរជាតិបាននិយាយក្នុងសន្និសីទកាសែតកាលពីថ្ងៃសៅរ៍។
បញ្ហាក្តៅទាំងប្រាំខាងលើនេះ បានធ្វើអោយមានការជជែកគ្នាតានតឹងនៅក្នុងកិច្ចប្រជុំរដ្ឋមន្ត្រីការបរទេសអាស៊ាន និងកិច្ចប្រជុំពាក់ព័ន្ឋដែលចាប់ផ្តើម កាលពីថ្ងៃទី៣ ដល់ថ្ងៃទី៥ ខែសីហា។ ហើយអ្វីដែលធ្វើអោយគេចាប់អារម្មណ៍នោះ រដ្ឋមន្ត្រីការបរទេសនៃប្រទេសមហាអំណាចបានយកវេទិកានៃកិច្ចប្រជុំធំៗនៅកម្ពុជា ពិសេសកិច្ចប្រជុំកំពូលអាស៊ីបូព៌ានិងវេទិកាតំបន់អាស៊ាន ARF ដើម្បីត.ទល់គ្នាលើបញ្ហាក្តៅគគុកទាំងប្រាំខាងលើ។
លោកវ៉ាង យី រដ្ឋមន្ត្រីការបរទេសចិន បានធ្វើការរិះគន់ចំពោះដំណើរទស្សនកិច្ចរបស់ លោកស្រី ណាន់ស៊ី ផេឡូស៊ី ប្រធានសភាតំណាងអាមេរិកទៅកាន់កោះតៃវ៉ាន់ ដោយយល់ថា ជាការរំលោ.ភទៅលើនយោបាយ ចិនតែមួយ។ លោកក៏ត្រូវបានគេរាយការណ៍ថា បានដើរចេញពីពិធីជប់លាងអាហារ ពេលល្ងាចដែលរៀបចំទទួលរដ្ឋមន្ត្រីការបរទេសដែលមកចូលប្រជុំនៅកម្ពុជា។
លោក វ៉ាង យី ក៏បានដើរចេញពីអង្គប្រជុំផងដែរ នៅពេលដល់ពេលរដ្ឋមន្ត្រីការបរទេសជប៉ុន លោក យ៉ូស៊ីម៉ាសា ហាយ៉ាស៊ី ត្រូវឡើងនិយាយកាលពីថ្ងៃសុក្រ។
ចំណែករដ្ឋមន្ត្រីការបរទេសអាមេរិក លោក អានថូនី ប្លីងខិន ( Antony J. Blinken បានវា.យបកទៅលើចិនវិញ ដោយធ្វើការិះគន់ទៅលើសមុទ្រយោធារបស់ចិននៅជុំវិញកោះតៃវ៉ា់ន់ ដោយចាត់ទុកថាជា ការបង្កហេតុ។
លោករដ្ឋមន្ត្រីថែមទាំងនិយាយថា អាមេរិកមិនស្វះស្វែងហើយ នឹងមិន បង្កអោយមានវិបត្តិឡើយ។ នេះបើតាមសម្តីរបស់លោកនៅក្នុងសន្និសីទសារព័ត៌មានកាលពីថ្ងៃសុក្រ ទី៥ ខែសីហា នៅសណ្ឋាគារ ឡឺរ៉ូរយ៉ាល់។
ដោយសារតែសមយុទ្រយោធារបស់ចិន មានបាញ់កាំជ្រួចបាលីស្ទិច លោករដ្ឋមន្ត្រីការបរទេសជប៉ុនឯណោះវិញ ក៏បានធ្វើការតវ៉ាផងដែរ ចំពោះសមយុទ្ឋយោធា របស់ចិនដោយនិយាយថា ចិនបានបាញ់កាំជ្រួច ចូលតំបន់សេដ្ឋកិច្ចពិសេសផ្តាច់មុខរបស់ជប៉ុន។
អាមេរិក និងជប៉ុន ក៏បានប្រតិកម្មទៅនឹងការឈ្លានពានរបស់រុស្ស៊ី នៅអ៊ុយក្រែន ដែលបានធ្វើអោយមានផលប៉ះពាល់ពិភពលោកទាំងមូល។
លោក សែរហ្គេ ឡាវរ៉ូវ រដ្ឋមន្ត្រីការបរទេសរុស្ស៊ី ត្រូវប៉ះគ្នាជាមួយនឹងរដ្ឋមន្ត្រីការបរទេសអាមេរិក និងជប៉ុន ដែលរិះគន់សង្គ្រាមនៅអ៊ុយក្រែន ដែលចាប់ផ្តើមឡើងដោយរុស្ស៊ី។ លោករដ្ឋមន្ត្រីបានព្យាយាមពន្យល់អំពីភាពចាំបាច់ដែលរុស្ស៊ី បើកការវា.យប្រហារលើ អ៊ុយក្រែន ដោយហៅថា វាជាប្រតិបត្តិការយោធានោះ។
ចែករំលែកព័តមាននេះ