មុននេះបន្តិច ផ្អើលសណ្ឋាគារ តាន់ ថាវ័រ
រាជធានីភ្នំពេញ ៖ សេចក្តីរាយការណ៍បឋមបានឲ្យដឹងថា មុននេះបន្តិចកម្លាំងនគរបាលខណ្ឌមានជ័យសហការជាមួយកម្លាំងនគរបាលប៉ុស្តិ៍ទួលទំពូងទី១ ដោយមានការ …
រាជធានីភ្នំពេញ ៖ សេចក្តីរាយការណ៍បឋមបានឲ្យដឹងថា មុននេះបន្តិចកម្លាំងនគរបាលខណ្ឌមានជ័យសហការជាមួយកម្លាំងនគរបាលប៉ុស្តិ៍ទួលទំពូងទី១ ដោយមានការសម្របសម្រួលពីលោក ខាំ សុផាវី ព្រះរាជអាជ្ញារងអមសាលាដំបូងរាជធានីភ្នំពេញ កាលពីវេលាម៉ោង១ និង២៥នាទីរសៀល ថ្ងៃទី៩ ខែមករា ឆ្នាំ២០១៧ បានចុះបង្ក្រាបក្រុមជួញដូរ និងប្រើប្រាស់គ្រឿងញៀន ដែលសំងំលាក់ខ្លួនក្នុងសណ្ឋាគារ តាន់ ថាវ័រ ដែលមានទីតាំងនៅតាមបណ្ដោយផ្លូវលេខ៤៦៦ ស្ថិតក្នុងសង្កាត់ទួលទំពូងទី១ ខណ្ឌចំការមន ។
សេចក្តីរាយការណ៍បានឲ្យដឹងទៀតថា ក្នុងប្រតិបត្តិការនេះធ្វើឡើងនៅបន្ទប់លេខ៤០៣ និងបន្ទប់លេខ៥០៣ នៃសណ្ឋាគារ តាន់ ថាវ័រ ដែលក្នុងប្រតិបត្តិការនេះសមត្ថកិច្ចចម្រុះបានឃាត់ខ្លួនមនុស្ស៤នាក់ ក្នុងនោះមានស្ត្រីខ្មែរ៣នាក់ និងបុរសជនជាតិនីហ្សេរីយ៉ាម្នាក់ ដោយដកហូតបានថ្នាំញៀនចំនួន២៨កញ្ចប់ (តូច២៥កញ្ចប់ ធំ៣កញ្ចប់) ជញ្ជីងថ្លឹងថ្នាំញៀន១ ឧបករណ៍វេចខ្ចប់ និងសម្ភារប្រើប្រើគ្រឿងញៀនមួយចំនួន ព្រមទាំងរថយន្តកូរ៉ូឡា ពណ៌ស ១គ្រឿងផងដែរ ។
ក្រោយពេលឃាត់ខ្លួន ជនសង្ស័យទាំង៤នាក់ និងវត្ថុតាង ត្រូវបានបញ្ជូនទៅអធិការដ្ឋាននគរបាលខណ្ឌមានជ័យ ដើម្បីធ្វើការសាកសួរ និងកសាងសំណុំរឿងបញ្ជូនទៅតុលាការចាត់ការតាមនីតិវិធីច្បាប់ ៕
ចែករំលែកព័តមាននេះ