ចាំទេ! តួអង្គ ការកេត ចេញមុខឆ្លើយតបភ្លាម ក្រោយឮម៉ែលីណា ចោទនាងថាជាមនុស្សបែបនេះ
បើនិយាយទៅដល់កំពូលតារាសម្ដែងតួរឯកស្រីថៃ នៅក្នុងរឿង «បុព្វេសន្និវាស ភាគ១» ដ៏ល្បីឈ្មោះមួយរូប ប្រចាំប៉ុស្តិ៍លេខ៣ថៃ នោះ គឺកញ្ញា
ថៃ ៖ បើនិយាយទៅដល់កំពូលតារាសម្ដែងតួរឯកស្រីថៃ នៅក្នុងរឿង «បុព្វេសន្និវាស ភាគ១» ដ៏ល្បីឈ្មោះមួយរូប ប្រចាំប៉ុស្តិ៍លេខ៣ថៃ នោះ គឺកញ្ញា Bella Ranee ដែលទទួលបាននៅការគាំទ្រយ៉ាងច្រើនលើសលប់សន្ធឹកសន្ធាប់ពីសំណាក់មហាជនដែលស្រលាញ់ចូលចិត្តតារាស្រីរូបនេះគ្រប់ៗគ្នា ។
ក្នុងនោះផងដែរ មួយរយៈចុងក្រោយនេះ តារាលំដាប់ជួរមុខប្រចាំប្រទេសថៃ Bella Ranee រូបនេះ ហាក់ជួបរឿងជាច្រើនមិនចេះចប់មិនចេះហើយ ក្រោយបែកបាក់ស្នេហាជាមួយកំពូលតារាសម្ដែងប្រុសជួរមុខមួយរូប ដែលមានរូបរាងស្រស់សង្ហាររាងខ្ពស់ស្រឡះ នោះគឺលោក Weir ដែលចំណងស្នេហ៍៩ឆ្នាំត្រូវបានបញ្ចប់អស់រយៈពេល៧ខែមកហើយ ហើយអ្វីដែលភ្ញាក់ផ្អើលមិនស្ទើរទៅវិញនោះ តារាប្រុសរូបនោះក៏បានសម្រេចចិត្តដឹកដៃគូស្នេហ៍ថ្មីចូលរោងការទៀតផង កាលពីថ្ងៃទី១៧ ខែកក្កដា ឆ្នាំ ២០២២ កន្លងទៅ ។
យ៉ាងណាមិញ បើយើងក្រឡេកមកមើលពីសម្រស់របស់នាងវិញ ឃើញថា កញ្ញា Bella Ranee ពីមួយថ្ងៃទៅមួយថ្ងៃនាងកាន់តែវិវត្តន៍ខ្លួនបន្តិចម្ដងបន្តិចម្ដងកាន់តែខ្ញង់ទៅៗ លេចធ្លោខ្លាំងទាំងមានរូបសម្រស់ ស្រស់ស្អាត ឆ្លាតពូកែ មិនថាស្ថិតនៅក្នុងសម្លៀកបំពាក់បែបណា ឬការតុបតែងខ្លួនប្រភេទណានោះទេ មើលកាន់តែយូរកាន់តែគួរអោយទាក់ទាញ គួរអោយគយគន់មិនណយ និងគួរឲ្យស្រឡាញ់មិនធម្មតានោះឡើយ ។
ជាក់ស្ដែង អ្វីដែលនឹកស្មានមិនដល់ទៅវិញនោះ ដោយកាលពីពេលថ្មីៗនេះ តារាស្រី Bella ហាក់ជួបរឿងជាច្រើនមិនដែលលួសម្ដងណាទេ ក្រោយបែកបាក់ចំណងស្នេហាជាមួយតារាប្រុសលោក Weir មក បើទោះបីជាកំពុងតែទទួលបានការគាំទ្រខ្លាំងភ្លុកទឹកភ្លុកដីតាមរយៈរឿងភាគថ្មីដែលមានចំណងជើងថា «បុព្វេសន្និវាស វគ្គ២» តែរឿងអាស្រូវស្នេហារបស់នាងក៏ហាក់មិនទាន់ស្ងប់ស្ងាត់នៅឡើយនោះទេ ។
បន្ទាប់ពីវិវត្តន៍ខ្លួន មានការកើនឡើងជាលំដាប់នៅប្រជាប្រិយភាពខ្លាំងឡើងៗភ្លាម មិនទុកចាំយូរ ស្រាប់តែតារាស្រី Bella បែរជាត្រូវលោកស្រី លីណា ដែលជា Net Idol ល្បីម្នាក់ក្នុងប្រទេសថៃ ហើយលោកស្រីក៏បានក្លាយជាគណៈកម្មការ Miss Universe Thailand 2022 មួយរូបផងដែរនោះ បានចេញមុខមកនិយាយចំៗរិះគន់ផាំងៗ ដោយគ្មានទុកមុខអោយ ទៅកាន់មហាជនអោយបានដឹងបែបនេះថា «នាងជាមនុស្សមិនដឹងគុណ ទាំងដែលគាត់ខំជួយចេញមុខនិយាយកាន់ជើងនាង ពេលមានទំនាស់ជាមួយ Weir ហើយថែមទាំងធ្វើឱ្យកេរ្តិ៍ឈ្មោះនាងកាន់តែល្បី អាចឱ្យរឿងថ្មីរបស់នាងរកចំណូលបានច្រើនថែមទៀត តែនាងបែរជាមិននឹកដល់គាត់សូម្បីបន្តិច សូម្បីតែការអញ្ជើញសំបុត្រកុនមួយក៏គ្មាន»។
ក្រោយផ្ទុះការរិះគន់ខ្លាំងពេក Bella ក៏បានចេញមុខមកឆ្លើយតបទៅវិញយ៉ាងដូច្នេះថា « ចំពោះរឿងអ្នកម៉ែ លីណា គឺខ្ញុំមិនដែលភ្លេចគុណបុណ្យនោះឡើយ មនុស្សណាមានគុណចំពោះខ្ញុំ ខ្ញុំមិនភ្លេចទេ ហើយក៏សុំអរគុណដល់អ្នកម៉ែ លីណា ដែលបានផ្តល់កម្លាំងចិត្តដល់ខ្ញុំចាស៎! ខ្ញុំនឹងផ្ញើសំបុត្រកុនឱ្យម៉ែឆាប់ៗនេះ ព្រមជាមួយនឹងពាក្យអរគុណ ហើយក៏អរគុណម៉ែចំពោះពាក្យជូនពរឱ្យកូនក្លាយជាតារាស្រីពាន់លាន ស្រឡាញ់ម៉ែខ្លាំងណាស់ បើទោះមិនទាន់បានពាន់លាន កូនសុំត្រឹមឱ្យរឿងនេះរកបាន ៥០០ លានសិនក៏បានដែរម៉ែ» ។
ក្រោយពីបានឃើញបែបនេះហើយ ក៏មានហ្វេនៗជាច្រើននាំគ្នាចូលទៅខមិនថា «ខ្ញុំចូលចិត្តអ្នក អ្នកប្រាកដក្នុងចិត្តគ្រប់យ៉ាង អ្នកមើលទៅគួរឱ្យស្រលាញ់ បំបាត់ភាពតានតឹងបានយ៉ាងល្អ» «Belle ឆ្លើយសំណួរយ៉ាងស្អាត។ មិនធ្វើឱ្យនរណាម្នាក់ឈឺចាប់» « គួរឲ្យស្រលាញ់ណាស់ Bella លោកយាយ លីណា ទៅរកពេទ្យជាបន្ទាន់ គ្មានអ្នកណាប្រាប់លោកយាយទេ» « ពេល Bella ឆ្លើយទាំងចិត្តត្រជាក់អញ្ជឹងទៅ គួរឲ្យស្រលាញ់ខ្លាំងណាស់» «ស័ក្តិសមនឹងតួឯកស្រីទាំងក្នុងរឿង និងក្រៅឆាក រឿងស្នេហ៍របស់នាងខ្លាំងណាស់និយាយឡើងពីរោះតបមកវិញឡើងត្រជាក់ នេះបានសមជាតារាពិតប្រាកដមែន ស្រលាញ់អាយដលពេញបេះដូង» ៕
ចែករំលែកព័តមាននេះ