ADផ្ទាំងផ្សព្វផ្សាយពាណិជ្ជកម្ម

Picture

ពុទ្ធោ​អើយ​! ម្តាយ​ទើប​ស្លា​.​ប់​ថ្មី​ៗ ពេល​នេះ វី ឌី​ណែ​ត ថា ​ខ្លួន​មាន​ជំងឺ​ត្រូវ​លេបថ្នាំ​មួយ​ជីវិត

1 អាទិត្យ មុន
  • ភ្នំពេញ

ថ្មី​ៗ​នេះ​អ្នកលេង​បណ្ដាញ​សង្គម​ផ្ទុះ​ការ​ភ្ញាក់ផ្អើល និង​សម្ដែង​ក្ដី​អាណិតអាសូរ​ដល់​តារាចម្រៀង​ស្រី​ល្បីឈ្មោះ​ដែល​ជ្រក​ក្រោម​ផលិតកម្ម រស្មី​ហង្ស​មាស គឺ​កញ្ញា វី ឌី​ណែ​ត ជា​ខ្លាំង ក្រោយ​ពេល​កញ្ញា​បាន​ប្រកាស​ពី​ស្ថានភាព​ជំងឺ​របស់​ខ្លួន ដែល​ត្រូវ​លេបថ្នាំ​អស់​មួយ​ជីវិត ខណៈ​ពេល

រាជធានី​ភ្នំពេញ ៖ ថ្មី​ៗ​នេះ​អ្នកលេង​បណ្ដាញ​សង្គម​ផ្ទុះ​ការ​ភ្ញាក់ផ្អើល និង​សម្ដែង​ក្ដី​អាណិតអាសូរ​ដល់​តារាចម្រៀង​ស្រី​ល្បីឈ្មោះ​ដែល​ជ្រក​ក្រោម​ផលិតកម្ម រស្មី​ហង្ស​មាស គឺ​កញ្ញា វី ឌី​ណែ​ត ជា​ខ្លាំង ក្រោយ​ពេល​កញ្ញា​បាន​ប្រកាស​ពី​ស្ថានភាព​ជំងឺ​របស់​ខ្លួន ដែល​ត្រូវ​លេបថ្នាំ​អស់​មួយ​ជីវិត ខណៈ​ពេល​ម្ដាយ​ទើបតែ​ចែក​ឋាន​ទៅ​ថ្មី​ៗ ដោយសារ​ជំងឺ​កូ​វី​ដ​១៩ ។

Picture

មុន​ពេល​ឈាន​ដល់​ការ​រៀបរាប់​ពី​ស្ថានភាព​ជំងឺ​របស់​តារា​ស្រី​រូប​នេះ យើង​សូម​រំលឹក​ថា កញ្ញា វី ឌី​ណែ​ត គឺជា​តារាចម្រៀង​ស្រី​មួយរ​រូប ជ្រក​ក្រោម​ដំបូល​ផលិតកម្ម រស្មី​ហង្ស​មាស និង​ជា​កូនស្រី​បង្កើត​របស់​តារាចម្រៀង​ជើង​ចាស់​លោក ហួ ឡា​វី ។ បច្ចុប្បន្ន កញ្ញា​កំពុង​កើន​ប្រជាប្រិយភាព ក៏​ដូច​ជា ទទួល​បានការ​គាំទ្រ​យ៉ាង​ខ្លាំង​ពី​សំណាក់​មហាជន​គ្រប់​ស្រទាប់ តាម​រយៈ​សមត្ថភាព​ទឹកដម​សម្លេង​ក្នុង​ការ​ច្រៀង​ចម្រៀង​ដ៏​ពីរោះ​រណ្ដំ និង​ក្រអួន​ក្រអៅ​របស់​កញ្ញា មិន​ថា​ក្នុង​បទ​ចម្រៀង​បែប​មនោសញ្ចេតនា ញាក់​កន្ត្រាក់​អារម្មណ៍​ឡើយ ពោល​គឺ​សុទ្ធតែ​ពីរោះ​ៗ​តែ​ម្ដង​។​ចំពោះ​សមត្ថភាព​ក្នុង​ការ​ច្រៀង​ចម្រៀង​បាន​យ៉ាង​ពីរោះ​នេះ ប្រៀប​បីដូច​ជា​កញ្ញា​បាន​សាង​ស្នាដៃ​ជា​ច្រើន​ជូន​ផលិតកម្ម រស្មី​ហង្ស​មាស ផង​ដែរ​។

Picture

យ៉ាងណាមិញ កាលពី​ថ្មី​ៗ​កន្លង​ទៅ​នេះ តារាចម្រៀង​ស្រី កញ្ញា វី ឌី​ណែ​ត បាន​ប្រកាសប្រាប់​ពី​ស្ថាន​ភាព​ជំងឺ​របស់​ខ្លួន​អោយ​មហាជន​អ្នកគាំទ្រ​បានដឹង​តាម​រយៈ​បទ​សម្ភាសន៍​មួយ​ថា «​ក្រោយ​អ្នក​ម្តាយ​ជាទី​គោរព​ស្រលាញ់​របស់​ខ្លួន​ទទួលមរណភាព​ទៅ​ដោយសារ​ជំងឺ​កូ​វី​ដ​១៩ នាង​ក៏​ធ្លាក់ខ្លួន​មាន​ជំងឺ​ប្រចាំ​ខ្លួន​ម្យ៉ាង​ដែល​ត្រូវ​លេបថ្នាំ​អស់​មួយ​ជីវិត គឺ​ជំងឺ ពក​.​ក ទៀត​ផង​»​។

Picture

តារា​ស្រី​រូប​នេះ បាន​ផ្ដល់​បទ​សម្ភាសន៍​បន្ត​ថា «​បើ​ទោះបីជា​ខ្លួន​ត្រូវ​វះកាត់​ហើយ​ក៏​ដោយ កញ្ញា​នៅ​តែ​ត្រូវ​បន្ត​លេបថ្នាំ​ដដែល រហូត​អស់​មួយ​ជីវិត​ផង​ដែរ ហើយ​សព្វ​ថ្ងៃនេះ កញ្ញា​គឺជា​អ្នកចម្រៀង ប្រសិន​បើ​កញ្ញា ហ៊ាន​តែ​វះកាត់​នោះ កញ្ញា​អាច​ប្រឈម​មុខ​នឹង​ការ​បាត់បង់​សំឡេង​របស់​ខ្លួន រហូត​ដល់​ទៅ​៥០​ភាគរយ ឬ​លើស​នេះ​ទៅ​ទៀត ដែល​វា​ជា​កត្តា​សំខាន់​បំផុត​សម្រាប់​អាជីព​របស់​ខ្លួន​»​។

តារា​ស្រី​រូប​នេះ​បាន​បន្ត​ប្រាប់​ពី​អាកា​រៈ​ជំងឺ​របស់​ខ្លួន ដោយ​លើក​ឡើង​ថា «​ជំងឺ​ប្រភេទ​នេះ វា​មាន​អាកា​រៈ​ដូច​ជា ប្រឈម​នឹង​ការ​ឆាប់​ហត់​ជា​ខ្លាំង ឆាប់​ញ័រ​ដៃជើង ហើយ​ប្រសិនបើ​មាន​សារធាតុពុល​ណាមួយ​ឡើង​ខ្លាំង នាង​អាច​នឹង​ធ្វើទុក្ខ​ដល់​បេះដូង​ទៀត​ផង​»​។

Picture

កញ្ញា វី ឌី​ណែ​ត បាន​បន្ត​ប្រាប់​ពី​បញ្ហា​ធំ​បំផុត ដែល​អាច​បង្ក​ឱ្យ​ឈាន​ដល់​ការ​បាត់​មុខ​ពី​វិ​ស្ស័​យ​សិល្បៈ​ដែល​ជា​ឆ្នាំងបាយ និង​ជីវិត​រស់នៅ​ប្រៀប​ដូច​ជា មុខរបរ​ដ៏​ធំធេង​របស់​ខ្លួន​ថា « ប្រសិនបើ​កញ្ញា​មាន​ដុះ​ដុំ​សាច់​នោះ វា​អាច​សង្កត់​សរសៃ​ភ្នែក​បាន ដែល​បណ្ដាល​អោយ​ភ្នែក​របស់​នាង​លាន​ចេញ​មក​ធំ​ជាង​មុន ប៉ុន្តែ​ក៏​សំណាងល្អ​ដែរ ដែល​នាង​បាន​ធ្វើការ​ត្រួតពិនិត្យ​ដឹង​មុន​ទាន់​ពេលវេលា ដែល​មិន​ទាន់​ដល់​ដំណាក់កាល​ត្រូវ​វះ​នោះ​ឡើយ​» ។

តារាចម្រៀង​ស្រី វី ឌី​ណែ​ត បាន​លើក​ឡើង​ថា «​នេះ​ជា​កត្តា និង​បញ្ហា​ធំ​បំផុត​សម្រាប់​ជីវិត​រស់នៅ​របស់​ខ្លួន ដែល​ធ្វើ​អោយ​នាង​ពិបាកចិត្ត និង​ស្មុគស្មាញ​ជា​ខ្លាំង ព្រោះ​ខ្លួន​ជា​អ្នកចម្រៀង​អាជីព​មួយ​រូប ប្រសិនបើ​បាត់បង់​សំឡេង​រហូត​ដល់​ទៅ​៥០% និង​ប្រឈម​បញ្ហា​ដូច​ជា​បាន​រៀបរាប់​ខាងលើ​នោះ ប្រៀប​បីដូច​ជា​ខ្លួន​ត្រូវ​បាត់បង់​ឆ្នាំងបាយ​ដែល​ជា​ជីវិត​ប្រចាំ​ថ្ងៃ​អ​ញ្ចឹ​ង​ដែរ​»​។

Picture

សូម​រំលឹក និង​ជម្រាប​ជូន​មហាជន​អោយ​បានដឹង និង​ជ្រាប់​ថា «​កាល​ថ្ងៃ​ទី​១៩ ខែមីនា ឆ្នាំ​២០២១ កន្លង​ទៅ​នេះ ជា​ថ្ងៃ​ដែល​តារាចម្រៀង​ស្រី​ប្រចាំ​ផលិតកម្ម រស្មី​ហង្ស​មាស និង​ជា​កូនស្រី​បង្កើត​របស់​តារាចម្រៀង​ជើង​ចាស់​លោក ហួ ឡា​វី គឺ​កញ្ញា វី ឌី​ណែ​ត ទទួល​រង​នូវ​ទុក្ខ​ធំ​បំផុត ដែល​មិន​អាច​បំភ្លេច​​បាន ដោយ​កញ្ញា​ត្រូវ​បាន​បាត់បង់​អ្នក​ម្តាយ​ជាទី​គោរព​ស្រលាញ់​ទៅ​គ្មាន​ថ្ងៃ​វិល​ត្រឡប់ ដោយ​ម្ដាយ​តារា​ស្រី​រូប​នេះ បាន​កើត​ជំងឺ​កូ​វី​ដ​១៩ ដោយ​គ្រានោះ​ធ្វើ​អោយ​នាង​និង​គ្រួសារ​ទទួលយក​សឹងតែ​មិន​បាន​ឡើយ ព្រោះ​វា​ពិតជា​លឿន​ខ្លាំង​មែនទែន ដែល​គ្រប់​គ្នា​មិន​នឹក​ស្មាន​ដល់​ទាល់តែ​សោះ​។

Picture

អ្វី​ដែល​កាន់តែ​គួរ​អោយ​អាណិត​បំផុត​នោះ សូ​ម្បី​មុខ​ម្ដាយ​ជា​លើក​ចុង​ក្រោយ ក៏​កញ្ញា​មិន​បាន​មើល​នោះ​ដែរ ដោយសារ​ពេល​នេះ​នាង​ជាប់​ធ្វើ​ច​ត្តា​ឡី​ស័ក ដែល​នេះ​ជា​ហេតុការណ៍​មួយ​ធ្វើ​អោយ​នាង​ចង​ចាំ​ដក់​ជាប់​ក្នុង​ចិត្ត​មិន​អាច​ភ្លេច​បាន ហើយ​មហាជន​ក៏​បាន​សម្ដែង​ការ​អាណិតអាសូរ​ចំពោះ​នាង​ជា​ខ្លាំង​ផង​ដែរ ៕

Picture
Picture
Picture
Picture
Picture
Picture
Picture
Picture
Picture
Picture
Picture
Picture
Picture