ក្រុមការងារម៉េកណូលា គីងកុ ភ្លឹស ទទួលបានរូបថតអនុស្សាវរីយ៍ល្អៗជាច្រើនដែលបានបន្សល់ទុកនៅក្នុងទូរស័ព្ទដៃ ក្នុងអំឡុងពេលថតស្ពតពាណិជ្ជកម្មនៅប្រទេសថៃ។
រូបទាំងអស់នោះ គឺជាសកម្មភាពផ្សេងៗនៃការថត ដែលបានស្តែងឲ្យឃើញនូវភាពអត់ធ្មត់ខ្ពស់ និងអត្តចរិតល្អរបស់គូរចម្រៀង ពន្លឺ និងសុជាតិ ដែលធ្វើឲ្យក្រុមការងារមិនស្ងើចសរសើរមិនបាន និងសហការគ្នាដល់ទីបញ្ចប់ផ្តល់នូវស្ពតពាណិជ្ជកម្មមួយដ៏គួរឲ្យទាក់ទាញចង់ទស្សនា។
ផុសចេញពីការយកចិត្តទុកដាក់លើការងារដែលខ្លួនស្រឡាញ់ ការជំរុញចិត្ត តាំងចិត្តខ្ពស់ និងការខំប្រឹងដោយមិនត្អូញត្អែរ ទោះជាក្រុមការងារតម្រូវឲ្យថតសំឡេងច្រើនដង ឲ្យសម្តែងម្តងហើយម្តងទៀតយ៉ាងណា ក៏តារាទាំងពីរនៅតែញញឹមធ្វើការយ៉ាងស្និទ្ធស្នាល និងព្រមទាំងមានការទទួលខុសត្រូវខ្ពស់។
នៅក្នុងរយៈពេល3ថ្ងៃនៅចុងឆ្នាំ 2016 នៃការថតស្ពតពាណិជ្ជកម្មរបស់ក្មេងខ្មែរ តារាចម្រៀងនិពន្ធបទភ្លេង Original និងជាអ្នកតំណាងផលិតផលទឹកដោះគោឆៅ ម៉េកណូលា គីងកុ ភ្លឹស បានប្រមូលផ្តុំអនុស្សាវរីយ៍នៅពីក្រោយឆាក តាមរយៈរូបថតមួយចំនួនដែលរក្សាទុកនៅក្នុងទូរស័ព្ទដៃ។ នេះធ្វើឲ្យអ្នកទស្សនាមួយចំនួនធំចង់ដឹងចង់ឃើញ បន្ទាប់ពីពួកគេបានមើលស្ពតពាណិជ្ជកម្មគីងកុដ៏គួរឲ្យចាប់អារម្មណ៍នៅដើមឆ្នាំ 2017 រួចមកហើយនេះ។
ចែករំលែកព័តមាននេះ