ខេត្តព្រះសីហនុ ៖ ប្រធានក្រុមប្រឹក្សាជំនុំជម្រះសាលាដំបូងរាជធានីភ្នំពេញ លោកហេង កេសរោ កាលពីរសៀលថ្ងៃទី០៥ មករា ២០១៧ បានប្រកាសសាលក្រមផ្តន្ទាទោសស្ត្រីជនជាតិថៃម្នាក់ ដាក់ពន្ធនាគារអស់១ជីវិត និងពិន័យប្រាក់ចំនួន១០លានរៀល ចូលថវិការដ្ឋលើសំណុំរឿងជួញដូរ និងដឹកជញ្ជូនដោយខុសច្បាប់នូវសារធាតុញៀនពីទីក្រុងឌូបៃ ។
ជនជាប់ចោទឈ្មោះ KAEWKANLAYA AMPHAWAN ភេទស្រី អាយុ២១ឆ្នាំ ជនជាតិថៃ មានទីលំនៅផ្ទះលេខ១៤២ តំបន់នងចាន់ខាវ ខេត្តនគររាជសីម៉ា ប្រទេសថៃ ។
ជនជាប់ចោទត្រូវបានកម្លាំងសមត្ថកិច្ចនគរបាលមន្ទីរប្រឆាំងគ្រឿងញៀន សហការជាមួយសមត្តកិច្ចគយ ចាប់ខ្លួនកាលពីថ្ងៃទី៣០ មិនា ២០១៦ នៅព្រលានយន្តហោះអន្តរជាតិភ្នំពេញ និងបានដកហូតថ្នាំញៀនទងន់២៥៩៤,៥៦ ក្រាម ជាប្រភេទថ្នាំញៀន កាកូអ៊ីន ដែលជនល្មើសដាក់នៅក្នុងកំប៉ុងស្ករសូកូឡាចំនួន១៥កំប៉ុង ។
សំណុំរឿងនេះត្រូវបានសាលាដំបូងបើកសវនាការ កាលពីថ្ងៃទី១ ធ្នូ ២០១៦ ពេលសវនាការជនជាប់ចោទបានឆ្លើយថា នៅអំឡុងថ្ងៃទី២៤ មិនា ឆ្នាំ ២០១៦ សង្សាររបស់នាងបានឲ្យរូបនាងធ្វើដំណើរទៅទីក្រុងឌូបៃ ប្រទេសអារាប់ ដើម្បីជួបបងប្រុសរបស់សង្សារ ទទួលយកបញ្ញើ ។
ពេលទៅដល់ឌូបៃក៏បានជួបនិងបងប្រុសសង្សារមែន ក៏បានយកកំប៉ុងដាក់ស្កគ្រាប់សូកូឡាចំនួន១៥កំប៉ុង មកឲ្យនាង ដើម្បីយកទៅឲ្យប្អូនប្រុសគាត់នៅប្រទេសថៃ ។ លុះដល់ថ្ងៃកំណត់ក៏បានជិះយន្តហោះមកក្រុងឌូបៃ និងធ្វើដំណើរមកដល់កម្ពុជានៅថ្ងៃទី៣០ មិនា ឆ្នាំ ២០១៦ ក៏ត្រូវសមត្ថកិច្ចកម្ពុជាចាប់ខ្លួនតែម្ដងត្រូវសមត្តកិច្ចចាប់ខ្លួន ។ ជនជាប់ចោទឆ្លើយចំពោះមុខតុលការទៀតថា នាងមិនបានដឹងក្នុងកញ្ចប់នោះជាអ្វីទេ នៅពេលសមត្តកិច្ចប្រទេសកម្ពុជាប់ចាប់ថា គ្រឿងញៀន ។
ចែករំលែកព័តមាននេះ