ADផ្ទាំងផ្សព្វផ្សាយពាណិជ្ជកម្ម

Picture

រឿង​តក់ស្លុត​! ឈួ​ន សុវណ្ណ​ឆៃ និង​ឈួ​ន ស្រី​ម៉ៅ រំពឹង​ពរ​ពី​ទេវតា​ជួយ​សង្គ្រោះ​អ្នក​ម្តាយ

1 អាទិត្យ មុន
  • ភ្នំពេញ

ជា​រឿង​តក់ស្លុត​មួយ ស្ទើរ​ទទួលយក​មិន​បាន សម្រាប់​ត្រកូល​តារាចម្រៀង ត្រកូល ឈួ​ន ដែល​អ្នក​ម្តាយ​ជាទី​គោរព​ធ្លាប់​មើលថែ​កូន​តាំងពី​តូច​ៗ បែរជា​ជួប​ប្រទះ​ដោយ​ជំងឺ​ដ៏​កា​.​ច​សាហា​.​វ​ទាំង​មិន​នឹក​ស្មាន គឺ​ជំងឺ

រាជធានី​ភ្នំពេញ ៖ ជា​រឿង​តក់ស្លុត​មួយ ស្ទើរ​ទទួលយក​មិន​បាន សម្រាប់​ត្រកូល​តារាចម្រៀង ត្រកូល ឈួ​ន ដែល​អ្នក​ម្តាយ​ជាទី​គោរព​ធ្លាប់​មើលថែ​កូន​តាំងពី​តូច​ៗ បែរជា​ជួប​ប្រទះ​ដោយ​ជំងឺ​ដ៏​កា​.​ច​សាហា​.​វ​ទាំង​មិន​នឹក​ស្មាន គឺ​ជំងឺ​ខូច​ក្រលៀន​ធ្ងន់ធ្ងរ​។ ក្នុង​ពេល​នេះ ត្រកូល ឈួ​ន ជា​ច្រើន​នាក់​បាន​ទៅ​ដល់​ប្រទេស​ថៃ ប្រចាំការ​នៅ​មន្ទីរពេទ្យ ដោយ​អារម្មណ៍​បុក​ពោះ ខណៈ​ខាង​ក្រុម​គ្រូពេទ្យ​ក៏​បាន​ខ្នះខ្នែង ទោះ​ដឹង​ថា លំបាក​។

ឈួ​ន សុវណ្ណ​ឆៃ បាន​ដល់ទី​កន្លែង​ព្យាបាល ទាំង​អារម្មណ៍​មិន​នៅ​ក្នុង​ខ្លួន ទន់​ដៃជើង​។ ឯ​តារាចម្រៀង ឈួ​ន ស្រី​ម៉ៅ ត្រូវជា​ប្អូនបង្កើត​ក៏​ប្រញាប់ប្រញាល់​ហោះ​ពី​អា​មេ​រិ​កមក​មន្ទីរពេទ្យ​ថៃ មើល​ម្តាយ​ដោយ​អារម្មណ៍​ក្តុកក្តួល​អម​ជាមួយ​ការ​បែរបន់​គ្រប់​ពាក្យ​អោយ​ជីវិត​ម្តាយ​ងើបឈរ​ឡើង​វិញ​។

Picture

រៀមច្បង​គ្រួសារ ឈួ​ន សុវណ្ណ​ឆៃ នៅ​លើ​បណ្តាញ​សង្គម ក៏​បាន​បង្ហោះ​សារ​ថា «​អនុស្សាវរីយ៍​យើង​ច្រើន​ណាស់ អ្នក​ម្តាយ​ស៊ូ​ឡើង ឆាប់​បាន​ទៅ​ផ្ទះ​យើង​វិញ​។ ម៉ែអើយ​ម៉ែ ចៅ​ៗ​នឹក​ខ្លាំង​កំពុង​តែ​ចាំ​សុំ​លុយ​ម៉ាក់យាយ​យក​ទៅ​ទិញ​នំ​ញាំ​បានលឺ​អត់​ម៉ែ​»​។

ឯ ឈួ​ន ស្រី​ម៉ៅ វិញ​ក៏​បាន​បង្ហោះ​សារ​ក្នុង​ចិត្ត​ថា «​មិន​សុំ​អី្វ​ពី​មិត្តភក្តិ​បងប្អូន​ក្នុង Facebook ច្រើន​ទេ គឺ​សុំ​តែ​បងប្អូន​ជួយ​បួងសួង​ជូន​ចំពោះ​ម្ដាយ​ខ្ញុំ​ឈ្មោះ (​ហួត ឡាប​) ឆាប់​ជា​ពី​ជំងឺ ដឹងខ្លួន​ត្រលប់​មក​ធម្មតា​ដូច​ដើម​វិញ​ផង ។ (​សូម​អរគុណ​បងប្អូន​ទុកជា​មុន​អោយ​ហើយ​) ពី​នាង​ខ្ញុំស្រី​ម៉ៅ​។

Picture

តាម​ប្រភព​ព័ត៌មាន​បានអោយ​ដឹង​ថា ស្ថានភាព​អ្នកជំងឺ ស្ថិត​នៅ​ជាមួយ​ការ​សង្គ្រោះ​នៅឡើយ ដោយ​ការ​សង្ឃឹម​មិន​មាន​ច្រើន​។ ចំណែក ឈួ​ន សុវណ្ណ​ឆៃ និង​បងប្អូន ព្រមទាំង​លោកឪពុក ក៏​ស្រឡាំងកាំង ព្រោះ​ឧស្សាហ៍​នាំ​ម្តាយ​ឆែក​សុខភាព​ជា​ប្រចាំ ដើម្បី​តាមដាន​។ ប៉ុន្តែ​បែរជា​ចុង​ក្រោយ លេច​ចេញ​ជាមួយ​ជំងឺ​ដ៏​កា​.​ច​មួយ​នេះ​មក​វិញ​។ ក្តី​សង្ឃឹម​ពេល​នេះ មាន​តែ​សុំ​ពរ​ពី​ទេវតា​ប៉ុណ្ណោះ ដើម្បី​ប្រោះ​មក​វិញ​។

Picture

ឯ​កូនចៅ​បាន​ត្រឹមតែ​សុំ​អោយ​ពេទ្យ​ជួយ និង​បួងសួង​ដល់​វត្ថុ​ស័ក្ដិសិទ្ធិ​ទាំងអស់​បន្ត​ជួយ អោយ​អ្នក​ម្តាយ​ជាទី​ស្រឡាញ់ ជា​ម្លប់​កូនចៅ បាន​ធូរស្បើយ​មួយ​កម្រិត​ផង​ចុះ​។ កូន​ៗ​ពិតជា​អាណិតម្តាយ លំបាក​តាំងពី​អត់ ចិញ្ចឹម​កូន​ទាំង​ហ្វូង ។ ឥឡូវនេះ កូន​ៗ​មាន​មែកធាង ធូរធា ក៏​សុំ​ម្យ៉ាង​បន្ត​សងគុណ អ្នក​មានគុណ អោយ​អស់ចិត្ត​តែ​ប៉ុណ្ណោះ​។

Picture
Picture
Picture
Picture
Picture
Picture
Picture
Picture
Picture
Picture
Picture
Picture
Picture