ខេត្តកោះកុង ៖ សេចក្តីរាយការណ៍បឋមបានឲ្យដឹងថា មានទូកនេសាទមួយគ្រឿងប្រភេទទូកអូសបង្គាបានបុកនឹងថ្ម រួចជាប់គាំងក្នុងសមុទ្រ កាលពីយប់រំលងអធ្រាត្រឆ្លងចូលថ្ងៃទី ១៩ ខែកក្កដានេះ នៅចំណុច ដាវ…
ខេត្តកោះកុង ៖ សេចក្តីរាយការណ៍បឋមបានឲ្យដឹងថា មានទូកនេសាទមួយគ្រឿងប្រភេទទូកអូសបង្គាបានបុកនឹងថ្ម រួចជាប់គាំងក្នុងសមុទ្រ កាលពីយប់រំលងអធ្រាត្រឆ្លងចូលថ្ងៃទី ១៩ ខែកក្កដានេះ នៅចំណុច ដាវ 50.872 និង 09.907 ចន្លោះកោះម្នាស់ និងកោះដូង ក្នុងភូមិសាស្ត្រ ស្រុកគីរីសាគរ ខេត្តកោះកុង ដែលតាមការបញ្ជាក់ពីសមត្ថកិច្ចថា ដោយសារតែបើកខុសឃ្លងក្បែរកោះ ។
បើតាមសមត្ថកិច្ចក្នុងទីបញ្ជាការជួរមុខ គណកម្មាធិការជាតិសន្តិសុខលម្ហសមុទ្រឲ្យដឹងថា នៅលើទូកនេះ មានមនុស្សចំនួន០៤នាក់ ក្រោយកើតហេតុភ្លាមៗ ត្រូវបានទូកនេសាទចំនួន០២គ្រឿងទៀត ដែលទៅនេសាទជាមួយគ្នាជួយសង្គ្រោះមនុស្សនៅលើទូកនោះទាន់ពេល ដែលពុំមានអ្នករងគ្រោះថ្នាក់ឡើយ ។
សមត្ថកិច្ចឲ្យដឹងបន្ថែមថា ម្ចាស់ទូក ឈ្មោះ ឯម ដាំ ភេទប្រុស អាយុ៥០ឆ្នាំ មុខរបរនេសាទ មានទីលំនៅក្នុងខេត្តព្រះសីហនុ ៕
ចែករំលែកព័តមាននេះ