ខេត្តព្រះសីហនុ ៖ ប្រជាពលរដ្ឋបានឱ្យដឹងនៅព្រឹកថ្ងៃ១៥ កក្កដា នេះថា ដោយសាររងឥទ្ធិពលភ្លៀងនិងខ្យល់ខ្លាំងអស់មួយសប្តាហ៍មកទឹកបានហូរខ្លាំង ធ្វើឱ្យស្ពានឈើឆ្លងព្រែកទឹកសាបតំបន់តាលះ ស្ថិតក្នុងឃុំរាម ស្រុកព្រៃនប់ ខេត្តព្រះសីហនុ…
ខេត្តព្រះសីហនុ ៖ ប្រជាពលរដ្ឋបានឱ្យដឹងនៅព្រឹកថ្ងៃ១៥ កក្កដា នេះថា ដោយសាររងឥទ្ធិពលភ្លៀងនិងខ្យល់ខ្លាំងអស់មួយសប្តាហ៍មកទឹកបានហូរខ្លាំង ធ្វើឱ្យស្ពានឈើឆ្លងព្រែកទឹកសាបតំបន់តាលះ ស្ថិតក្នុងឃុំរាម ស្រុកព្រៃនប់ ខេត្តព្រះសីហនុ ត្រូវខូចដាច់ បង្កឱ្យមានការប៉ះពាល់ដល់ការធ្វើដំណើររបស់ពលរដ្ឋនិងកម្មករផងដែរ ។
ករណីនេះ អាជ្ញាធរឃុំរាម ស្រុកព្រៃនប់ ក៏បានធ្វើការអំពាវនាវឱ្យពលរដ្ឋ កម្មករ និងកម្មការីនី ទាំងអស់ ត្រូវមានប្រុងប្រយ័ត្នឱ្យបានខ្ពស់ពេលធ្វើដំណើរឆ្លងកាត់ព្រែកក្នុងស្ថានភាពទឹកធំបែបនេះ ។
សូមរំលឹកថា គិតត្រឹមល្ងាចថ្ងៃ១៤ កក្កដា ម្សិលមិញ តំបន់សមុទ្រនៅតែមានភ្លៀងធ្លាក់ច្រើន លាយឡំដោយខ្យល់ខ្លាំង បង្កើតជារលកខ្ពស់ ប៉ះពាល់ដល់ប្រជានេសាទ និងចរាចរណ៍ផ្លូវសមុទ្រ ហើយបើអាកាសធាតុនៅតែបែបនេះ ការទៅនេសាទលម្ហសមុទ្រ និងត្រូវផ្អាកជាបន្តបន្ទាប់ ។
យោងតាមសេចក្តីជូនដំណឹងស្ដីពីស្ថានភាពធាតុអាកាស គឺចាប់ពីថ្ងៃទី ១៣-១៩ ខែកក្កដា ឆ្នាំ២០២២ ព្រះរាជាណាចក្រកម្ពុជានឹងទទួលឥទ្ធិពលជាបន្តបន្ទាប់ គឺចាប់ពីថ្ងៃទី១៣-១៤ ខែកក្កដា ឥទ្ធិពលពីប្រព័ន្ធសម្ពាធទាប ITCZ ភ្ជាប់ទៅនឹងសម្ពាធទាបសកម្មនៅលើសមុទ្រចិនខាងត្បូង និងខ្យល់មូសុងនិរតីក្នុងកម្រិតពីមធ្យមទៅខ្លាំង ។
ដោយឡែក តំបន់មាត់សមុទ្រមានសីតុណ្ហភាពអប្បបរមាមានពី ២៣-២៥ អង្សាសេ សីតុណ្ហភាពអតិបរមា មានពី ៣១-៣៣អង្សាសេ ។
ចែករំលែកព័តមាននេះ