ចុងសប្ដាហ៍ទី២ ក្នុងខែកក្កដា កម្ពុជាទទួលបានភ្ញៀវទេសចរជាង ២៨ម៉ឺននាក់
- ភ្នំពេញ
រាជធានីភ្នំពេញ៖ លោក ថោង ខុន រដ្ឋមន្ត្រីក្រសួងទេសចរណ៍ នាថ្ងៃទី១១ ខែកក្កដា ឆ្នាំ២០២២នេះ បានបង្ហាញស្ថិតិប្រចាំសប្តាហ៍ ថ្ងៃទី៩-១០…
រាជធានីភ្នំពេញ៖ លោក ថោង ខុន រដ្ឋមន្ត្រីក្រសួងទេសចរណ៍ នាថ្ងៃទី១១ ខែកក្កដា ឆ្នាំ២០២២នេះ បានបង្ហាញស្ថិតិប្រចាំសប្តាហ៍ ថ្ងៃទី៩-១០…
រាជធានីភ្នំពេញ៖ លោក ថោង ខុន រដ្ឋមន្ត្រីក្រសួងទេសចរណ៍ នាថ្ងៃទី១១ ខែកក្កដា ឆ្នាំ២០២២នេះ បានបង្ហាញស្ថិតិប្រចាំសប្តាហ៍ ថ្ងៃទី៩-១០ ខែកក្កដា ឆ្នាំ២០២២ មានភ្ញៀវទេសចរចេញដើរកម្សាន្តចំនួន ២៨៥,៨០៨នាក់ ក្នុងនោះ មានភ្ញៀវជាតិ ២៦៤,៨៨១នាក់ និងភ្ញៀវបរទេសផ្ទៃក្នុង ២០,៩២៧នាក់។
គោលដៅទេសចរណ៍សំខាន់ៗ រួមមាន៖ ខេត្តព្រះសីហនុ ៥៤,៨៩២នាក់ ខេត្តសៀមរាប ៤៤,៥៤០នាក់ ខេត្តបាត់ដំបង ៤៣,៨០៦នាក់ ខេត្តកំពត ២៨,៨៦៨នាក់ រាជធានីភ្នំពេញ ១៨,៧៤៣នាក់ ខេត្តកែប ១៨,០៦៩នាក់ ខេត្តពោធិ៍សាត់ ៩,៥០៥នាក់ និងខេត្តកំពង់ស្ពឺ ៨,៦៦៨នាក់។
លោករដ្ឋមន្ត្រី បានឱ្យដឹងថា តួលេខខាងលើ មានការថមថយប្រមាណ ៣.៨៩% ធៀបនឹងចុងសប្តាហ៍កន្លងមក ស្របពេលដែលនៅតាមបណ្តារាជធានី-ខេត្ត មានភ្លៀងធ្លាក់ដោយកន្លែង និងដោយអន្លើៗ។
លោករដ្ឋមន្ត្រីបានបន្តថា នាចុងសប្តាហ៍នេះ ក៏មានប្រជាពលរដ្ឋមួយចំនួន បានធ្វើដំណើរទៅកាន់ទីវត្តអារាមនានា ដើម្បីនាំយកទានវស្សា និងគ្រឿងឧបភោគបរិភោគទៅប្រគេនព្រះសង្ឃ សម្រាប់ប្រើប្រាស់នាពេលចូលព្រះវស្សា ដែលនឹងចូលមកដល់ថ្ងៃ១ រោច ខែអាសាឍ ឆ្នាំខាល ចត្វាស័ក ពុទ្ធសករាជ ២៥៦៦ ត្រូវនឹងថ្ងៃទី១៤ ខែកក្កដា ឆ្នាំ២០២២ សប្តាហ៍ក្រោយ។
ដោយឡែក ការអនុវត្តតាមអនុសាសន៍ណែនាំរបស់សម្តេចតេជោ ក្រសួងទេសចរណ៍ បានចេញសារាចរណែនាំស្តីពីការចូលរួមកាន់ទុក្ខចំពោះមរណភាពលោក អាបេ ស៊ីនហ្សូ (SHINZO ABE) ដោយណែនាំឱ្យអាជីវកម្មខារ៉ាអូខេ ក្លឹបកម្សាន្តរង្គសាល-ឌីស្កូតែក និងបៀរហ្កាឌិនផ្អាកសកម្មភាពអាជីវកម្ម ហើយភោជនីយដ្ឋាន និងអាហារដ្ឋាន ត្រូវផ្អាកសកម្មភាពលក់គ្រឿងស្រវឹង ១ថ្ងៃ នៅថ្ងៃ១០ ខែកក្កដា ឆ្នាំ២០២២៕ សុខ សារ៉ាយ
ចែករំលែកព័តមាននេះ