ខេត្តបន្ទាយមានជ័យ ៖ គ្រូខ្មែរម្នាក់ត្រូវបានកម្លាំងនគរបាលប៉ុស្តិ៍រដ្ឋបាលឃុំទឹកជោរ នៃអធិការដ្ឋាននគរបាលស្រុកព្រះនេត្រព្រះ សហការជាមួយកម្លាំងនគរបាលស្រុកក្រឡាញ់ ឃាត់ខ្លួនកាលពីវេលាម៉ោង០២រសៀលថ្ងៃទី០៦ ខែកក្កដា ឆ្នាំ២០២២ នៅចំណុចឃុំសំបួរ ស្រុកក្រឡាញ់ ខេត្តសៀមរាប ពីបទប្រព្រឹត្តប្រទូស្តកេរ្តិ៍ខ្មាស់ ដែលកើតឡើងនៅវេលា០៥ល្ងាច ថ្ងៃទី០៥ ខែកក្កដា ឆ្នាំ២០២២ នៅឃុំទឹកជោរ ស្រុកព្រះនេត្រព្រះ ខេ៣ត្តបន្ទាយមានជ័យ ។
លោកវរសេនីយ៍ឯក មាស ប្ញទ្ធី អធិការនគរបាលស្រុកព្រះនេត្រព្រះ បានឲ្យដឹងថា ថ្ងៃទី០៦ ខែកក្កដា ឆ្នាំ២០២២២ ម៉ោង០៧ព្រឹក ប៉ុស្តិ៍នគរបាលរដ្ឋបាលទឹកជោរ ស្រុកព្រះនេត្រព្រះ ខេត្តបន្ទាយមានជ័យ បានទទួលពាក្យបណ្តឹងរបស់នារីរងគ្រោះអាយុ១៦ឆ្នាំ នៅឃុំសំបួរ ស្រុកក្រឡាញ់ ខេត្តសៀមរាប ដែលបានប្តឹងចោទទៅលើឈ្មោះ ឈួ វ៉ាន់ថាន់ ភេទប្រុស អាយុ៤៤ឆ្នាំ ជាគ្រូខ្មែរ នៅភូមិតាដែក ឃុំទឹកជោរ ស្រុកព្រះនេត្រព្រះ ។
លោកអធិការនគរបាលស្រុកព្រះនេត្រព្រះ បានឲ្យដឹងបន្តថា នៅក្នុងពាក្សបណ្តឹងនោះ នាងរៀបរាប់ថានៅថ្ងៃទី០៥ ខែកក្កដា ឆ្នាំ២០២២ ម៉ោង០៥ល្ងាច ម្តាយនាងបានឲ្យនាង និងប្អូនស្រីមានអាយុ១៥ឆ្នាំ ឲ្យជិះម៉ូតូមកផ្ទះឈ្មោះ ឈួ វ៉ាន់ថាន់ ជាគ្រូខ្មែរ ដើម្បីមកវាស់ហាត់ធ្វើពេ (វាស់ខ្នាត) សម្រាប់រំដោះគ្រោះ ដែលនឹងធ្វើនៅថ្ងៃទី០៦ ខែកក្កដា ឆ្នាំ២០២២ ។
នារីរងគ្រោះរៀបរាប់បន្តថា លុះពេលមកដល់ផ្ទះ គ្រូខ្មែររូបនេះក៏បានឲ្យនាង និងប្អូនស្រីឡើងលើផ្ទះ ដើម្បីធ្វើស្នងរូប និងស្រតូបចេក បន្ទាប់មកគ្រូរូបនេះក៏បានអោយប្អូនស្រីនាងយកទៀនស្នងរូបនោះ ទៅដីក្រោយផ្ទះប្រហែល១០០ម៉ែត្រ ហើយក៏អោយនៅចាំភ្លើងទៀនដែលឆេះនោះ។ ពេលដែលនៅតែ០២នាក់ នៅលើផ្ទះ ឈ្មោះឈួ វ៉ាន់ថាន់ (គ្រូខ្មែរ) បានឲ្យនាងដេកផ្ងារពោះ ហើយទាញសើយអាវទៅលើចេញសុដន់ទាំងពីរ និងបានប្រោះទឹកមន្តលើលើ រួចយកដៃចាប់និងស្ទាបអង្អែល បន្ទាប់មកគ្រូខ្មែរនោះក៏បានស្រាតសំពត់និងខោលីអូមកក្រោមត្រឹមក្បាលជង្គង់ រួចក៏បានយកចង្អុលម្រាមដៃឆ្វេងចាក់ពីលើចំនួន០៣លើក (ឈ្មោះឈួ វ៉ាន់ថាន់ មិនបានស្រាតខោទេ) ដោយសារសកម្មភាពបែបនេះ ធ្វើឲ្យនាងភ័យ ហើយក៏បានរត់ចុះពីលើផ្ទះមកទាំងមិនទាន់លើកខោ បន្ទាប់មកបាននាំប្អូនត្រឡប់មកផ្ទះវិញ ។
លោកអធិការបានបញ្ជាក់ថា ក្រោយពីទទួលបណ្តឹងពីជនរងគ្រោះ កម្លាំងនគរបាលប៉ុស្តិ៍រដ្ឋបាលឃុំទឹកជោរ បានណែនាំឲ្យជនរងគ្រោះ និងម្តាយរៀបចំកម្មវិធីដូចបានគ្រោងទុកនៅនឹងផ្ទះជនរងគ្រោះនៅឃុំសំបួរ ស្រុកក្រឡាញ់ ខេត្តសៀមរាប ហើយហៅគ្រូខ្មែររូបនេះទៅរំដោះគ្រោះធម្មតា ដូចគ្មានរឿងអ្វីកើតឡើង បន្ទាប់មកកម្លាំងនគរបាលប៉ុស្តិ៍ទឹកជោរ និងនគរបាលស្រុកក្រឡាញ់ ក៏ធ្វើការឃាត់ខ្លួនគ្រូខ្មែររូបនោះនៅនឹងផ្ទះជនរងគ្រោះនោះតែម្តង ។
លោកវរសេនីយ៍ឯក មាស ប្ញទ្ធី បានបញ្ជាក់ថា៖ ក្រោយពីឃាត់ខ្លួន និងសួរចម្លើយ គ្រូខ្មែររូបនេះបានឆ្លើយថា នៅវេលាម៉ោង០៥ល្ងាច ថ្ងៃទី០៥ ខែកក្កដា ឆ្នាំ២០២២នោះ គេពិតជាបានឲ្យក្មេងស្រីរងគ្រោះដេកផ្ងាពោះ ហើយបានសើយអាវឡើងលើចេញសុដន់ទាំងពីរ រួចបានយកទឹកមន្តប្រោះពីលើ និងបានយកដៃទៅញីអង្អែលមែន ព្រមទាំងបានស្រាតសំពត់ និងខោលីអូមកត្រឹមក្បាលជង្គង់ រួចបានយកទឹកមន្តទៅប្រោះពីលើប្រដាប់ភេទទៀតធ្វើអោយម្រាមដៃទៅប៉ះចំនួន៣លើកមែន បន្ទាប់មកក្មេងស្រីនោះស្ទុះរត់ចុះពីលើផ្ទះ ។ ចំពោះការយកទឹកមន្តទៅប្រោះពីលើ និងយកដៃញីពីលើសុដន់ គឺដើម្បីអោយអស់គ្រោះតែប៉ុណ្ណោះ»។
ដោយផ្អែកលើបណ្តឹងរបស់ក្មេងស្រីរងគ្រោះ និងចម្លើយសារភាពរបស់គ្រូខ្មែរឈ្មោះឈួ វ៉ាន់ថាន់ កម្លាំងនគរបាលជំនាញកំពុងរៀបចំសំណុំរឿងបញ្ជូនទៅស្នងការដ្ឋាននគរបាលខេត្តបន្ទាយមានជ័យ ដើម្បីចាត់ការបន្តតាមនីតិវិធី៕
ចែករំលែកព័តមាននេះ