រាជធានីភ្នំពេញ ៖ យុទ្ធនាការយកភាពសង្ហាររបស់អ្នកត្រឡប់មកវិញ (Get Your Sexy Back) 2016 ត្រូវបានប្រារព្ធធ្វើឡើងជាផ្លូវការ កាលពីថ្ងៃទី៧ ខែធ្នូ ឆ្នាំ២០១៦ នៅសណ្ឋាគារសុខាដោយក្រុមហ៊ុនស្រាបៀរ Heineken ប្រចាំប្រទេសកម្ពុជា ដោយសហការជាមួយក្រសួងព័ត៌មាន សហភាពសហព័ន្ធយុវជនកម្ពុជា ព្រមទាំងដៃគូផ្សេងទៀត ដើម្បីជំរុញឲ្យមានការទទួលទានគ្រឿងស្រវឹងក្នុងកម្រិតល្មមអាចគ្រប់គ្រងខ្លួនឯងប្រកបដោយទំនួលខុសត្រូវខ្ពស់នៅក្នុងប្រទេសកម្ពុជា ។ នៅក្នុងពិធីបើកយុទ្ធនាការនេះដែរ ក៏មានការចូលរួមពីសំណាកលោក កាញារីទ្ធ រដ្ឋមន្ត្រីក្រសួងព័ត៌មាន ផងដែរ ។
លោក Roland Bala នាយកគ្រប់គ្រងក្រុមហ៊ុនស្រាបៀរ Heineken ប្រចាំប្រទេសកម្ពុជា បានឱ្យដឹងថា ក្រុមហ៊ុនស្រាបៀរ Heineken ប្រចាំប្រទេសកម្ពុជា បានប្តេជ្ញាចិត្តដើរតួនាទីនាំមុខគេ ដើម្បីធានាថា ផលិតផលរបស់ខ្លួនត្រូវបានប្រើប្រាស់ក្នុងកម្រិតល្មមអាចគ្រប់គ្រងខ្លួនឯងប្រកបដោយទំនួលខុសត្រូវខ្ពស់ ។ នេះគឺជាឆ្នាំទី៥ហើយ ដែលក្រុមហ៊ុនស្រាបៀរ Heineken ប្រចាំប្រទេសកម្ពុជា ធ្វើការជាដៃគូជាមួយក្រសួងព័ត៌មាន ក្រសួងសាធារណការ និងដឹកជញ្ជូន សហភាពសហព័ន្ធយុវជនកម្ពុជា និងភាគីពាក់ព័ន្ធផ្សេងទៀតដើម្បីបណ្ដុះទម្លាប់ទទួលទានគ្រឿងស្រវឹងក្នុងកម្រិតល្មមអាចគ្រប់គ្រងខ្លួនឯងប្រកបដោយទំនួលខុសត្រូវខ្ពស់ ។ យុទ្ធនាការដំបូងស្តីពីការទទួលទានគ្រឿងស្រវឹងក្នុងស្មារតីទទួលខុសត្រូវដែលបានរៀបចំឡើងដោយក្រុមហ៊ុនស្រាបៀរ Heineken ប្រចាំប្រទេសកម្ពុជា បានចាប់ផ្ដើមនៅឆ្នាំ២០១១ ជាមួយនឹងខ្លឹមសារ «បើស្រវឹងសូមកុំបើកបរ» ហើយចាប់តាំងពីពេលនោះ បានគាំទ្រសកម្មភាពស្រដៀងគ្នាជាបន្តបន្ទាប់ ។ នៅឆ្នាំ២០១៣ យុទ្ធនាការមួយទៀតត្រូវបានបង្កើតឡើង គឺកម្មវិធីរាត្រីសំណើចដែលផ្ដល់ព័ត៌មាន និងចំណេះដឹងដែលមានប្រយោជន៍អំពីការទទួលទានគ្រឿងស្រវឹងក្នុងស្មារតីទទួលខុសត្រូវ ។
លោកបានពន្យល់បន្ថែមទៀតថា ចាប់តាំងពីឆ្នាំ២០១៤ យើងបានចាប់ផ្តើមយុទ្ធនាការ Get Your Sexy Back សំដៅលើយុវជន ពីព្រោះពួកគេមានអាយុក្មេង ។ ក្នុងនាមជាក្រុមហ៊ុនផលិតស្រាបៀរដោយមានការទទួលខុសត្រូវក្រុមហ៊ុនស្រាបៀរ Heineken ប្រចាំប្រទេសកម្ពុជា ចង់ឲ្យយុវជនប្រកាន់ភ្ជាប់នូវទម្លាប់ទទួលទានគ្រឿងស្រវឹងក្នុងកម្រិតល្មមអាចគ្រប់គ្រងខ្លួនឯងបាន ។
ចែករំលែកព័តមាននេះ