លោក Putin វា.យបកមេដឹកនាំ G7 ចាស់ដៃ រឿងសើ.ចចំអ.ករូបលោកដោះអាវ
រុស្ស៊ី ៖ ប្រធានាធិបតីរុស្ស៊ីបានប្រតិកម្មតបវិញទៅកាន់មេដឹកនាំប្រទេស G7 ដែលបានសើចចំអក
រុស្ស៊ី ៖ ប្រធានាធិបតីរុស្ស៊ីបានប្រតិកម្មតបវិញទៅកាន់មេដឹកនាំប្រទេស G7 ដែលបានសើ.ចចំអ.កគាត់ពីរូបភាពដោះអាវរបស់គាត់ ដោយលោកលើកឡើងថា ប្រសិនពួកគេដោះសំលៀកបំពាក់ចេញ វានឹងមើលទៅគួរឲ្យខ្ពើ.ម មិនថាពីក្រោមដល់លើ ឬពីលើចុះមកក្រោម។
ថ្លែងនៅក្នុងសន្និសិទអំឡុងដំណើរទស្សនៈកិច្ចទៅកាន់ប្រទេសតួមិននីស្ថាន (Turkmenistan) កាលពីថ្ងៃពុធកន្លងទៅនេះ លោក Putin បានណែនាំឲ្យមេដឹកនាំប្រទេស G7 ជៀសវាងសេពគ្រឿងស្រវឹង និងធ្វើកំហាត់ប្រាណ។
ការប្រតិកម្មតបរបស់លោក កើតឡើងបន្ទាប់ពីមេដឹកនាំ G7 បានសើចចំអកចំពោះលោក Putin ដែលអវត្តមាននៅក្នុងកិច្ចប្រជុំនៅក្នុងប្រទេសអាឡឺម៉ង ដោយក្នុងកិច្ចប្រជុំនោះនាយករដ្ឋមន្ត្រីអង់គ្លេសលោក Boris Johnson ត្រូវបានគេលឺសួរសួរទៅកាន់មេដឹកនាំផ្សេងៗថា តើពួកគេគួរពាក់អាវក្រៅ ឬដោះអាវចេញ? យើងត្រូវបង្ហាញពួកគេថា យើងរឹងមាំជាពូទីន។
លោក Putin បានថ្លែងប្រាប់អ្នកកាសែតដូច្នេះថា «យើងមិនមានវេលានៃទំនាក់ទំនងល្អបំផុតនោះទេ នេះគឺអាចយល់បាន។ ទោះយ៉ាងណាក៏ដោយ ពួកគេជាមេដឹកនាំពិភពលោក វាមានន័យថាពួកគេលក្ខណៈសម្បត្តិ ហើយប្រសិនពួកគេចង់ ពួកគេប្រាកដជាអាចសម្រេចបាននូវជោគជ័យដែលចង់បាន។ ពួកគេគ្រាន់តែត្រូវធ្វើការដោយខ្លួនឯងប៉ុណ្ណោះ»៕ (យោងតាមប្រភព៖ Aljazeera)
ចែករំលែកព័តមាននេះ