ADផ្ទាំងផ្សព្វផ្សាយពាណិជ្ជកម្ម

Picture

ទីបំផុត តារាចម្រៀង​នាង យក់ ថិ​ករ​ដ្ឋា អាច​ដក​បន្លា​ចេញពី​ទ្រូង​បាន​ហើយ

1 ខែ មុន
  • ភ្នំពេញ

ចាត់ទុកជា​ដំណឹង​ដ៏​រីករាយ​មួយ​សម្រាប់​តារាចម្រៀង​ស្រី​ជួរ​មុខ​មួយ​ដួង​នៅ​កម្ពុជា ដែល​ថ្មី​ៗ​នេះ​ហ៊ុម​ព័ទ្ធ​ទៅ​ដោយ​បញ្ហា​រឿង​មុខ​ជំនួញ​របស់​អ្នក​នាង​នោះ ពេល​នេះ​បញ្ហា​ដំបៅ​ទ្រូង​របស់​អ្នក​នាង​ត្រូវ​បាន​ដោះស្រាយ​ដោយ​ជោគជ័យ​ជាមួយនឹង​វិធានការ​

រាជធានី​ភ្នំពេញ​ ៖ ចាត់ទុកជា​ដំណឹង​ដ៏​រីករាយ​មួយ​សម្រាប់​តារាចម្រៀង​ស្រី​ជួរ​មុខ​មួយ​ដួង​នៅ​កម្ពុជា ដែល​ថ្មី​ៗ​នេះ​ហ៊ុម​ព័ទ្ធ​ទៅ​ដោយ​បញ្ហា​រឿង​មុខ​ជំនួញ​របស់​អ្នក​នាង​នោះ ពេល​នេះ​បញ្ហា​ដំបៅ​ទ្រូង​របស់​អ្នក​នាង​ត្រូវ​បាន​ដោះស្រាយ​ដោយ​ជោគជ័យ​ជាមួយនឹង​វិធានការ​ឈ្នះ​-​ឈ្នះ​ទាំង​សងខាង​។

Picture

បើ​តាម​រយៈ​ការ​បង្ហោះ​ព័ត៌មាន​របស់​លោក​ជំទាវ ហ៊ុន ស៊ី​ណាត ដែល​ជា​ប្អូនស្រី​បង្កើត​របស់​សម្តេច​តេ​ជោ ហ៊ុន សែន​ នាយក​រដ្ឋមន្ត្រី​កម្ពុជា ​បានឱ្យ​ដឹង​ថា ក្រោយ​ការ​សម្របសម្រួល​របស់​លោក លោក ដួងតារា រដ្ឋលេខាធិការ​ទីស្តីការគណៈរដ្ឋមន្ត្រី និង​ជា​ជំនួយការ​ផ្ទាល់​សម្ដេច​តេ​ជោ ហ៊ុន​ សែន នោះ​ ពេល​នេះ​រឿងរ៉ាវ​របស់​គូ​ស្វាមីភរិយា តារាចម្រៀង​អ្នក​នាង យក់ ថិ​ករ​ដ្ឋា និង​ស្វាមី លោក​ឃុំ ប៉ុណ្ណា​ដែ​ត ជា​មួយនឹង​ភាគី​ម្ខាង​ទៀត​ត្រូវ​បាន​ដោះស្រាយ​បញ្ចប់​ហើយ​។

Picture

លោក​ជំទាវ ហ៊ុន ស៊ី​ណាត បាន​បង្ហោះ​រូបភាព​២​សន្លឹក អម​នឹង​សំ​ណេ​រថា «​សូម​ថ្លែងអំណរគុណ​ដល់​លោកក្មួយ ឌួ​ង ដា​រ៉ា ដែល​បាន​ខិតខំ​រក​ដំណោះស្រាយ ក្នុង​រឿង​របស់​កូនប្រុស ឃុំ ប៉ុណ្ណា​ដែ​ត និង​កូនស្រី យក់ ​ថិ​តរ​ដ្ឋា បាន​បញ្ចប់​ដោយ​ឈ្នះ ឈ្នះ ទាំងអស់​គ្នា សូម​ជូនពរ​ដល់​លោកក្មួយ​ឲ្យ​មាន​សុខភាព​ល្អ ​ដើម្បី​បន្ត​ជួយ​ដល់​រាស្ត្រ​តទៅ​ទៀត​» ។

Picture

ក្រឡេក​មើល​អ្នក​នាង​យក់ ថិ​ករ​ដ្ឋា​វិញ ក៏​បាន​ធ្វើការ​ចែកចាយ​នូវ​អ្វី​ដែល​លោក​ជំទាវ ​ហ៊ុន ស៊ី​ណាត​បាន​បង្ហោះ​លើ​បណ្តាញ​សង្គម អម​ជាមួយនឹង​ពាក្យ​ពេ​ជន៍​ថ្លែងអំណរគុណ​ចំពោះ​លោក​ជំទាវ​។ ជាមួយ​គ្នា​នោះ​ មិត្ត​អ្នកសិល្បៈ ក៏​បាន​សម្តែង​ការ​ចូលរួម​អបអរសាទរ​អ្នក​នាង ​យក់ ថិ​ករ​ដ្ឋា ​និង​ស្វាមី ដែល​បាន​ដោះស្រាយ​បញ្ហា​រួចរាល់ ប្រៀប​ដូច​ជា​កា​រដក​បន្លា​ចេញពី​ទ្រូង​ដែរ​។

Picture

ខ្លះ​ក៏​បាន​សម្តែង​ការ​អរគុណ​លោក​ជំទាវ​ហ៊ុន ស៊ី​ណាត ​ថា «​ក្មួយ​សែន​រំភើប​ និង​ត្រេកអរ​ឥត​ឧបមា អរគុណ​ជំទាវ​អ៊ុំ​ និង​អ្នក​រាល់គ្នា​ដែល​បាន​ជួយ​បងស្រីរ​ដ្ឋា ​និង​ស្វាមី »​។

សូម​រំលឹកថា ៖ គូស្វាមីភរិយាអ្នកសិល្បៈមួយគូនេះបានបង្ហោះសារ​ជា​ច្រើន​បន្តបន្ទាប់គ្នាដើមខែមិថុនានេះ ដោយបានបង្ហាញ​នូវ​ការ​ឈឺចាប់​ចំពោះ​អំពើ​អយុត្តិធម៌​ដែល​កំពុង​កើត​មាន​លើ​ខ្លួន​នោះ។ តែ លោក ឃុំ ប៊ុ​ណ្ណា​ដែ​ត និង​ភរិយា​របស់​លោក គឺ​អ្នក​នាង យក់ ថិ​តរ​ដ្ឋា នៅព្រម​បើក​បង្ហើប​រឿងរ៉ាវ​លម្អិត​នេះ​​ទេ គ្រាន់តែ​ថា រឿង​នោះ​ពិតជា​ធំធេង​ខ្លាំង ដែល​ទាមទារ​ឱ្យ​គូ​ស្វាមីភរិយា​រូប​នេះ ប្រកាស​តតាំង​រក​យុត្តិធម៌​សម្រាប់​ខ្លួន ។

Picture

លោក ឃុំ ប៊ុ​ណ្ណា​ដែ​ត ធ្លាប់បាន​ថ្លែងប្រាប់​យ៉ាង​ខ្លី​ដល់​សារព័ត៌មាន​កោះសន្តិភាព​ថា «​បាទ​អរគុណ ចាំ​មើល​មានឱកាស​ខ្ញុំ​នឹង​ជម្រាប​។ ឥឡូវនេះ ខ្ញុំ​សុំ​រក្សា​ភាព​ស្ងៀមស្ងាត់ ដោយសារ​យើង​អត់​ទាន់​ចង់​និយាយ​អី​ច្រើន ព្រោះ​ខ្ញុំ​កំពុង​វ៉​ល់​អ៊ីចឹង​» ។

ទោះបីជា​អ្នក​ទាំង​ពីរ​មិន​ទាន់​ទម្លាយ​ចេញ​នូវ​រឿងរ៉ាវ​លម្អិត​ក៏​ពិតមែន តែ​បញ្ហា​នេះ ពិតជា​មិនតូច​តាច​នោះ​ទេ ។ ជាក់ស្តែង អ្នក​នាង យក់ ថិ​តរ​ដ្ឋា ក្នុង​ប៉ុន្មាន​ថ្ងៃ​ចុង​ក្រោយ​នេះ បាន​បង្ហោះ​សារ​ជា​ច្រើន​សម្តែង​នូវ​ការ​ឈឺចាប់​ចំពោះ​ការ​រង​នូវ​ភាព​អយុត្តិធម៌​ណាមួយ រហូត​អ្នក​នាង​ប្រកាស​ខ្លាំង​ៗ​ថា នាង​នឹង​តស៊ូ​តតាំង​ឱ្យ​ដល់ទី​បញ្ចប់​ជាមួយ​មនុស្ស​ម្នាក់ តែ​អ្នក​នាង​មិន​បាន​បញ្ចេញ​អត្តសញ្ញាណ​អ្នក​ដែល​អ្នក​នាង​កំពុង​តតាំង​ជាមួយ​នោះ​ទេ ។

«​ខ្ញុំ​ដឹង​ថា ខ្ញុំ​គ្មាន​លុយកាក់​ច្រើន​ដូច​អ្នកឯង ដើម្បី​តតាំង​ជាមួយ​អ្នកឯង តែ​ខ្ញុំ​នឹង​ស៊ូ​អោយ​ដល់ទី​បញ្ចប់ បើ​ទោះជា​ខ្ញុំ​ត្រូវ​ដើរ​ខ្ចីបុល​លុយកាក់​គេ​ក៏​ដោយ គឺ​ខ្ញុំ​ប្រើ​ភាព​ស្មោះត្រង់​របស់ខ្ញុំ​តែ​មួយ​មុខ​គត់ មាស​សុទ្ធ គឺ​មិន​ខ្លាច​ភ្លើង អ្នកឯង​ហែល​ទឹកភ្នែក​ខ្ញុំ​មិន​រួច​ទេ បាបកម្ម​មាន​ពិត » ។ នេះ​ជា​អ្វី​ដែល​តារាចម្រៀង​ស្រី​រូប​នេះ​បាន​សរសេរ​។ ជាមួយ​គ្នា​នោះ លោក ឃុំ ប៊ុ​ណ្ណា​ដែ​ត ក៏​បាន​បង្ហោះ​លើកទឹកចិត្ត​ភរិយា​ឱ្យ​តស៊ូ​ទៅ​មុខ​ផង​ដែរ ។

Picture
Picture
Picture
Picture
Picture
Picture
Picture
Picture