ធុញណាស់ ! រង្វង់មូលចោមចៅស្ទះផ្លូវរាល់ថ្ងៃ
រាជធានីភ្នំពេញ ៖ នៅលើកំណាត់ផ្លូវជាតិលេខ៤ ចាប់ពីចំណុចផ្សារជម្ពូវ័នរហូតមកទល់នឹងរង្វ់មូលចោមចៅ ចរាចរណ៍បានស្ទះរៀងរាល់ថ្ងៃ
រាជធានីភ្នំពេញ ៖ នៅលើកំណាត់ផ្លូវជាតិលេខ៤ ចាប់ពីចំណុចផ្សារជម្ពូវ័នរហូតមកទល់នឹងរង្វ់មូលចោមចៅ ចរាចរណ៍បានស្ទះរៀងរាល់ថ្ងៃ បើទោះបីជាសាលារាជធានីភ្នំពេញមិនស្ថាបនារៀបចំប្រព័ន្ឋលូនិងសង់ផ្លូវបេតុងថ្មីនោះក្តី ។
ការកកស្ទះនៅចំណុចខាងលើនេះ មួួយចំនួនត្រូវបានគេបន្ទោសទៅលើរថយន្តធុនធំ និងកុងតឺន័រ បានធ្វើចរាចរណ៍ចេញចូលបំពានសេចក្តីជូនដំណឹងរបស់សាលារាជធានីភ្នំពេញ ការចតយានយន្តគ្រប់ប្រភេទគ្មានសណ្តាប់ធ្នាប់ អ្នកបញ្ជាយានយន្តមិនគោរពច្បាប់ចរាចរណ៍ជាដើម ។
លើសពីនេះទៀត ការណ៍ដែលសាលាក្រុងបាននិងកំពុងស្ថាបនារៀបចំប្រព័ន្ឋលូថ្មីនិងសង់ផ្លូវបេតុងថ្មី និងការឈូសឆាយដីនិងយករបាំងពុះចែកទ្រូងផ្លូវដាក់បិទស្ទើរមួយចំហៀងផ្លូវដើម្បីសិក្សាស្ថាបនាស្ពានអាកាសនៅចំណុចរង្វង់មូលចោមចៅ បានធ្វើឲ្យមានការកកស្ទះរៀងរាល់វេលាតែម្តង ។
ក្រុមអ្នកធ្វើដំណើរឆ្លងកាត់ភូមិសាស្ត្រខាងលើនេះបានរអ៊ូរទាំគ្រប់ៗគ្នា និងអំពាវនាវដល់អាជ្ញាធរមូលដ្ឋាន និងសមត្ថកិច្ចពាក់ព័ន្ឋជួយសម្រួលចរាចរណ៍ជាប្រចាំរៀងរាល់ម៉ោង ធ្វើយ៉ាងណាដើម្បីបញ្ចៀសការកកស្ទះនៅលើផ្លូវយុទ្ឋសាស្ត្រសេដ្ឋកិច្ចមួយនេះ ។
សូមបញ្ជាក់ថា ក្រុមអ្នកជំនាញវេជ្ជសាស្ត្របានធ្វើការវាយតម្លៃនិងប៉ាន់ប្រមាណថា ប្រជាពលរដ្ឋជិត៦០ភាគរយក្នុងរាជធានីភ្នំពេញដែលមានអាយុចាប់ពី៣០ឆ្នាំទៅជាង៦០ឆ្នាំបាននិងកំពុងប្រឈាមនឹងជំងឺថប់អារម្មណ៍ ឬ ស្ត្រេស ដោយសារតែការកកស្ទះចរាចរណ៍នាពេលបច្ចុប្បន្ននេះ ៕
ចែករំលែកព័តមាននេះ