ខេត្តបាត់ដំបង៖ សេចក្ដីរាយការណ៏បានឲ្យដឹងថា ខណៈមេឃកំពុងភ្លៀង រន្ទះបានបា.ញ់សត្វគោមួយក្បាលងា.ប់ពេលដែលកំពុងស៊ីស្មៅ កាលពីវេលាម៉ោង១និង៣០នាទីរសៀលថ្ងៃទី២០ មិថុនា ស្ថិតនៅចំណុចភូមិផ្លូវមាស ឃុំត្រែង ស្រុករតនមណ្ឌល ។
សមត្ថកិច្ចបានឲ្យដឹងថា នៅពេលកើតហេតុ មេឃកំពុងភ្លៀងធ្លាក់ខ្លាំង លាយឡំនឹងផ្គររន្ទះ ខ្យល់បោកបក់យ៉ាងខ្លាំងផង។ ម្ចាស់គោឈ្មោះ ឡាង សុផុន អាយុ២៣ឆ្នាំ បានប្រាប់សមត្ថកិច្ចថា រន្ទះបានបា.ញ់យ៉ាងខ្លាំង ពេលមេឃកំពុងភ្លៀង ស្រាប់តែឃើញគោរបស់គាត់ដួលនិងងាប់ភ្លាមៗតែម្ដង ខណៈកំពុងស៊ីស្មៅនៅខាងក្រោយផ្ទះ ។
សូមបញ្ជាក់ថា ប៉ុន្មានថ្ងៃចុងក្រោយនេះ ភ្លៀងដែលលាយឡំជាមួយផ្គររន្ទះ និងខ្យល់កន្ត្រាក់ផង បានវា.យប្រហារទៅលើលំនៅឋានរបស់ប្រជាពលរដ្ឋនៅតាមបណ្ដាស្រុកមួយចំនួននៅក្នុងខេត្តបាត់ដំបង ដែលបណ្ដាលឲ្យលំនៅឋានរាប់សិបខ្នង បានរងការខូចខាត។
ដូចជានៅស្រុកថ្មគោល និងស្រុកភ្នំព្រឹកជាដើម ដែលផ្ទះសម្បែងរបស់ពលរដ្ឋជាច្រើនខ្នង បានរងការខូចខាតដោយសារខ្យល់កន្ត្រាក់ តែមិនទាន់មានរបាយការណ៍និយាយពីគ្រោះថ្នាក់មនុស្សនៅឡើយទេ៕
ចែករំលែកព័តមាននេះ