រាជធានីភ្នំពេញ ៖ តារាសម្តែងនាង សាឡាត់ ស្រីឡាង បានធ្វើការព្រមានខ្លាំងៗថា នាងនឹងចាត់វិធានការផ្លូវច្បាប់ទៅលើបុរសម្នាក់ដែលបានប្រើប្រាស់ពាក្យសម្តីមិនសមរម្យមកលើរូបនាង ខណៈដែលរូបនាងកំពុងឡាយ៍ (Live) លើបណ្តាញសង្គមហ្វេសប៊ុក…
រាជធានីភ្នំពេញ ៖ តារាសម្តែងនាង សាឡាត់ ស្រីឡាង បានធ្វើការព្រមានខ្លាំងៗថា នាងនឹងចាត់វិធានការផ្លូវច្បាប់ទៅលើបុរសម្នាក់ដែលបានប្រើប្រាស់ពាក្យសម្តីមិនសមរម្យមកលើរូបនាង ខណៈដែលរូបនាងកំពុងឡាយ៍ (Live) លើបណ្តាញសង្គមហ្វេសប៊ុក ។
បើតាមការទម្លាយពីតារារូបនេះ បុរសដែលមានគណនេយ្យហ្វេសប៊ុកឈ្មោះថា «តស៊ូដើម្បីគ្រួសារ» បានចូលទៅធ្វើការបញ្ចេញមតិ (ខំមិន) ពីក្រោយការ live របស់នាង ដោយប្រើប្រាស់ភាសាជេរប្រមាថធ្ងន់ធ្ងរ ជាពាក្យអសុរសយ៉ាងខ្លាំងមកលើរូបនាង ដែលការប្រមាថនេះមានលក្ខណៈជាន់ពន្លិចនិងប៉ះពាល់ដល់កិត្តិយសរបស់នាងនិងក្រុមគ្រួសារធ្ងន់ធ្ងរពេក។
យ៉ាងណាគេមិនទាន់ដឹងទេថា បុរសរូបនេះមានប្រភពនៅទីណា និងមានទំនាស់អ្វីជាមួយតារារូបនេះឡើយ ប៉ុន្តែស្រីស្រស់ សាឡាត់ ស្រីឡាង បានព្រមានចាត់វិធានការលើបុរសរូបនេះករណី ហើយនាងបាននិងកំពុងស៊ើបរកអត្តសញ្ញាណនិងអាសយដ្ឋានរបស់ម្ចាស់គណនីហ្វេសប៊ុកដែលបានជេរប្រមាថរូបនាង។
ជាមួយនឹងរូបភាព និងខ្លឹមសារនៃការជេរប្រមាថពីបុរសខាងលើ តារាសម្តែងដែលល្បីឈ្មោះក្នុងរឿង «ក្រមុំបាយឆា» សាឡាត់ ស្រីឡាង បានភ្ជាប់ជាមួយនឹងសារបង្ហោះតាមហ្វេសប៊ុកថា បងប្អូនមានអ្នកស្គាល់គាត់ ឬផ្ទះគាត់ទេ? ។ នាងបញ្ជាក់ថា ខ្ញុំមិនដឹងថា មូលហេតុអីបានគាត់ចូលមកជេរខ្ញុំបែបនឹងទេ ខ្ញុំមិនបានបោក ឬធ្វើអ្វីប៉ះពាល់ដល់គាត់ទេ ហើយខ្ញុំក៏មិនអោយមនុស្សដែលទំនេរមាត់រួចខ្លួនដោយស្រួលដែរ ។
យ៉ាងណា ជុំវិញបញ្ហាដែលបានកើតឡើងខាងលើនេះ កោះសន្តិភាពនៅមិនទាន់អាចស្វែងរកការបញ្ជាក់បន្ថែមពីសាឡាត់ ស្រីឡាង បាននៅឡើយទេ ខណៈពេលការសាកសួរនៅមិនទាន់មានការឆ្លើយតប។
ជាការកត់សម្គាល់ បើយោងតាមការខំមិនពីមិត្តភក្តិនៅខាងក្រោមរូបភាពដែលសាឡាត់ ស្រីឡាង បានបង្ហោះនោះ បញ្ជាក់ថា បុរសខាងលើនេះទំនងជាបុរសលេងថ្នាំ និងតែងតែបង្ហោះជេរប្រមាថនារីៗ ជាញឹកញាប់ដោយបានប្រើពាក្យសម្តីអសុរស ដូចករណីដែលបានកើតឡើងលើតារារូបនេះដូចគ្នាផងដែរ៕
ចែករំលែកព័តមាននេះ