ខេត្តពោធិ៍សាត់ ៖ ផ្ទះប្រជាពលរដ្ឋប្រមាណជា១០៣ខ្នង រួម និងទ្រព្យសម្បត្តិមួយចំនួនក្នុងស្រុក និងក្រុងចំនួន៣ នៅខេត្តពោធិ៍សាត់ ត្រូវបានគ្រោះធម្មជាតិខ្យល់កន្ត្រាក់លាយឡំដោយភ្លៀងមួយមេបោកបក់ បំផ្លាញ ។…
ខេត្តពោធិ៍សាត់ ៖ ផ្ទះប្រជាពលរដ្ឋប្រមាណជា១០៣ខ្នង រួម និងទ្រព្យសម្បត្តិមួយចំនួនក្នុងស្រុក និងក្រុងចំនួន៣ នៅខេត្តពោធិ៍សាត់ ត្រូវបានគ្រោះធម្មជាតិខ្យល់កន្ត្រាក់លាយឡំដោយភ្លៀងមួយមេបោកបក់ បំផ្លាញ ។
គ្រោះធម្មជាតិនេះកើតឡើងនៅរសៀលថ្ងៃទី៨ ខែមិថុនា ឆ្នាំ២០២២ ក្នុងក្រុងពោធិ៍សាត់ ស្រុកកណ្ដៀង និងស្រុកបាកាន ខេត្តពោធិ៍សាត់ ។
តាមរបាយការណ៍បឋមពីសមត្ថកិច្ចឃើញថា ក្រុងពោធិ៍សាត់មានចំនួនខ្នងផ្ទះខូចខាតធ្ងន់ធ្ងរជាងគេ គឺសង្កាត់ផ្ទះព្រៃ មានរហូតដល់ ៥៤ខ្នង ខូចខាតម៉ូតូ ១គ្រឿង និងកង់មួយគ្រឿង ។ សង្កាត់ព្រៃញី ខូចខាត៨ខ្នង រលំអង់តែនវិទ្យុមួយកន្លែង និងសង្កាត់ស្វាយអាត់ ខូចខាត៥ខ្នង ។ ស្រុកកណ្ដៀង ខូចខាតសរុប៣១ខ្នង នៅក្នុងឃុំចំនួន៤ គឺឃុំវាល ឃុំស្វាយលួង ឃុំអន្លង់វិល និងឃុំកោះជុំ ។ ស្រុកបាកាន ខូចខាត៥ខ្នង ក្នុងឃុំបឹងបត់កណ្ដោល។
សូមបញ្ជាក់ថា ទិន្នន័យសរុបទាំងបីស្រុកក្រុងការលើ គឺផ្ទះប្រជាពលរដ្ឋខូចខាតធ្ងន់ស្រាលចំនួន១០៣ ខ្នង ក្នុងនោះមានដើមឈើរលំសង្កត់លើផ្ទះប្រជាពលរដ្ឋមួយចំនួន និងទ្រព្យសម្បត្តិនៅតាមទីសាធារណៈមួយចំនួនផងដែល ៕
ចែករំលែកព័តមាននេះ