រឹងមាំមែន! បេក្ខនារីខ្មែរម្នាក់បង្ហាញខ្លួនក្នុងកម្មវិធីប្រកួតបវរកញ្ញាទាំងកាន់ឈើច្រត់
- ភ្នំពេញ
រាជធានីភ្នំពេញ ៖ ជាប្រវត្តិចងចាំ បេក្ខនារីម្នាក់ឡើងបង្ហាញខ្លួនក្នុងកម្មវិធីប្រកួតបវរកញ្ញាចក្រវាឡ
រាជធានីភ្នំពេញ ៖ ចាត់ទុកជាលើកទី១ក្នុងប្រវត្តិនៃការប្រកួតសម្រស់នៅកម្ពុជា បន្ទាប់ពីបេក្ខនារីម្នាក់ឡើងបង្ហាញខ្លួនក្នុងកម្មវិធីប្រកួតបវរកញ្ញាចក្រវាឡកម្ពុជា ទាំងកាន់ឈើច្រត់ ។ បន្ទាប់ពីមើលឃើញរូបភាពនេះ អ្នកណាៗក៏សម្តែងក្តីអាណិតអាសូរ និងរកកល់ចង់យំតាម នៅពេលចោលក្រសែភ្នែកឃើញនារីកម្ពុជាដ៏ក្លាហានមួយរូប មកប្រកួតទាំងមិនស្រួលខ្លួន ហើយញញឹមបង្ហាញសម្រស់ អមជាមួយដៃកាន់ឈើច្រត់។ នាងពិតជាសាងភាពជានារីរឹងមាំ ហើយនឹងធ្វើអោយ គេមើលឃើញថា ស្ត្រីកម្ពុជា មិនទន់ជ្រាយ ហើយតស៊ូក្នុងកាលៈទេសៈណាក៍ មិនបោះបង់។
នាយប់ថ្ងៃទី៨ មិថុនា ឆ្នាំ២០២២ មានការបង្ហាញខ្លួន បេក្ខនារីដ៍ស្រស់ស្អាត២០ រូបនៃការប្រកួត បវរកញ្ញាចក្រវាឡកម្ពុជា ឆ្នាំ២០២២ រដូវកាលថ្មី ដោយមានការផ្សាយ បន្តផ្ទាល់ តាមកញ្ចក់ទូរទស្សន៍បាយ័ន។ កម្មវិធីMiss Universe Cambodia 2022 នេះ បានក្លាយជាការពេញនិយមណាស់ សម្រាប់អ្នកនិយមតាមដាន។ បើកឆាកមានរំលេចកម្មវិធីបង្ហាញនូវឈុតតំណាងជាតិ និងឈុតសមោលស។ លើសពីនោះ មានការភ្ញាក់ផ្អើលចំពោះកញ្ញារាសី ស្លាកលេខ១ បានបង្ហាញខ្លួន ដោយនាងមានរបួសកជើង ដើរកាត់ឈើច្រត់ អមដោយបុរសសង្ហារម្នាក់ ជួយទប់ជំហរ។ មើលទៅពេល បង្អួតសម្រស់នាងធ្វើបានល្អ មិនភ័.យ និងដាក់អារម្មណ៍ជាមួយការងារបានយ៉ាងយកចិត្តទុកដាក់។ ភ្លាមៗ អ្នកគាំទ្រនាំគ្នាទះដៃ ហ៊ោកញ្ជ្រៀវពេញឆាកលើកទឹកចិត្តដល់បេក្ខនារីរឹងមាំ១រូបនេះ។
មហាជនដែលបានទស្សនាទិដ្ឋភាពការប្រកួតនេះ ម្នាក់ៗសម្តែងអារម្មណ៍អួលដើមក ចង់យំ ព្រោះរំភើបជាមួយការតាំងចិត្តរបស់កញ្ញា រាសី ។ នាងពិតជាអស្ចារ្យ និងធ្វើឱ្យគ្រប់គ្នាកោតសរសើរជាមួយការតស៊ូរបស់ នាង ហើយបេក្ខនារីដែលមានរូបសម្រស់ស្រស់សោភានេះ ក៏បានកសាងប្រវត្តិសាស្ដ្ររបស់ការប្រកួតបវរកញ្ញាចក្រវាលកម្ពុជា ដើម្បីឱ្យគ្រប់គ្នាចងចាំនូវឆន្ទៈរបស់ស្ត្រីខ្មែរយើងដែលមិនបោះបង់ទោះខ្លួនត្រូវឡើងឆាកទាំងដៃកាន់ឈើច្រត់ផងដែរ។
ការបង្ហាញវត្តមានរបស់នាងលើឆាកប្រកួតពិតជាបានបង្កើតជារឿងភ្ញាក់ផ្អើលតែម្តង ព្រោះមហាជនមួយចំនួនបានដឹងថា បេក្ខនារីបវរកញ្ញា ពាក់លេខ១ កំពុងចូលរួមប្រកួត ការប្រឡងបវរកញ្ញា ចក្រវាឡកម្ពុជា២០២២ បានដួលគ្រិចកជើងពេលហាត់ដើរ នៅផ្ទះ។ យើងនឹងរង់ចាំមើលទៀតថា តើកញ្ញា វ័យឆ្លាតរូបណាឡើងទៅបំពាក់មកុដ បវរកញ្ញាចក្រវាឡកម្ពុជា២០២២ ផ្លូវការដែល មកដល់នារាត្រីថ្ងៃទី១៥ មិថុនា ខាងមុខ ៕
ចែករំលែកព័តមាននេះ