លោកតាវ័យ១១៣ឆ្នាំ ប្រាប់គន្លឹះពិសេសធ្វើឱ្យអាយុវែង និងសុខភាពល្អ
វ៉េណេស៊ុយអេឡា ៖ បុរសមានវ័យចំណាស់ជាងគេលើពិភពលោក បានចែករំលែកគន្លឹះសំខាន់ៗ ដែល
វ៉េណេស៊ុយអេឡា ៖ លោកតាមានវ័យចំណាស់ជាងគេលើពិភពលោក បានចែករំលែកគន្លឹះសំខាន់ៗ ដែលធ្វើឱ្យគាត់អាយុវែង សុខភាពល្អ និងរឹងមាំ។ ខណៈក្នុងចំណោមនោះ គាត់អះអាងថា ការទទួលស្រា Liquour អាចជាថ្នាំបំប៉នជីវិត។ នេះបើយោងតាមប្រភពពីMetro ចេញផ្សាយកាលពីថ្ងៃទី២៨ ខែឧសភា ឆ្នាំ២០២២។
លោកតា Juan Vicente Perez Mora សញ្ជាតិវ៉េណេស៊ុយអេឡា បានកើតនៅថ្ងៃទី២៧ ខែឧសភា ឆ្នាំ១៩០៩ បច្ចុប្បន្នមានអាយុ ១១៣ឆ្នាំ។ គាត់បានរៀបការជាមួយលោកស្រី Ediofina del Rosario García ដែលបានស្លាប់នៅឆ្នាំ ១៩៩៧ បន្ទាប់ពីរួមរស់ជាមួយគ្នាអស់៦ទសវត្ស។ ដោយបន្សល់ទុកចំណងដៃកូនចំនួន១១នាក់ ចៅ៤១នាក់ ចៅទួត១៨នាក់ និងចៅលួត១២នាក់។
អំឡុងប្រារព្ធពិធីខួបកំណើតគម្រប់អាយុ១១៣ឆ្នាំ លោកតា Perez Mora បានផ្តល់គន្លឹះដ៏ពិសេស៤យ៉ាងធ្វើឱ្យគាត់មានអាយុវែងរួមមាន៖ ការអធិស្ឋាន២ដងក្នុង១ថ្ងៃ, ខំប្រឹងធ្វើការងារ, ចូលគេងឱ្យបានឆាប់ និងជាពិសេសផឹកស្រា Liquor (ស្រាចម្រាញ់ពីគ្រាប់ធញ្ញជាតិ) ១ពែងក្នុង១ថ្ងៃ។
លោក Enrique Guzman គ្រូពេទ្យរបស់លោកតា Perez Mora បាននិយាយថា ក្រៅពីសម្ពាធឈាមឡើងខ្ពស់បន្តិច និងចុះខ្សោយការស្តាប់។ លោកតាមានសុខភាពល្អណាស់ ដោយមិនមានជំងឺណាមួយ ដែលត្រូវទទួលការព្យាបាលនោះទេ។
លោកតា Perez Mora គឺជាកូនម្នាក់ក្នុងចំណោមបងប្អូន១០នាក់ បានកើតនៅទីក្រុង El Cobre ក្នុងរដ្ឋ Tachira ។ ប៉ុន្តែគ្រួសារគាត់បានទៅរស់នៅភូមិ Los Pajuiles ក្នុងទីក្រុង San Jose de Bolivar ។ ហើយនៅពេលគាត់មានអាយុ៥ឆ្នាំ គាត់បានជួយបងប្អូន និងឪពុកគាត់ធ្វើស្រែចម្ការ និងដាំដំណាំកាហ្វេ។ គេជឿថា ការធ្វើការងារប្រើកម្លាំងតាំងពីតូច ទើបធ្វើឱ្យលោកតាមានសុខភាពល្អ និងរឹងមាំ ទោះបច្ចុប្បន្នគាត់មានអាយុ១១៣ឆ្នាំយ៉ាងណាក្តី។
លោកតា Perez Mora បានក្លាយជាបុរសចាស់ជាងគេលើពិភពលោក ដែលនៅមានជីវិត។ បន្ទាប់ពីលោកតា Saturnino de la Fuente Garcia សញ្ជាតិអេស្ប៉ាញ ដែលកើតនៅថ្ងៃទី១១ ខែកុម្ភៈ ឆ្នាំ១៩០៩ បានទទួលមរណភាពក្នុងអាយុ ១១២ឆ្នាំ និង ៣៤១ថ្ងៃ កាលពីខែមករា ឆ្នាំ២០២២៕
ចែករំលែកព័តមាននេះ