រាជធានីភ្នំពេញ ៖ យុវជនជំទង់ម្នាក់ បានជាប់ចោទពីបទរួមភេទជាមួយអនីតិជន ហើយត្រូវបាននគរបាលខណ្ឌចំការមន ឃាត់ខ្លួន ក្រោយពេលម្ដាយក្មេងស្រីនាំខ្លួនឱ្យសមត្ថកិច្ច ។ តាមព័ត៌មានថា ពួកគេបានស្គាល់គ្នាតាមហ្វេសប៊ុក៣ខែមកហើយ និងបានរួមរ័កគ្នាមួយលើក ។
រាជធានីភ្នំពេញ ៖ យុវជនជំទង់ម្នាក់ បានជាប់ចោទពីបទរួមភេទជាមួយអនីតិជន ហើយត្រូវបាននគរបាលខណ្ឌចំការមន ឃាត់ខ្លួន ក្រោយពេលម្ដាយក្មេងស្រីនាំខ្លួនឱ្យសមត្ថកិច្ច ។ តាមព័ត៌មានថា ពួកគេបានស្គាល់គ្នាតាមហ្វេសប៊ុក៣ខែមកហើយ និងបានរួមរ័កគ្នាមួយលើក ។
បាតុភាពភ្លើងស្នេហ៍យុវវ័យបែបទុំមុនស្រគាលនេះ បានកើតឡើងកាលពីវេលាម៉ោង១២និង២០នាទីរំលងអធ្រាត្រឈានចូលថ្ងៃទី១ ខែវិច្ឆិកា នៅផ្ទះជួលមួយក្នុងសង្កាត់ទន្លេបាសាក់ ខណ្ឌចំការមន លុះព្រឹកឡើងក៏ត្រូវចាប់ខ្លួនយកមកប្រគល់ឲ្យនគរបាលប៉ុស្តិ៍ទន្លេបាសាក់តែម្តង ។
ប្រភពព័ត៌មានពីមន្ត្រីនគរបាលឱ្យដឹងថា យុវជនជំទង់ជាប់ចោទឈ្មោះ ស្តើង សិលា អាយុ១៦ឆ្នាំ បម្រើការនៅភោជនីយដ្ឋានមួយ និងស្នាក់នៅផ្ទះជួលខាងលើ ។ យុវជនរូបនេះត្រូវបានឃាត់ខ្លួន ខណៈម្តាយក្មេងស្រីនាំមកប្រគល់ឲ្យសមត្ថកិច្ច ក្រោយពីបានរួមភេទជាមួយកូនស្រីរបស់គាត់ដែលជាអនីតិជន គឺទើបមានអាយុ១៣ឆ្នាំ ។
ប្រភពដដែលឲ្យដឹងទៀតថា កាលពីវេលាម៉ោង១២និង២០នាទីរំលងអធ្រាត្រឈានចូល ថ្ងៃទី១ ខែវិច្ឆិកា ពួកគេទាំងពីរនាក់បានណាត់គ្នាដើរលេងរហូតដល់យប់ជ្រៅ ហើយដោយក្មេងស្រីមិនហ៊ានចូលផ្ទះ យុវជនជំទង់ជាសង្សារក៏នាំទៅដេកនៅផ្ទះជួលរបស់ខ្លួន និងឈានដល់ការរួមភេទបាន១លើកផងដែរ ។ លុះព្រឹកឡើងក្មេងស្រីត្រឡប់ទៅផ្ទះវិញ ត្រូវម្តាយជជីកសួរនាំ ទើបដឹងថា កូនស្រីគាត់បានទៅដេកនៅផ្ទះជួលរបស់យុវជនខាងលើ ក៏បែកធ្លាយរឿងនេះតែម្តង ។
ពេលនោះម្តាយបានទទូចឲ្យកូនស្រីគាត់ទូរស័ព្ទហៅយុវជនខាងលើមកជួបចរចាគ្នា ដោយទាមទារសំណងចំនួន១ម៉ឺនដុល្លារ តែយុវជនរូបនេះមិនមានលទ្ធភាព ក៏ចាប់យកទៅប្រគល់ឲ្យនគរបាលប៉ុស្តិ៍ទន្លេបាសាក់ និងបញ្ជូនបន្តទៅអធិការដ្ឋាននគរបាលខណ្ឌចំការមន ទៀត ដើម្បីចាត់ការតាមផ្លូវច្បាប់ ៕
ចែករំលែកព័តមាននេះ