បុរសម្នាក់ដុ.តបន្ទប់ផ្ទះសំណាក់ រួចរត់ចូលផ្ទះល្វែងមួយទៀតធ្វើរឿងស្មានមិនដល់
- ភ្នំពេញ
រាជធានីភ្នំពេញ ៖ បុរសជនជាតិបរទេសម្នាក់សង្ស័យថា ប្រើប្រាស់ថ្នាំញៀ.នរហូតវង្វេងស្មារតី ខណៈ
រាជធានីភ្នំពេញ ៖ បុរសជនជាតិបរទេសម្នាក់សង្ស័យថា ប្រើប្រាស់ថ្នាំញៀ.នរហូតវង្វេងស្មារតី ខណៈចូលទៅស្នាក់នៅក្នុងផ្ទះសំណាក់យីហោ «សម្ផស្សភួង» បានធ្វើសកម្មភាពដុ.តសម្ភារៈនៅក្នុងបន្ទប់ផ្ទះសំណាក់នេះ បណ្ដាលឲ្យឆេះរងការខូចខាតអស់ បន្ទាប់មកបានរត់ឡើងទៅលើសំណង់ផ្ទះល្វែងមួយនៅជិតនោះរួចលោ.តពីលើជាន់ទី២ បណ្ដាលឲ្យស្លា.ប់បាត់បង់ជីវិតភ្លាមៗនៅនឹងកន្លែងតែម្ដង។
ហេតុការណ៍ខាងលើនេះបានបង្កឲ្យមានការភ្ញាក់ផ្អើលកើតឡើងកាលពីវេលាម៉ោង៥ព្រឹកថ្ងៃទី២៥ ខែឧសភា ឆ្នាំ២០២២ នៅលើផ្លូវបេតុងលេខ107K ស្ថិតនៅក្នុងភូមិក្បាលដំរី២ សង្កាត់កាកាបទី២ ខណ្ឌពោធិ៍សែនជ័យ រាជធានីភ្នំពេញ។
បុរសខាងលើពុំទាន់ត្រូវបានស្គាល់អត្តសញ្ញាណ និងជនជាតិអ្វីនៅឡើយទេ ។
តាមប្រភពព័ត៌មានបានឲ្យដឹងថា នៅវេលាយប់ថ្ងៃទី២៤ ខែឧសភា ឆ្នាំ២០២២ បុរសជនបរទេសរូបនេះបានចូលទៅស្នាក់នៅក្នុងបន្ទប់ផ្ទះសំណាក់យីហោ«សម្ផស្សភួង» ដែលមានទីតាំងស្ថិតនៅជាប់កន្លែងកើតហេតុនោះដែរ លុះដល់វេលាម៉ោងប្រហែលជាង៤ជិតភ្លឺថ្ងៃកើតហេតុ បុរសរូបនោះបានធ្វើសកម្មភាពដុ.តសម្ភារៈនៅក្នុងបន្ទប់ផ្ទះសំណាក់ដែលគាត់ស្នាក់នៅនោះ បណ្ដាលឲ្យឆេះរងការខូចខាតអស់។
តាមប្រភពព័ត៌មានបានបន្តទៀតថា បន្ទាប់មកបុរសរូបនោះបានរត់ចេញទៅឡើងលើជាន់ទី២នៃសំណង់ផ្ទះល្វែងមួយដែលស្ថិតនៅជិតនោះដែរ រួចលោ.តចុះ បណ្ដាលឲ្យស្លា.ប់បាត់បង់ជីវិតនៅលើផ្លូវបេតុងតែម្ដង ខណៈនោះបានបង្កឲ្យមានការភ្ញាក់ផ្អើលខ្លាំង ប៉ុន្តែពុំមាននរណាម្នាក់ហ៊ានចូលទៅជិតឡើយ ដោយរង់ចាំកម្លាំងសមត្ថកិច្ចចុះទៅពិនិត្យមើលឲ្យបានត្រឹមត្រូវសិន។
តាមប្រភពខាងលើបានប្រាប់ឲ្យដឹងបន្តទៀតថា រហូតដល់វេលាម៉ោង៦ព្រឹកថ្ងៃដដែល កម្លាំងនគរបាលប៉ុស្តិ៍កាកាបទី១ និងនគរបាលខណ្ឌពោធិ៍សែនជ័យ បានចុះទៅកាន់កន្លែងកើតហេតុ។បន្ទាប់មកបានរាយការណ៍បន្តទៅកាន់នគរបាលការិយាល័យបច្ចេកទេសវិទ្យាសាស្ត្រនៃស្នងការដ្ឋាននគរបាលរាជធានីភ្នំពេញ ដើម្បីចុះទៅធ្វើកោសល្យវិច័យ ហើយនគរបាលនៅពុំទាន់អះអាងប្រាប់ថាបែបណានៅឡើយទេ ៕
ចែករំលែកព័តមាននេះ