ប្រជាជនជប៉ុនរាប់រយនាក់តវ៉ាប្រឆាំងដំណើរទស្សនកិច្ចរបស់មេដឹកនាំអាមេរិក
ជប៉ុន ៖ ប្រជាជនជប៉ុនរាប់រយនាក់បានប្រមូលផ្តុំគ្នានៅសួន Shiba ក្នុងទីក្រុងតូក្យូកាលពីថ្ងៃអាទិត្យ
ជប៉ុន ៖ ប្រជាជនជប៉ុនរាប់រយនាក់បានប្រមូលផ្តុំគ្នានៅសួន Shiba ក្នុងទីក្រុងតូក្យូកាលពីថ្ងៃអាទិត្យ ទី២២ ឧសភា ម្សិលមិញនេះ ដើម្បីតវ៉ាប្រឆាំងដំណើរទស្សនកិច្ចរយៈពេល៣ថ្ងៃរបស់ប្រធានាធិបតីអាមេរិក លោក Joe Biden ខណៈដែលភាពតានតឹងអន្តរជាតិកំពុងកើនឡើងខ្លាំងជុំវិញជម្លោះនៅអ៊ុយក្រែន។
ក្រុមបាតុករបានលើកឡើងថា ជម្លោះនៅអ៊ុយក្រែនបង្កឡើងដោយអង្គការណាតូដែលមានអាមេរិកជាមេដឹកនាំ និងបណ្តាលប្រទេសលោកខាងលិច។
បាតុករម្នាក់ឈ្មោះ Ota បាននិយាយថា «បណ្តាប្រទេសនៅអឺរ៉ុបខាងលិច និងសមាជិកណាតូដែលដឹកនាំដោយសហរដ្ឋអាមេរិកបានធ្វើឲ្យជម្លោះរវាងរុស្ស៊ី និងអ៊ុយក្រែនផ្ទុះកាន់តែខ្លាំង បានផ្តល់អាវុ.ធដល់អ៊ុយក្រែន ដាក់ទណ្ឌកម្មលើប្រទេសរុស្ស៊ី។ ទង្វើទាំងនេះនឹងមិនបញ្ឈប់ជម្លោះនោះទេ ប៉ុន្តែវាកាន់តែកើនឡើងខ្លាំង និងអូសបន្លាយយូរ។ ខ្ញុំមិនអាចអត់ទោសចំពោះទង្វើបែបនេះបានទេ»។
ចំណែកលោក Shunkichi Takayama ដែលជាមេធាវី បាននិយាយថា «តាមទស្សនៈប្រវត្តិសាស្ត្រ ការពង្រីកខ្លួនទៅភាគខាងកើតដោយអង្គការណាតូ និងអាមេរិកបានធ្វើឲ្យរុស្ស៊ីខឹង។ មូលហេតុចម្បងគឺអាមេរិក»។
សូមបញ្ជាក់ថា ប្រធានាធិបតីអាមេរិកនឹងចូលរួមកិច្ចប្រជុំកំពូលនៅថ្ងៃអង្គារស្អែកនេះ ដោយក្នុងកិច្ចប្រជុំនោះលោកនឹងជួបជាមួយជានាយករដ្ឋមន្ត្រីជប៉ុន Fumio Kishida នាយករដ្ឋមន្ត្រីឥណ្ឌា Narendra Modi និងនាយករដ្ឋមន្ត្រីអូស្ត្រាលី Anthony Albanes ដើម្បីលើកកម្ពស់យន្តការ Quad៕ (យោងតាមប្រភព៖ Aljazeera)
ចែករំលែកព័តមាននេះ