មហោស្រពភាពយន្ត Cannes រងការរិះគន់ ក្រោយតារាល្បីជាអ្នកគាំទ្រលោកពូទីន ចូលរួម
បារាំង ៖ មហោស្រពភាពយន្តអន្តរជាតិ Cannes Film Festival ដ៏ល្បីរបស់ពិភពលោក។ ដែលតែងតែ
បារាំង ៖ មហោស្រពភាពយន្តអន្តរជាតិ Cannes Film Festival ដ៏ល្បីរបស់ពិភពលោក។ ដែលតែងតែ
បារាំង ៖ មហោស្រពភាពយន្តអន្តរជាតិ Cannes Film Festival ដ៏ល្បីរបស់ពិភពលោក ដែលតែងតែប្រារព្ធឡើងរៀងរាល់ឆ្នាំនៅទីក្រុង Cannes ប្រទេសបារាំងនោះ បានទទួលរងការរិះគន់យ៉ាងចាស់ដៃពីសំណាក់មហាជន។ ចំពោះការអនុញ្ញាតឱ្យតារាម៉ូដែលជាអ្នកគាំទ្រប្រធានាធិបតីរុស្ស៊ី លោក Vladimir Putin ឡើងជាន់លើកម្រាលព្រំក្រហមរបស់ខ្លួន។ នេះបើយោងតាមប្រភពពី Daily Mail ចេញផ្សាយកាលពីថ្ងៃទី២១ ខែឧសភា ឆ្នាំ២០២២។
នាង Victoria Bonya តារាសម្តែង ម៉ូដែល និងអ្នកជំនួញដ៏មានឥទ្ធិពលជនជាតិរុស្ស៊ី បានបង្ហោះរូបភាពអំពីសកម្មភាពនាងចូលរួមក្នុងព្រឹត្តិការណ៍ Cannes Film Festival ឆ្នាំ២០២២។ បើទោះបីជាអ្នករៀបចំកម្មវិធី បានសម្រេចដាក់កំហិតនៃការចូលរួមសម្រាប់តារាមកពីរុស្ស៊ី ដែលគាំទ្រសង្គ្រាមរបស់វិមានក្រឹមឡាំងឈ្លានពានអ៊ុយក្រែនយ៉ាងណាក៏ដោយ។
វីដេអូមួយពី Variety បានបង្ហាញពីការមកដល់របស់ Bonya ដែលនាងត្រូវដើរលើកម្រាលព្រំក្រហមដោយគ្មានអ្នករួមដំណើរឡើយ។ តារាម៉ូដែលវ័យ៤២ឆ្នាំ ដែលកំពុងរស់នៅក្នុងប្រទេសម៉ូណាកូរូបនេះ កាលពីមុនធ្លាប់ថតរូបយ៉ាងសប្បាយរីករាយជាមួយឈុតហែលទឹកមានរូបលោកពូទីន។
ក្រោយការដាក់ទណ្ឌកម្មលើរុស្ស៊ីពីសំណាក់ប្រទេសលោកខាងលិចរូចមក។ បណ្តាក្រុមហ៊ុនស្លាកយីហោល្បីៗលំដាប់ពិភពលោកជាច្រើន បានសម្រេចដកការផ្គត់ផ្គង់ និងការលក់របស់ខ្លួនពីប្រទេសរុស្ស៊ី។ ខណៈដើម្បីជាការឆ្លើយតបនឹងទណ្ឌកម្មនេះ កាលពីខែមុន Bonya បានចែករំលែកវីដេអូនាងកាត់កាបូបម៉ាកល្បី Chanel ដ៏មានតម្លៃរបស់ខ្លួន។ ហើយបាននិយាយថា «ប្រសិនបើ Chanel House មិនគោរពអតិថិជនរបស់ខ្លួន ហេតុអ្វីយើងត្រូវគោរព Chanel?»។
នាងថែមទាំងជំរុញប្រទេសលោកខាងលិចឱ្យឈប់ស្អប់ខ្ពើមជនជាតិរុស្ស៊ី។ បើទោះបីជាលោកពូទីន បានបញ្ជាឱ្យមានប្រតិបត្តិការណ៍យោធាពិសេសលើប្រទេសអ៊ុយក្រែនយ៉ាងណាក៏ដោយ។
សូមជម្រាបថា នាង Victoria Bonya បានក្តោបតំណែងជាច្រើនក្នុងកម្មវិធី Showbiz។ នាងក៏ធ្លាប់សម្ដែងខ្សែភាពយន្តផងដែរ។ ហើយក្នុងនោះ រួមទាំងរឿងមួយកាលពីអតីតកាល ដែលនាងបានសម្តែងជាមួយប្រធានាធិបតីអ៊ុយក្រែន លោក Volodymyr Zelensky៕
ចែករំលែកព័តមាននេះ