ម៉ូតូមួយគ្រឿងឆាបឆេះផ្អើលពេញផ្លូវ ក្រោយដួលចូលក្រោមរថយន្តសណ្តោងកុងតឺន័រ
- ភ្នំពេញ
រថយន្តសណ្តោងកុងតឺន័រមួយគ្រឿង ខណៈអ្នកបើកបរខ្វះការប្រុងប្រយ័ត្ន ក៏ជ្រុលទៅ
រថយន្តសណ្តោងកុងតឺន័រមួយគ្រឿង ខណៈអ្នកបើកបរខ្វះការប្រុងប្រយ័ត្ន ក៏ជ្រុលទៅ
រាជធានីភ្នំពេញ ៖ បើតាមសេចក្តីរាយការណ៍បានឱ្យដឹងថា រថយន្តសណ្តោងកុងតឺន័រមួយគ្រឿង ខណៈអ្នកបើកបរខ្វះការប្រុងប្រយ័ត្ន ក៏ជ្រុលទៅកៀរទាក់ដៃចង្កូតម៉ូតូហុងដាឌ្រីម បណ្តាលឲ្យម៉ូតូដួលអូសចូលក្រោមរថយន្ត ធ្វើឱ្យឆ្លងចរន្តក្លាយជាអណ្តាតភ្លើងឆាបឆេះម៉ូតូផ្អើលអស់ប្រជាពលរដ្ឋនាំគ្នាជួយពន្លត់កាលពីវេលាម៉ោង៦ល្ងាច ថ្ងៃទី២០ ខែឧសភា ឆ្នាំ២០២២ តាមបណ្ដោយផ្លូវបេតុង ព្រៃស ស្ថិតក្នុងភូមិថ្មី សង្កាត់ដង្កោ ខណ្ឌដង្កោ ។
បើតាមប្រភពព័ត៌មានពីកន្លែងកើតហេតុ បានអោយដឹងថា មុនពេលកើតហេតុ គេបានឃើញបុរសម្នាក់ជិះម៉ូតូហុងដាឌ្រីម ស៊េរីឆ្នាំ២០១៩ ពណ៌ខ្មៅ ពាក់ស្លាកលេខ ភ្នំពេញ 1HX 1471 បានជិះធ្វើដំណើរតាមបណ្ដោយផ្លូវបេតុងព្រៃស ក្នុងទិសដៅពីលិចទៅកើត លុះមកចំណុចកើតហេតុ ក៏ស្រាប់តែមានបុរសម្នាក់ទៀតបើករថយន្តសណ្តោងកុងតឺន័រ ម៉ាក STERLIN ពណ៌ស ពាក់ស្លាកលេខ ភ្នំពេញ 3A 8899 បានធ្វើដំណើរក្នុងទិសដៅស្របគ្នា ។
ប្រភពដដែលបន្តថា ហើយពេលនោះ រថយន្តសណ្តោងកុងតឺន័របានវ៉ាជែងមកខាងស្ដាំដៃ ក៏ស្រាប់តែជ្រុលទៅកៀរទាក់ដៃចង្កូតជាមួយនឹងម៉ូតូហុងដាឌ្រីម បណ្តាលឲ្យម៉ូតូដួលអូសចូលក្រោមរថយន្តប្រហែល១០ម៉ែត្រ ធ្វើឱ្យម៉ូតូបែកផ្កាភ្លើងក្លាយជាអណ្តាតភ្លើងឆាបឆេះម៉ូតូយ៉ាងសន្ធោសន្ធៅតែម្តង ផ្អើលអស់ប្រជាពលរដ្ឋនាំគ្នាជួយយកបំពង់ពន្លត់អគ្គិភ័យមកជួយបាញ់ពន្លត់អស់១បំពង់ ទើបធ្វើអោយភ្លើងរលត់ទៅវិញភា្លមៗផងដែរ ហើយសំណាងល្អមិនគ្រោះថ្នាក់ដល់មនុស្ស គ្រាន់តែខូចខាតម៉ូតូអស់៧០ភាគរយតែប៉ុណ្ណោះ។ ដោយឡែករថយន្តវិញអត់មានរងការខូចខាតអ្វីនោះទេ ចំណែកអ្នកបើកបរក៏មិនបានរត់គេចខ្លួនទៅណាដែរ ។
ពាក់ព័ន្ធនឹងក្នុងករណីខាងលើនេះដែរ លុះបន្តិចក្រោយមក ក៏ឃើញមានកម្លាំងសមត្ថកិច្ចមូលដ្ឋាន បានចុះទៅដល់កន្លែងកើតហេតុ និងបានការបាញ់ថ្នាំ រួចយកមធ្យោបាយទាំង២គ្រឿង អែបកៀន ដើម្បីបញ្ចៀសការកកស្ទះចរាចរណ៍ និងឱ្យភាគីទាំងសងខាង សម្របសម្រួលគ្នាផងដែរ ។
ក្រោយពេលកើតហេតុ តំណាងភាគីទាំងសងខាង បានសម្របសម្រួលគ្នា ដោយខាងរថយន្តសណ្តោងកុងតឺន័រ សុខចិត្តយកម៉ូតូជនរងគ្រោះទៅជួសជុលអោយវិញដើម្បីបញ្ចប់រឿង ៕
ចែករំលែកព័តមាននេះ