រហូតមកដល់វេលាម៉ោង១០និង២០នាទីព្រឹក ថ្ងៃទី១៤ ខែឧសភា ឆ្នាំ២០២២ ជនរងគ្រោះម្នាក់បានសម្រេចចិត្តដាក់ពាក្យបណ្តឹងទៅប៉ុស្តិ៍នគរបាលស្ទឹងកាច់ ក្រោយពីបានបាត់ម៉ូតូស៊េរីទំនើប០១គ្រឿង នៅចំណុច
ខេត្តប៉ៃលិន ៖ រហូតមកដល់វេលាម៉ោង១០និង២០នាទីព្រឹក ថ្ងៃទី១៤ ខែឧសភា ឆ្នាំ២០២២ ជនរងគ្រោះម្នាក់បានសម្រេចចិត្តដាក់ពាក្យបណ្តឹងទៅប៉ុស្តិ៍នគរបាលស្ទឹងកាច់ ក្រោយពីបានបាត់ម៉ូតូស៊េរីទំនើប០១គ្រឿង នៅចំណុចបន្ទប់ជួលដីថ្មី ផ្លូវទី២ ស្ថិតក្នុងភូមផ្សារព្រំជើង ឃុំស្ទឹងកាច់ ស្រុកសាលាក្រៅ ខេត្តប៉ៃលិន ដែលហេតុការណ៍បាត់ម៉ូតូនេះ បានកើតឡើងកាលពីវេលាម៉ោង០១និង៣០នាទីយប់រំលងអធ្រាត្រ ឈានចូលថ្ងៃទី១៤ ខែឧសភា ឆ្នាំ២០២២។
បើតាមប្រភពព័ត៌មានបានឱ្យដឹងថា ៖ ម្ចាស់ម៉ូតូខាងលើមានឈ្មោះ ចំរើន ភិរុណ្យ ភេទប្រុស អាយុ២៣ឆ្នាំ មានទីលំនៅបច្ចុប្បន្នក្នុងភូមិកន្សែងបន្ទាយ ឃុំមោង ស្រុកមោឬស្សី ខេត្តបាត់ដំបង ហើយម៉ូតូដែលបាត់នោះ ម៉ាកហុងដាឌ្រីម ស៊េរីឆ្នាំ២០២២ ពណ៌ក្រហម ពាក់ស្លាកលេខ បាត់ដំបង 1AO-8601។ ចំណែកជនសង្ស័យទី១- ឈ្មោះ ណូច រ៉ានុត ភេទប្រុស អាយុ២០ឆ្នាំ មានទីលំនៅបច្ចុប្បន្នក្នុងភូមិអូរតាប្រាង សង្កាត់ប៉ៃលិន ក្រុងប៉ៃលិន ខេត្តប៉ៃលិន និងជនសង្ស័យទី២- ឈ្មោះ ឈាន សូផា ភេទប្រុស អាយុ១៨ឆ្នាំ រស់នៅភូមិបរយ៉ាខា សង្កាត់បយ៉ាខា ក្រុងប៉ៃលិន ខែត្តប៉ៃលិន។
ប្រភពដដែលបន្តទៀតថា មុនពេលកើតហេតុ ជនរងគ្រោះបានជិះម៉ូតូចេញទៅទិញសាច់មាន់អាំងហូប រួចក៏ជិះត្រឡប់មកវិញ ដោយចាក់សោ.កម៉ូតូទុកចោលនៅខាងមុខផ្ទះជួល រួចក៏ចូលទៅដេកខាងក្នុងបន្ទប់។ លុះនៅវេលាម៉ោង០៨និង៤០នាទីព្រឹកថ្ងៃដដែល ជនរងគ្រោះបានចេញមកពីបន្ទប់វិញ ស្រាប់តែបាត់ម៉ូតូមិនឃើញ បង្កឱ្យមានការភ្ញាក់ផ្អើលឆោឡោ រួចប្តឹងនគរបាលតែម្តង។
ប្រភពដដែលបញ្ជាក់ថា លុះដល់វេលាម៉ោង០២និង០០នាទីរសៀល ថ្ងៃទី១៤ ខែឧសភា ២០២២ កម្លាំងជំនាញនគរបាលយុត្តិធម៌ នៃអធិការស្រុកសាលាក្រៅ បានកំណត់មុខសញ្ញា ដោយសហការជាមួយកម្លាំងប៉ុស្តិ៍ស្ទឹងកាច់ រួមនឹងកម្លាំងព្រហ្មទណ្ឌ អធិការក្រុងប៉ៃលិន បានចុះឆែកឆេរបន្ទប់ជួលមួយកន្លែង ស្ថិតនៅក្នុងភូមិអូរតាពុកក្រោម សង្កាត់ទួលល្វា ក្រុងប៉ៃលិន ខេត្តប៉ៃលិន បានរកឃើញអាវម៉ូតូឌ្រីម ពណ៌ក្រហម០១ឈុត មួកសុវត្ថិភាព០១ ពោះវៀនម៉ូតូ០១ សំបកកង់ម៉ូតូ០១ កូនសោលេខ២២ចំនួន០២ដើម ដែកគាស់០១ ដែកកា.ប់០១ ដែកអក្សរតេ០១ កាបូបស្ពាយពណ៌ខ្មៅ០១ និងកញ្ចក់ម៉ូតូ០១គូ។
កម្លាំងក៏បានឃាត់ខ្លួនបក្សពួកជនសង្ស័យបានចំនួន១នាក់ ឈ្មោះ កុយ ឧត្ដម ភេទប្រុស អាយុ១៦ឆ្នាំ មុខរបរមិនពិតប្រាកដ រស់នៅភូមិអូរតាពុកក្រោម សង្កាត់ទួលល្វា ក្រុងប៉ៃលិន ខេត្តប៉ៃលិន។ ចំណែកជនដៃដល់០២នាក់ទៀត បានជិះម៉ូតូរបស់ជនរងគ្រោះរត់គេចខ្លួនបាត់ មុនពេលដែលសមត្ថកិច្ចទៅដល់។
ពាក់ព័ន្ធនឹងបញ្ហាខាងលើនេះ បច្ចុប្បន្ន កម្លាំងនគរបាលយុត្តិធម៌ និងកម្លាំងប៉ុស្តិ៍កំពុងបន្តធ្វើការស្រាវជ្រាវរកមុខសញ្ញាដែលប្រព្រឹត្ត យកមកផ្តន្ទាទោសតាមផ្លូវច្បាប់ ៕
ចែករំលែកព័តមាននេះ