តារាសម្តែង និងជាតារាបង្ហាញម៉ូដ ទឹម រដ្ឋា បានចូលរោងការប្រមាណជិត៣ខែមកហើយ តាំងពីចុងខែមីនា ឆ្នាំ២០២២នេះ។ អ្វីដែលគេមើលឃើញ និងចង់ដឹង ព្រមជាមួយសាមីខ្លួន គឺការ
រាជធានីភ្នំពេញ ៖ តារាសម្តែង និងជាតារាបង្ហាញម៉ូដ ទឹម រដ្ឋា បានចូលរោងការប្រមាណជិត៣ខែមកហើយ តាំងពីចុងខែមីនា ឆ្នាំ២០២២នេះ។ អ្វីដែលគេមើលឃើញ និងចង់ដឹង ព្រមជាមួយសាមីខ្លួន គឺការពពោះកូនដំបូង ។ សូម្បីតែ ទឹម រដ្ឋា ក៏នាងចង់បានឆាប់ៗ អោយទាន់វ័យដែលអាចមានកូន ស្របតាមការចុះសម្រុងគ្នាបន្ថែមទៀត។
អ្នកនាង ទឹម រដ្ឋា បានសាងភាពភ្ញាក់ផ្អើលក្រៃលែង អំឡុងពេលរៀបការ បានបង្ហាញនូវរូបភាពមង្គលការដ៏ឡូយឆាយ មានការចំណាយច្រើន តាមពិធីនីមួយៗ អមដោយការចូលរួមជូនពរជ័យសុទ្ធតែជាតារាល្បីឈ្មោះ។ នេះពិតជាសាកសម ជាអ្នកមានឈ្មោះតារាលំដាប់នៅក្នុងសង្គមសិល្បៈ។
អ្វីដែល ទឹម រដ្ឋា មានមោទនភាពបានដឹកដៃមនុស្សដែលខ្លួនស្រឡាញ់ ដែលជាសាសន៍ផ្សេង មករៀបការតាមបែបប្រពៃណីខ្មែរបានយ៉ាងពេញមុខ អោយចាស់ទុំដឹងឮ ព្រមទាំងមិត្តភក្តិជាច្រើនដែលបញ្ជាក់ថា ស្វាមីនាងពិតជាមិនចង្អៀតចង្អល់អ្វីឡើយ តាមចិត្តប្រពន្ធដើម្បីចំណងស្នេហា។
ទឹម រដ្ឋា បានលើកឡើងថា មកទល់ពេលនេះ នាងកំពុងតែទន្ទឹងពាក្យថា «ម្តាយ» ដែលនាងចង់បានយូរមកហើយ។ ចាប់តាំងពីបានចាប់គូ សំពះផ្ទឹមនាង មិនទាន់ទទួលបានដំណឹងល្អនៅឡើយ។ យ៉ាងណាក៏សង្ឃឹមថា មានក្មេងល្អម្នាក់ មកចាប់ផ្ទៃជាមួយនាង ហើយនាងនឹងតាំងចិត្តតស៊ូ បីបមអោយក្លាយជាមាតាល្អម្នាក់ ដូចអ្នកម្តាយនាង ដែលមើលថែកូនៗអោយមានអនាគត។
ទាក់ទិននឹងការសម្តែង នាងទទួលយកមួយៗ ដោយមិនបោះបង់នៅឡើយទេ ព្រោះជានិស្ស័យស្រឡាញ់ និងជាបេះដូងរបស់នាង។ អំឡុងពេលនេះ ខំចំណាយពេលរៀន ផ្នែកអចលនទ្រព្យអោយច្រើន ដែលជាមុខងារសំខាន់តាមស្វាមី ព្រោះគាត់ជាអ្នករកស៊ីផ្នែកនេះ។ បើសិនជា យើងចេះមួយទៀត ក៏ល្អស្រណុកមើលការខុសត្រូវ ជំនួសប្តីពេលរវល់ប្រការណាមួយ។
ចែករំលែកព័តមាននេះ