ឪពុកម្តាយប្តឹងកូនបង្កើតនិងកូនប្រសាឱ្យសងប្រាក់វិញ ក្រោយរៀបការរាប់ឆ្នាំមិនទាន់មានកូន
ឥណ្ឌា ៖ ប្តីប្រពន្ធជនជាតិឥណ្ឌា១គូ បង្កឱ្យមានការភ្ញាក់ផ្អើលយ៉ាងខ្លាំង ក្រោយប្តឹងទាមទារឱ្យកូនប្រុសបង្កើត និង
ឥណ្ឌា ៖ ប្តីប្រពន្ធជនជាតិឥណ្ឌា១គូ បង្កឱ្យមានការភ្ញាក់ផ្អើលយ៉ាងខ្លាំង ក្រោយប្តឹងទាមទារឱ្យកូនប្រុសបង្កើត និង
ឥណ្ឌា ៖ ប្តីប្រពន្ធជនជាតិឥណ្ឌា១គូ បង្កឱ្យមានការភ្ញាក់ផ្អើលយ៉ាងខ្លាំង ក្រោយប្តឹងទាមទារឱ្យកូនប្រុសបង្កើត និងកូនប្រសារសងប្រាក់ពួកគាត់វិញទ្វេដង។ បន្ទាប់ពីអះអាងថា ពួកគាត់ចំណាយលើកូនប្រុសយ៉ាងច្រើនសន្ធឹកសន្ធាប់។ ប៉ុន្តែរហូតមកដល់ពេលនេះ នៅមិនទាន់មានចៅពនៅឡើយ។ នេះបើយោងតាមប្រភពពី Metro បានចេញផ្សាយកាលពីថ្ងៃទី១២ ខែឧសភា ឆ្នាំ២០២២។
លោក Sajneev Prasad អាយុ ៦១ឆ្នាំ និងប្រពន្ធរបស់គាត់ឈ្មោះ Sadhana អាយុ ៥៧ឆ្នាំបានចំណាយប្រាក់បញ្ជូនកូនប្រុសតែមួយឈ្មោះ Shrey Sagar ទៅសិក្សាដើម្បីក្លាយជាអ្នកបើកយន្តហោះនៅសហរដ្ឋអាមេរិក។ មុនពេលមានវិបត្តិសេដ្ឋកិច្ចដែលបង្ខំឱ្យកូនប្រុសត្រឡប់មកឥណ្ឌាវិញក្នុងឆ្នាំ ២០០៧។
ក្រោយមក Shrey បានរៀបការជាមួយប្រពន្ធគាត់ឈ្មោះ Shubhangi ក្នុងឆ្នាំ ២០១៦។ ឪពុកម្តាយ Shrey បានអះអាងថា ពួកគាត់បានជូនកាដូដល់គូស្វាមីភរិយាថ្មីនូវរថយន្ត Audi តម្លៃ ៧៧,០០០ដុល្លារ។ ហើយក៏ជាអ្នកចំណាយលើពិធីមង្គលការកូននៅសណ្ឋាគារលំដាប់ផ្កាយប្រាំ និងចំណាយឱ្យពួកគេទៅក្រេបទឹកឃ្មុំនៅប្រទេសថៃផងដែរ។
បច្ចុប្បន្ន Shrey កំពុងបម្រើធ្វើការជាអ្នកបើកយន្តហោះក្នុងប្រទេសឥណ្ឌា។ ប៉ុន្តែគាត់បានរស់នៅបែកផ្ទះពីឪពុកម្តាយរបស់ខ្លួន។
លោក Prasads ដែលជាឪពុកបានអះអាងថា គាត់បានចំណាយប្រាក់ ២៥លានរូពី (ជាង៣២ម៉ឺនដុល្លារ) លើកូនប្រុសតាំងពីគេកើតមក។ ហើយឥឡូវនេះ ពួកគាត់ចង់បានប្រាក់ចំនួននោះមកវិញ រួមនិងប្រាក់ខាតបង់ផ្សេងៗទៀត ដែលសរុបទៅចំនួនជិត ៦៥ម៉ឺនដុល្លារ។
លោកស្រី Sadhana ដែលជាម្តាយបានប្រាប់ប្រពន្ធផ្សព្វផ្សាយក្នុងស្រុកថា «យើងបានលះបង់ក្តីសុបិនរបស់យើងដើម្បីចិញ្ចឹមបីបាច់គេ។ វាជាក្តីសុបិនរបស់ឪពុកម្តាយគ្រប់រូប ដើម្បីក្លាយជាជីដូនជីតា។ យើងបានរង់ចាំអស់រាប់ឆ្នាំហើយ វានៅតែគ្មានលទ្ធផល។ យើងក៏បានព្យាយាមបញ្ចុះបញ្ចូលកូនប្រុស និងកូនប្រសារដែរ ប៉ុន្តែពួកគេមិនបានស្តាប់តាមការចង់បានរបស់យើងទេ។ ដូច្នេះយើងពិតជាខូចចិត្តខ្លាំងណាស់។ ហើយនឹងត្រូវស្លា.ប់ដោយមិនបានឃើញមុខចៅ»៕
ចែករំលែកព័តមាននេះ