ប្រមូលអាវុធជាតិផ្ទុះទៅរក្សាទុកនៅក្នុងឃ្លាំង
ខេត្តសៀមរាប ៖ នៅថ្ងៃទី២៤ ខែតុលា ឆ្នាំ២០១៦ កម្លាំងការិយាល័យនគរបាលអាវុធជាតិផ្ទុះ នៃស្នងការដ្ឋាននគរបាលខេត្តសៀមរាប ដឹកនាំកម្លាំងដោយលោកវរសេនីយ៍ឯក …
ខេត្តសៀមរាប ៖ នៅថ្ងៃទី២៤ ខែតុលា ឆ្នាំ២០១៦ កម្លាំងការិយាល័យនគរបាលអាវុធជាតិផ្ទុះ នៃស្នងការដ្ឋាននគរបាលខេត្តសៀមរាប ដឹកនាំកម្លាំងដោយលោកវរសេនីយ៍ឯក ឆេត ញ៉ា ប្រធានការិយាល័យនគរបាលអាវុធជាតិផ្ទុះ បានប្រមូល និងដឹកជញ្ជូនអាវុធជាច្រើនប្រភេទ រួមទាំងអាវុធកែច្នៃមកពីបណ្ដាស្រុក ក្នុងខេត្តសៀមរាប យកទៅរក្សាទុកនៅក្នុងឃ្លាំងឱ្យមានរៀបរយ និងជាកន្លែងមានសុវត្ថិភាព និងសណ្តាប់ធ្នាប់ឱ្យបានល្អ ក្នុងស្នងការដ្ឋាននគរបាលខេត្ត ។
លោករវសេនីយ៍ឯក ឆេត ញ៉ា ប្រធានការិយាល័យ បានឱ្យដឹងថា អាវុធទាំងនោះមានដូចជា -កាំភ្លើងខ្យល់ចំនួន១៩២ដើម, -កាំភ្លើងព្រៃ កែច្នៃធ្វើពីឈើចំនួន៣៥១ដើម, -កាំភ្លើងបាញ់ព្រួញចំនួន១៥ដើម, -កាំភ្លើង AK47 ចំនួន២៩១ដើម, កាំភ្លើង CKC ចំនួន១០០ដើម, កាំភ្លើង B69 ចំនួន៥ដើម, -កាំភ្លើង RPD ចំនួន៦ដើម, កាំភ្លើង AR15 ចំនួន១៥ដើម និងកាំភ្លើង RPK ចំនួន៧ដើម អាវុធទាំងអស់ខាងលើនេះសរុបមានចំនួន៩៨២ដើម ៕
ចែករំលែកព័តមាននេះ