រាជធានីភ្នំពេញ ៖ លោកសាំ ពិសិដ្ឋ នាយកមន្ទីរសាធារណៈការ និងដឹកជញ្ជូនរាជធានីភ្នំពេញបានឱ្យដឹងថា រដ្ឋបាលរាជធានីភ្នំពេញ បាននិងកំពុងដំឡើងម៉ាស៊ីនកាយសំរាមស្វ័យប្រវត្តិ ផលិតក្នុងស្រុកដោយក្រុមហ៊ុន SCE នៅស្ថានីយបូមទឹកថ្មីបឹងត្របែក។
រាជធានីភ្នំពេញ ៖ លោកសាំ ពិសិដ្ឋ នាយកមន្ទីរសាធារណៈការ និងដឹកជញ្ជូនរាជធានីភ្នំពេញបានឱ្យដឹងថា រដ្ឋបាលរាជធានីភ្នំពេញ បាននិងកំពុងដំឡើងម៉ាស៊ីនកាយសំរាមស្វ័យប្រវត្តិ ផលិតក្នុងស្រុកដោយក្រុមហ៊ុន SCE នៅស្ថានីយបូមទឹកថ្មីបឹងត្របែក។
លោកបានបន្តថា ស្ថានីយបូមទឹកថ្មីបឹងត្របែកនេះ ប្រើដោយបច្ចេកវិទ្យាទំនើបកំរិតនីវ៉ូបូមទឹក និងពន្លត់ស្វ័យប្រវត្តិ កាយសំរាមដែលរាំងស្ទះនៅមុខស្ថានីយបូមដោយស្វ័យប្រវត្ តិមិនចាំបាច់ប្រើមនុស្ស មិនបែកពពុះ កាត់បន្ថយក្លិនស្អុយភាយ និងកាត់បន្ថយសំឡេងផងដែរ ។
លោកសាំ ពិសិដ្ឋ បានឲ្យដឹងទៀតថា ម៉ូទ័របូមទឹកចំនួន៦គ្រឿង បានដំឡើងរួចរាល់ហើយ ប្រកបដោយភាពជោគជ័យនៅស្ថានីយ៍បូមទឹកបឹងត្របែក ដែលម៉ូទ័រទាំងនោះ មានសមត្ថភាពបូមទឹកកើន៣ដងធៀបទៅនឹងស្ថានីយ៍ចាស់ អាចរំដោះទឹកចេញពីភូមិសាស្ត្រខណ្ឌចំនួន៣នៅកណ្តាលក្រុងដូចជា ខណ្ឌចំការមន,ខណ្ឌដូនពេញ និងខណ្ឌ៧មករា បើទោះបីមានភ្លៀងធ្លាក់ខ្លាំងក៏ដោយ។
ស្ថានីយបូមទឹកបឹងត្របែកនេះ គ្រោងនឹងបំពាក់ម៉ូទរ័ថ្មីខាតធំចំនួន១១គ្រឿង តែនៅជំហ៊ានដំបូងនេះ ដាក់ឱ្យដំណើរការបូមសាកល្បង៦គ្រឿងសិន ប៉ុន្តែនៅពេលសាកល្បងម៉ូទរ័១គ្រឿងតែប៉ុណ្ណោះ ធ្វើឲ្យទឹកស្រកស្ទើរតែពាក់កណ្តាលប្រឡាយតែម្តង ចំណែកទឹក ដែលត្រូវតំកល់ក្នុងប្រឡាយត្រូវមានកំពស់៣ម៉ែត្រ៨០ តែបើកំពស់ទឹកឡើងដល់៦ម៉ែត្រ១៥នោះ គឺម៉ូទរ័បូមថ្មីនេះអាចដំណើរការបូមដោយស្វ័យប្រវត្តិតែម្តង ។
សូមបញ្ជាក់ថា ការស្ថាបនាស្ថានីយបូមទឹកបឹងត្របែកថ្មីនេះស្របគ្នាទៅនឹងផែនការ សកម្មភាព ស្តារ បុកស៊ីផាយ និងស្ថាបនាផ្លូវ អមប្រឡាយបឹងត្របែក ដែលមានប្រវែង៩៧៨ម៉ែត្រ ទទឹងចាប់ពី១២ ទៅ២៤ម៉ែត្រ តាមស្ថានភាពជាក់ស្តែង និងមានជំរៅ៣ម៉ែត្រផងដែរ ប៉ុន្តែអ្វីដែលសំខាន់នោះ គេមានក្តីបារម្មណ៏ថា បន្ទាប់ពីស្ថានីយ៏ដែលមានសមត្ថភាពបូមខ្ពស់ដាក់ឲ្យដំណើរការនោះ រកទឹកបូមគ្មាន ដោយសារស្ទះប្រពន្ធ័ទឹកពីខាងលើតែម្តង ។
ចែករំលែកព័តមាននេះ