តុលាការនឹងបើកសវនាការ សំណុំរឿងលោកហុងសុខហួរនៅថ្ងៃទី២៦តុលាខាងមុខ
រាជធានីភ្នំពេញ ៖ លោក សៀង សុខ ព្រះរាជអាជ្ញារងអមសាលាដំបូងរាជធានីភ្នំពេញបានចេញដីកាកោះលោក ជួង ជូងី មេធាវីការពារសិទ្ធិក្តីជនជាប់ចោទ
រាជធានីភ្នំពេញ ៖ លោក សៀង សុខ ព្រះរាជអាជ្ញារងអមសាលាដំបូងរាជធានីភ្នំពេញបានចេញដីកាកោះលោក ជួង ជូងី មេធាវីការពារសិទ្ធិក្តីជនជាប់ចោទ
រាជធានីភ្នំពេញ ៖ លោក សៀង សុខ ព្រះរាជអាជ្ញារងអមសាលាដំបូងរាជធានីភ្នំពេញបានចេញដីកាកោះលោក ជួង ជូងី មេធាវីការពារសិទ្ធិក្តីជនជាប់ចោទ លោក ហុង សុខហួរ ចូលរួមសវនាការនៅថ្ងៃទី២៦ ខែតុលា ឆ្នាំ២០១៦ វេលាម៉ោង៨ព្រឹកខាងមុខនេះ ដើម្បីការពារសិទ្ធិជនជាប់ចោទ។ ក្នុងដីការបស់លោកព្រះរាជអាជ្ញារងបានលើកឡើងថា ជនជាប់ចោទលោក ហុង សុខហួរត្រូវបានតុលាការចោទប្រកាន់ និងឃុំខ្លួនពីបទក្លែងឯកសារសាធារណៈ ប្រើប្រាស់ឯកសារសាធារណៈ ក្លែង និងញុះញង់បង្កឲ្យមានភាពវឹកវរធ្ងន់ធ្ងរដល់សន្តិសុខសង្គម។
លោក ហុង សុខហួរសមាជិកព្រឹទ្ធសភាមកពីគណបក្សសមរង្ស៊ីត្រូវបានសមត្ថកិច្ចឃាត់ខ្លួនកាលពីថ្ងៃទី១៥ ខែសីហាឆ្នាំ២០១៥ នៅភូមិគោកឃ្លៀង សង្កាត់ភ្នំពេញថ្មី ខណ្ឌសែនសុខ រាជធានីភ្នំពេញ។ ការឃាត់ខ្លួនត្រូវបានធ្វើឡើងមុនពេញដែលព្រឹទ្ធសភាដកអភ័យឯកសិទ្ធិរបស់លោកក្រោមបទចោទថាបានបង្ហោះឯកសារក្លែងក្លាយពីបញ្ហាព្រំដែនកម្ពុជាវៀតណាមលើទំព័របណ្តាញសង្គមហ្វេសប៊ុកមានគណនីឈ្មោះឯកឧត្តមសមរង្ស៊ី។
ក្នុងសំណុំរឿងនេះផងដែរលោកសមរង្ស៊ី និងសហការីផ្នែករៀបចំបណ្តាញសង្គមហ្វេសប៊ុក២នាក់ផ្សេងទៀតក៏ត្រូវបានតុលាការចោទប្រកាន់ពីបទសមគំនិតពីបទក្លែងឯកសារសាធារណៈ ប្រើប្រាស់ឯកសារសាធារណៈ ក្លែង និងញុះញង់បង្កឲ្យមានភាពវឹកវរធ្ងន់ធ្ងរដល់សន្តិសុខសង្គម។ ពេលនេះអ្នកទាំង៣នាក់កំពុងគេចខ្លួនទៅក្រៅប្រទេស។ យោងតាមមេធាវីបានលើកឡើងថា បទប្រកាន់នេះប្រសិនជាតុលាការរកឃើញកំហុសតាមការចោទប្រកាន់ក្លែងឯកសារសាធារណៈ ប្រើប្រាស់ឯកសារសាធារណៈក្លែង និងញុះញង់បង្កឲ្យមានភាពវឹកវរធ្ងន់ធ្ងរដល់សន្តិសុខសង្គមមែន ជនជាប់ចោទអាចប្រឈមពីជាប់ពន្ធនាគារពី៥ដល់១០ឆ្នាំ។
អំឡុងពេលជាប់ឃុំឃាំងមេធាវីជនជាប់ចោទបានព្យាយាមប្តឹងសុំបដិសេធនីតិវិធីឃុំខ្លួន និងសុំនៅក្រៅឃុំឃាំងចាប់ពីតុលាការថ្នាក់ក្រោមដល់តុលាការកំពូល។ តែត្រូវចៅក្រមសម្រេចបដិសេធរហូត និងបន្តឃុំខ្លួននៅពន្ធនាគារព្រៃសរង់ចាំការបើសវនាការលើអង្គសេចក្តីទាំងមូល៕
ចែករំលែកព័តមាននេះ