ទឹកហូរច្រោះបាក់ច្រាំងទន្លេស្ទឹងព្រែកត្នោត អស់ប្រវែងជាង២០០ម៉ែត្រ
- កណ្តាល
ទឹកហូរច្រោះធើ្វអោយបាក់ស្រុតច្រាំងមាត់ស្ទឹងព្រែកត្នោត ចាប់ពីស្ពានថ្មតាខ្មៅ រហូតដល់វិហារលោកតា សា ថៃជឺ ដែលមានប្រវែងជាង២០០ម៉ែត្រ ស្ថិតនៅក្នុង
ខេត្តកណ្តាល ៖ ទឹកហូរច្រោះធើ្វអោយបាក់ស្រុតច្រាំងមាត់ស្ទឹងព្រែកត្នោត ចាប់ពីស្ពានថ្មតាខ្មៅ រហូតដល់វិហារលោកតា សា ថៃជឺ ដែលមានប្រវែងជាង២០០ម៉ែត្រ ស្ថិតនៅក្នុងសង្កាត់តាខ្មៅ ស្ថិតក្នុងក្រុងតាខ្មៅ ខេត្តកណ្តាល នៅថ្ងៃទី០៩ ខែឧសភា ឆ្នាំ២០២២ ហើយអាជ្ញាធរខេត្តកណ្តាល ក៏បានសហការជាមួយមន្ត្រីជំនាញសាលាក្រុងតាខ្មៅ ចុះត្រួតពិនិត្យមើល និងពិភាក្សាផងដែរ។
ក្រោយហេតុការណ៍ខាងលើនេះ មជ្ឍដ្ឋានជាច្រើនបាននិយាយឱ្យដឹងថា បញ្ហានេះ មិនមែនកើតឡើងម្តងនោះទេ គឺច្រើនដងមកហើយ ហើយអាជ្ញាធរចេះតែដាក់បន្ទុកទៅលើទឹកហូរច្រោះ ។ បើខែវស្សា ឬមេឃភ្លៀវខ្លាំង ទឹកជំនន់ ពេលនេះជាខែប្រាំង ហេតុអ្វីទឹកហូរច្រោះបាក់នោះ? បើទឹកនោះ គឺហូររហូតតែប៉ុណ្ណឹងហើយ ។
ពួកគាត់បន្ថែមទៀតថា ការបាក់នេះ សង្ស័យដោយសារសាឡង់បូមខ្សាច់តែម្តង រាល់ថ្ងៃបូមច្រើនសាឡង់ណាស់ មានសាឡង់បូមផង សាឡង់ដឹកយកមកផង យូៗទៅវាខូតខាតក្នុងបានធ្វើអោយបាក់បែបនេះ បើនៅបន្តអោយបូមទៀតនោះ ច្រាំងមាត់ស្ទឹងព្រែកត្នោតបន្តបាក់រហូត។
ដោយឡែកបងប្រុសម្នាក់សុំមិនបញ្ចេញឈ្មោះ បានប្រាប់អោយដឹងថា ឈប់ចំណាយលុយធ្វើជាប់រហូតទៅ គួររកអ្នកជំនាញវិស្វករសិក្សាអោយច្បាស់ពីកម្លាំងទឹកហូរ និងការហូរស្រុតរបស់ដី ការចាក់ដុំថ្មជួយទប់ជាដើម សិក្សាអោយច្បាស់លាស់ បើធ្វើតាមតែជាងស្រមៃ 2-3ឆ្នាំធ្វើម្តងៗ។ ទឹកស្រកមានទំនាញ ទឹកឡើងមានដំណោល សង្ស័យបច្ចេកទេសអន់។
ជុំវិញបញ្ហាខាងលើនេះដែរ ក៏បានទំនាក់ទំនងទៅលោក នូ សុវណ្ណរ៉ា អភិបាលក្រុងតាខ្មៅ ជាច្រើនដង តែមិនលើកទូរស័ព្ធ ។ រីឯលោក អ៊ុក វណ្ណា ប្រធានមន្ទីរធន់ធានទឹកខេត្តកណ្តាល ទូរស័ព្ធមិនអាចទំនាក់ទំនងបានដែរ។
ចែករំលែកព័តមាននេះ