ថ្លើមពាសមេឃ ! ភ្ជង់ប្លន់ឡានសមាជិកក្រុមប្រឹក្សាខេត្ត
ខេត្តពោធិ៍សាត់ ៖ សមាជិកក្រុមប្រឹក្សាខេត្តពោធិ៍សាត់ម្នាក់ត្រូវចោភ្ជង់ប្លន់យករថយន្ត១គ្រឿងយកទៅបាត់កាលពីវេលាម៉ោង៦ និង៥៧នាទីល្ងាច ថ្ងៃទី១៩ ខែតុលា ឆ្នាំ២០១៦ …
ខេត្តពោធិ៍សាត់ ៖ សមាជិកក្រុមប្រឹក្សាខេត្តពោធិ៍សាត់ម្នាក់ត្រូវចោភ្ជង់ប្លន់យករថយន្ត១គ្រឿងយកទៅបាត់កាលពីវេលាម៉ោង៦ និង៥៧នាទីល្ងាច ថ្ងៃទី១៩ ខែតុលា ឆ្នាំ២០១៦ នៅម្តុំជិតផ្សារថ្មី ស្ថិតក្នុងភូមិពាលញែក១ សង្កាត់ផ្ទះព្រៃ ក្រុងពោធិ៍សាត់ ។
ប្រភពព័ត៌មានបានឲ្យដឹងថា រថយន្តដែលត្រូវចោរភ្ជង់ប្លន់នោះម៉ាកហាយលែនឌឺរ ស៊េរីឆ្នាំ២០០៤ ពណ៌ទឹកមាស ពាក់ស្លាកលេខ 2V-5355 លេខម៉ាស៊ីន 2A21348291 លេខតួ JTEGD21A940087114 ជាកម្មសិទ្ធិរបស់ឈ្មោះ ឈឹម ផាវ៉េត ភេទប្រុស អាយុ៦៣ឆ្នាំ មានតួនាទីជាសមាជិកក្រុមប្រឹក្សាខេត្តពោធិ៍សាត់ បច្ចុប្បន្នរស់នៅភូមិពាលញែក១ សង្កាត់ផ្ទះព្រៃ ក្រុងពោធិ៍សាត់ ខេត្តពោធិ៍សាត់ ។
ប្រភពព័ត៌មានបានឲ្យដឹងទៀតថា ជនសង្ស័យមានតែម្នាក់គត់បានប្រើកាំភ្លើងភ្ជង់ទៅជនរងគ្រោះប្លន់យកឡានរួចជិះគេចខ្លួនបាត់ ។
ប្រភពព័ត៌មានបានបញ្ជាក់ថា នៅពេលនេះរថយន្តត្រូវបានគេប្រទះឃើញនៅក្នុងវត្តពាលញែក បន្ទាប់ពីចោរបើកយកទៅប្លុងចោលនៅទៅនោះ ហើយនៅពេលនេះសមត្ថកិច្ចកំពុងដុតដៃដុតជើងកំណត់មុខសញ្ញាជនសង្ស័យហើយ ៕
ចែករំលែកព័តមាននេះ