ខេត្តកណ្តាល ៖ បើតាមសេចក្តីរាយការណ៍បានឱ្យដឹងថា មានករណីហិ.ង្សាមួយបានកើតឡើងបង្កអោយមានការភ្ញាក់ផ្អើល ខណៈពេលអ្នកមើលការខុសត្រូវ ម្ចាស់សង្វៀនជល់មាន់ស្រុកកោះធំ បានវា.យគ្នាជាមួយម្ចាស់សង្វៀនជល់មាន់ស្រុកស្អាង នៅក្នុងកាស៊ីណូកាឡាក់ស៊ី បណ្តាលអោយអ្នករងរបួសទាំង២នាក់ ។ រីឯជនសង្ស័យ (អ្នកឈ្នះ) ត្រូវបានសមត្ថកិច្ចស្រុកកោះធំ ធ្វើការឃាត់ខ្លួន ។ ហេតុការណ៍នេះ បានកើតឡើងនៅថ្ងៃទី០៥ ខែឧសភា ឆ្នាំ២០២២ វេលាម៉ោង១៧និង៤០នាទីល្ងាច នៅចំណុចកាស៊ីណូ កាឡាក់ស៊ី ស្ថិតក្នុងភូមិជ្រៃធំ ឃុំសំពៅពូន ស្រុកកោះធំ ខេត្តកណ្ដាល។
សេចក្តីរាយការណ៍បន្តថា ជនរងគ្រោះទី១- ឈ្មោះ ស្រៀ ហុង ភេទប្រុស អាយុ៣៧ឆ្នាំ ជនជាតិខ្មែរ រស់នៅភូមិព្រែករុន ឃុំព្រែកគយ ស្រុកស្អាង ខេត្តកណ្ដាល មុខរបរបុគ្គលិកកាស៊ីណូ ទី២- ឈ្មោះ ម៉ុន វណ្ណា ភេទប្រុស អាយុ៥៩ឆ្នាំ ជនជាតិខ្មែរ រស់នៅភូមិលេខ១ សង្កាត់ស្វាយរលំ ក្រុងតាខ្មៅ ខេត្តកណ្ដាល មុខរបរមន្ដ្រីចូលនិវត្តន៍ ។ ចំណែកជនសង្ស័យមានឈ្មោះ ង្វៀង ប៊ិន ភេទប្រុស អាយុ៥២ឆ្នាំ ជនជាតិវៀតណាម រស់នៅភូមិ-ឃុំកើតហេតុ មុខរបរបុគ្គលិកកាស៊ីណូ ។
បើតាមសមត្ថកិច្ចបានប្រាប់អោយដឹងថា មុនពេលកើតហេតុ ជនសង្ស័យ និងជនរងគ្រោះ(ស្រៀ ហុង) បានជជែកគ្នាអំពីប្រាក់ដែលជនរងគ្រោះបានឲ្យគេខ្ចីប្រាក់ចំនួន ១,០០០,០០០រៀល ។ លុះពេលពួកគេជជែកគ្នាយ៉ាងខ្លាំង រហូតឈានដល់ការប្រើហិ.ង្សាដាក់គ្នា ដោយជនសង្ស័យ និងបក្សពួកប្រហែល៧ទៅ៨នាក់ បាននាំគ្នាទៅវា.យលើជនរងគ្រោះទាំង២នាក់។
ប្រភពដដែលបន្តថា ពេលនោះបក្សពួកខាងលើក៏បានវា.យទៅលើឈ្មោះ ម៉ុន វណ្ណា ជាច្រើនដៃថែមទៀតផង ចំណែកឯឈ្មោះ ស្រៀ ហុង ក៏បានគេចខ្លួនរួច។ ភ្លាមៗនោះ ឈ្មោះ ង្វៀង ប៊ិន ក៏បានគប់ទូរស័ព្ទដៃ ម៉ាក Oppo មិនចាំស៊េរី ពណ៌ស-ខ្មៅ ទៅលើឈ្មោះ ស្រៀ ហុង ត្រូវចំស្មាខាងស្ដាំ និងបានប្រើពាក្យសំដីគំរា.មកំហែងថា «អញមេនៅជ្រៃធំ អ្ហែង(ស្រៀ ហុង) មេនៅស្រុកស្អាង កុំចង់ខ្លាំងជាមួយអញ អញចង់សម្លា.ប់អ្ហែងពេលណាក៏បានដែរ» ព្រមទាំងជេរប្រមាថជាច្រើនទៀត។
ក្រោយពេលកើតហេតុខាងលើ ជនរងគ្រោះក៏បានមកដាក់ពាក្យបណ្ដឹងនៅអធិការដ្ឋាននគរបាលស្រុកកោះធំ តែម្ដង បន្ទាប់ពីបានទទួលបានពាក្យបណ្ដឹងភ្លាម កម្លាំងជំនាញស្រុកកោះធំ សហការជាមួយកម្លាំងនគរបាលប៉ុស្ដិ៍សំពៅពូន បានចុះអន្តរាគមន៍ធ្វើការឃាត់ខ្លួនជនសង្ស័យបញ្ជូនមកកាន់អធិការដ្ឋាននគរបាលស្រុកកោះធំ ដើម្បីចាត់ការតាមនីតិវិធីច្បាប់។
ចែករំលែកព័តមាននេះ