តារាចម្រៀងនាង ពេជ្រ សោភា បានធ្វើការឆ្លើយតបទៅកាន់មនុស្សម្នាក់ដែលបានយករូបថតរៀបការចាស់ៗរបស់នាងមកបង្ហោះឡើងវិញ ហើយចែកចាយពេញបណ្តាញសង្គមកាលពីពេលថ្មីៗនេះ។ ពេជ្រ សោភា បានចាត់ទុកការយករូបថតខាងលើរបស់ នាងមកបង្ហោះឡើងវិញ នាពេលនេះគឺ
រាជធានីភ្នំពេញ ៖ តារាចម្រៀងនាង ពេជ្រ សោភា បានធ្វើការឆ្លើយតបទៅកាន់មនុស្សម្នាក់ដែលបានយករូបថតរៀបការចាស់ៗរបស់នាងមកបង្ហោះឡើងវិញ ហើយចែកចាយពេញបណ្តាញសង្គមកាលពីពេលថ្មីៗនេះ។ ពេជ្រ សោភា បានចាត់ទុកការយករូបថតខាងលើរបស់ នាងមកបង្ហោះឡើងវិញ នាពេលនេះគឺក្នុងគោលបំណងទាមទារការចាប់អារម្មណ៍តែប៉ុណ្ណោះ ខណៈពេលដែលនាងហាក់មិនខ្វល់ការគិតអវិជ្ជមានណាមួយនោះឡើយ។ ពិសេសនាងបែរជាបោះពាក្យសម្តីថា អ្នកយករូបភាពនិងវីដេអូចាស់ៗរបស់នាងបង្ហោះនោះ មានអង្ករច្រកឆ្នាំងឬនៅ ឬមានលុយសល់អត់ បើអត់ទៅរកលុយសិនទៅ ។
តាមរយៈវីដេអូខ្លីដែលបានបង្ហោះតាមហ្វេសប៊ុក ពេជ្រ សោភា បានលើកឡើងថា «អ្នកណានេះ អីក៏សាហា.វយ.ង់ឃ្ន.ងម្ល៉េះ យករូបថតអាពាហ៍ពិពាហ៍របស់ខ្ញុំបង្ហោះ បង្ហោះដើម្បីអ្វីទៅ ដើម្បីការចាប់អារម្មណ៍មែនទេ»។
នាងបញ្ជាក់ថា «ចង់ផុស ផុសទៀតទៅចឹង យ៉ាងណាខ្ញុំក៏ធ្លាប់ក្រាបក្បាលដល់កន្ទេល ទទួលផ្លាស្លាពីមេបាចាស់ទុំត្រឹមត្រូវ ហើយរាល់ថ្ងៃនឹងគឺមេម៉ាយមានខាន់ស្លា មិនខ្វល់ពីរឿងគេទេ ខ្លាចអត់អង្ករច្រកឆ្នាំង ។ រួចអ្នកផុសវីដេអូគេហ្នឹងមានអង្ករញុាំទេ មានលុយសល់ឬនៅ ? បើនៅទេ ឈប់សិទៅ រកលុយ លឺទេ ។ ហឹម មិនខឹងទេ ខ្លាចណាស់ណាស់ អាយុ៣៩ទៅហើយនេះ»។
ជាការកត់សម្គាល់ តារាចម្រៀងក្នុងផលិតកម្មហង្សមាសនាង ពេជ្រ សោភា បានរៀបការជាមួយអាណិកជនខ្មែរមកពីអាមេរិក គឺលោក ឡៅ ឆលី កាលពីថ្ងៃទី៥ ខែកុម្ភៈ ឆ្នាំ២០១៥ និងបានចែកផ្លូវគ្នានៅឆ្នាំ២០១៦ ។ អំឡុងពេលធ្លាក់ខ្លួនមេម៉ាយជាង៥ឆ្នាំមកនេះ សោភា ថា ជីវិតរបស់នាងពោរពេញទៅដោយសេរីភាព ព្រោះគ្មានអ្នកហួងហែង។ សោភា ថា លើលោកនេះគ្មានភរិយាឯណា ចង់បានប្ដីដូចបទចម្រៀង «ទុក្ខស្រី ប្ដីកាន់លុយ» នោះឡើយ ហេតុនេះ បើគ្រាន់តែចង់បានបុរសម្នាក់ដែលឲ្យកូនហៅថា ប៉ា ទាំងប៉ាមិនដែលនឹកនាដល់ប្រពន្ធកូននោះ តើយកប្ដីមកមានន័យអី?។
យ៉ាងណា ក្រោយពីបានភ្ជាប់ទំនាក់ទំនងស្នេហ៍ក្រៅឆាកជាមួយតារាសម្តែងរូបសង្ហាលោក ឆឹម សក្កដា មួយរយៈមក ស្នេហារបស់អ្នកទាំងក៏មិនបានសមប្រកបដូចគ្នា ហើយអ្នកទាំងពីរក៏បានសម្រេចកាត់ផ្តាច់ចំណងទាក់ទងគ្នានេះវិញ។
ដោយឡែកពាក់ព័ន្ធបញ្ហាគូជីវិតនេះ កាលពីពេលថ្មីនេះ ពេជ្រ សោភា បានបង្ហោះសារចាក់ដោតខ្លីមួយនៅលើគណនេយ្យហ្វេសប៊ុករបស់ខ្លួនថា «មើលគ្រប់ជ្រុងហើយ ឃើញថា ស្អាតមែន ហាមណាកុំសួរថា ការយកប្តី ព្រោះរាល់ថ្ងៃនេះ បេះដូងដូចជាមានគេចង់ដាក់អន្ទាក់ហើយ ខ្លាចជាប់អន្ទាក់ទៅឈឺចាប់ រាល់ថ្ងៃបេះដូងមានសេរីភាពណាស់ សប្បាយៗ»៕
ចែករំលែកព័តមាននេះ