ប្អូនថ្លៃសម្លា.ប់បងថ្លៃស្រីចោលសាកសពទាំងអាក្រាត
ខេត្តមណ្ឌលគិរី ៖ នៅទីបំផុត ឃាតករដែលសម្លា.ប់ស្ត្រីម្នាក់ចោលសាកសពទាំងអាក្រាតកាយនៅកណ្ដាលចម្ការស្ថិតក្នុងភូមិអូរអាម ឃុំស្រែខ្ទុម ស្រុកកែវសីមា ត្រូវបាន …
ខេត្តមណ្ឌលគិរី ៖ នៅទីបំផុត ឃាតករដែលសម្លា.ប់ស្ត្រីម្នាក់ចោលសាកសពទាំងអាក្រាតកាយនៅកណ្ដាលចម្ការស្ថិតក្នុងភូមិអូរអាម ឃុំស្រែខ្ទុម ស្រុកកែវសីមា ត្រូវបាន …
ខេត្តមណ្ឌលគិរី ៖ នៅទីបំផុត ឃាតករដែលសម្លាប់ស្ត្រីម្នាក់ចោលសាកសពទាំងអាក្រាតកាយនៅកណ្ដាលចម្ការស្ថិតក្នុងភូមិអូរអាម ឃុំស្រែខ្ទុម ស្រុកកែវសីមា ត្រូវបានសមត្ថកិច្ចចាប់ខ្លួនបានហើយកាលពីល្ងាចថ្ងៃទី៣ ខែតុលា ឆ្នាំ២០១៦ នៅចំណុចអូរជុំ ភូមិអូរអាម ឃុំស្រែខ្ទុម ស្រុកកែវសីមា ។
សូមរម្លឹកថា ព្រៃផ្សៃម្ល៉េះ ! រំលោភរួចសម្លាប់ទាំងអាក្រាត
ប្រភពពីសមត្ថកិច្ចបានឲ្យដឹងថា ជនសង្ស័យដែលត្រូវចាប់ខ្លួនឈ្មោះ ទី តី ភេទប្រុស អាយុ១៩ឆ្នាំ ជនជាតិខ្មែរ មុខរបរកសិករ មានទីលំនៅភូមិអូរអាម ឃុំស្រែខ្ទម ស្រុកកែវសីមា ត្រូវជាប្អូនថ្លៃរបស់ស្ត្រីរងគ្រោះ ។
ក្រោយឃាត់ខ្លួន ជនសង្ស័យបានសារភាពប្រាប់សមត្ថកិច្ចថា គេពិតជាបានវាយសម្លាប់ជនរងគ្រោះឈ្មោះ ក្រែត ស្រីមុំ មែន តែមិនបានរំលោភទេ ចំណែកខោអាវដែលស្ត្រីរងគ្រោះស្រាត និងសើយឡើងលើនោះគឺពេលប្រតាយប្រតប់គ្នាអូសទៅរបូត ។
សមត្ថកិច្ចបានបង្ហើបថា ជនសង្ស័យនៅមានការលាក់លៀមច្រើនទៀត ចម្លើយនេះមិនទាន់យកជាការបានទេ ព្រោះខុសពីអ្វីដែលកើតឡើង និងមិនស៊ីសង្វាក់ចំពោះវត្ថុតាងដែលបន្សល់លើសាកសព តែសិទ្ធិឆ្លើយមិនឆ្លើយជារឿងបុគ្គល មិនអាចបង្ខិតបង្ខំយកចម្លើយ។ ទោះជាយ៉ាងណាជនសង្ស័យ ត្រូវបានសមត្ថកិច្ចកសាងសំណុំរឿង បញ្ជូនទៅកាន់សាលាដំបូងខេត្ត ក្រោមការចោទប្រកាន់ពីបទឃាតកម្មរួចហើយដែរ ដែលបទល្មើសយោងលើមាត្រា២០០ នៃក្រមព្រហ្មទណ្ឌ តម្រូវផ្តន្ទាទោសលើជនជនជាប់ចោទដាក់គុកអស់១ជីវិត ។
សូមបញ្ជាក់ថា ស្ត្រីម្នាក់ត្រូវបានគេប្រទះឃើញស្លាប់ទាំងអាក្រាយកាយកាលពីរសៀលថ្ងៃទី២ ខែតុលា ឆ្នាំ២០១៦ នៅកណ្ដាលចម្ការស្ថិតក្នុងភូមិអូរអាម ឃុំស្រែខ្ទុម ស្រុកកែវសីមា ។ សមត្ថកិច្ចបានបញ្ជាក់ពេលពិនិត្យសាកសពថា បានឃើញសាកសពស្រាតខោដល់ក្រោមជង្គង់សើយអាវឡើងលើ និងមានសភាពហើមឡើងស្អុយ ហើយបានធ្វើការសន្និដ្ឋានបឋមថា ជាករណីរំលោភសម្លាប់ ៕
ចែករំលែកព័តមាននេះ