ខេត្តបន្ទាយមានជ័យ ៖ សិស្សដែលប្រឡងជាប់សញ្ញាបត្រមធ្យមសិក្សាទុតិយភូមិនិទ្ទេស(A)ចំនួន១៦នាក់ ឆ្នាំសិក្សា២០១៥-២០១៦ គឺត្រូវទទួលបានម៉ូតូម្នាក់១គ្រឿង និងថវិកា១០០ដុល្លា ដែលការប្រគល់នេះ រៀបចំឡើងកាលពីរសៀលថ្ងៃទី២៩ កញ្ញា ២០១៦ នៅសាលប្រជុំសាលាខេត្តបន្ទាយមានជ័យ ។
លោក សួន បវរ អភិបាលខេត្តបន្ទាយមានជ័យ មានប្រសាសន៍ថា នៅខេត្តបន្ទាយមានជ័យ ឆ្នាំសិក្សា២០១៥-២០១៦ សិស្សប្រឡងសញ្ញាបត្រមធ្យមសិក្សាទុតិយភូមិ មានមណ្ឌលប្រឡងចំនួន៥ស្មើ ១១៩បន្ទប់ ហើយបេក្ខជនបានចុះឈ្មោះប្រឡងចំនួន២,៩៤៤នាក់ ស្រី១,៥២៣នាក់ និងបេក្ខជនប្រឡងផ្នែកចំណេះទូរទៅចំនួន២,៦២៨នាក់ស្រីចំនួន១,៤០៩នាក់ បេក្ខជនផ្នែកបំពេញវិជ្ជាចំនួន១១៧នាក់ស្រីចំនួន៣៣នាក់បេក្ខជនផ្នែកស្វ័យរិនមានចំនួន១៩៩នាក់ស្រីចំនយន៨១នាក់ បេក្ខជនប្រឡងជាប់មានចំនួន១,៦៩៨នាក់ស្រី៩៥៥នាក់មាននិទ្ទេសAចំនួន១៦នាក់ស្រី៧នាក់។
លោក ស សុខា តំណាងរាស្គ្រមណ្ឌលខេត្តព្រៃវែង និងជាអនុប្រធានសហភាពសហពន្ធយុវជនកម្ពុជា និងជាប្រធានសហភាពសហពន្ធយុវជនកម្ពុជាខេត្តព្រៃវែង ក៏បានមានប្រសាសន៍ដែរថា ខេត្តបន្ទាយមានជ័យឆ្នាំសិក្សា២០១៥.២០១៦សិស្សដែលប្រឡងជាប់សញ្ញាប័ត្រមធ្យមសិក្សាទុតិយភូមិនិទ្ទេស(A)ចំនួន១៦នាក់ ដែលជាការយកទុកចិត្តទុកដាក់ខ្ពស់ ពីប្រមុខរាជរដ្ឋាភិបាលកម្ពុជា ដែលមានសម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា ក្នុងការកំណែទម្រង់ស៊ីជម្រៅលើវិស័យអប់រំបានរំលេចពាក្យថា៖ ការពង្រឹងគុណភាពអប់រំដូចពាក្យស្លោកថាអ្នកចេះគឺជាប់ ។
លោកបានបញ្ជាក់ថា ជាការយកចិត្តទុកដាក់លើវិស័យអប់រំ សម្តេចក្រឡា ស ខេង រដ្ឋមន្ត្រីក្រសួងមហាផ្ទៃ និងលោកឧបនាយករដ្ឋមន្ត្រី កែ គឹមយ៉ាន ប្រធានអាជ្ញាធរជាតិប្រយុទ្ធប្រឆាំងគ្រឿងញៀនលោកជំទាវឧញ៉ា ម៉ៅ ម៉ាល័យ កែ គឹមយ៉ាន បានប្រគល់រង្វាន់ម៉ូតូជូនសិស្ស ដែលប្រឡងជាប់សញ្ញាប័ត្រមធ្យមសិក្សាទុតិយភូមិនិទ្ទេស(A)ចំនួន១៦នាក់ ឆ្នាំសិក្សា២០១៥.២០១៦ ទទួលបានម៉ូតូម្នាក់១គ្រឿងនិងថវិការ១០០ដុល្លា ។
ចែករំលែកព័តមាននេះ