រាជធានីភ្នំពេញ ៖ KFC ដែលត្រូវបានគេស្គាល់ជាទូទៅថា ជាភោជនីយដ្ឋានបែប Fast Food ដ៏ល្បីបានចាប់កំណើតតាំងពីទស្សវត្សឆ្នាំ១៩៣០ ឥឡូវនេះ KFC បានបង្កើតយុទ្ធនាការ KFC Always Original ដើម្បីផ្សព្វផ្សាយអំពីអត្តសញ្ញាណនៃរសជាតិដើមផលិតផលរបស់ខ្លួន ហើយបានផ្សាភ្ជាប់ទៅនឹងវប្បធម៌ខ្មែរ ដូចជាការគោរពសំពះ មុខម្ហូបខ្មែរ ទេពអប្សរា លោកតា ស៊ីន ស៊ីសាមុត ម្ចាស់សំនៀងដើម ក្បាច់គុនល្បុក្តោ លោកតា គង់ ណៃ ចាប៉ីដងវែប ជាដើម ដើម្បីឆ្លុះបញ្ចាំងពីមរតកដើម ។
យុទ្ធនាការនេះចាប់ផ្ដើមពីថ្ងៃទី១៨ ខែកញ្ញា ដល់ថ្ងៃទី២៣ ខែតុលា ឆ្នាំ២០១៦ ដោយធ្វើការលើកទឹកចិត្តឱ្យមានការចូលរួមពីសំណាក់អតិថិជន ក៏ដូចជាប្រជាពលរដ្ឋកម្ពុជា ក្នុងការផ្សព្វផ្សាយស្នាដៃ ទំនៀមទម្លាប់ ប្រពៃណីដែលជាមរតកដើម ឬស្នាដៃត្រូវបង្កើតឡើងដោយខ្លួនឯង ដើម្បីលើកទឹកចិត្តអោយមានការច្នៃប្រឌិត និងបង្កើនឡើងថ្មីៗ ក៏ដូចជាការចេះផ្ដល់តម្លៃ និងរក្សាអ្វីៗដែលជាមរតកដើមផងដែរ ។
ជាការលើកទឹកចិត្តដល់អ្នកចូលរួមក្នុងកម្មវិធីមានផ្ដល់រង្វាន់ជាច្រើន ដោយក្នុងនោះមានរង្វាន់ធំ គឺ iPhone 7 និង iPhone 6 Plus ។ អតិថិជនអាចចូលរួមបានយ៉ាងងាយ ដោយគ្រាន់តែបង្កើតវីដេអូដែលបង្ហាញពីវប្បធម៌ ប្រពៃណី ទំនៀមទម្លាប់ ទេព្យកោសល្យ ឬស្នាដៃផ្សេងៗដែលខ្លួនបង្កើតដោយផ្ទាល់ រួចហើយផ្ញើមកកាន់យុទ្ធនាការ KFC Always Original តាមរយៈប្រអប់សារក្នុងហ្វេសប៊ុក របស់ KFC Cambodia ។
សម្រាប់វីដេអូដែលបំពេញលក្ខខណ្ឌបានត្រឹមត្រូវ និងទទួលបាន Like និង View ច្រើនជាងគេចំនួន៥ នឹងត្រូវប្រកាសនៅលើទំព័រ Facebook របស់ KFC ។ អ្នកឈ្នះ iPhone 7 ចំនួន១រង្វាន់ និង iPhone 6s Plus ចំនួន៤រង្វាន់ នឹងប្រកាសនៅថ្ងៃទី២៣ តុលា ដែលជាថ្ងៃផ្ដាច់ព្រ័ត្រក្នុងយុទ្ធនាការ ។
គួរបញ្ជាក់ថា KFC ពាក្យពេញ (Kentucky Fried Chicken) ត្រូវបានបង្កើតឡើងដោយលោក Colonel Harland Sanders ដែលមានរូបមន្តសម្ងាត់នៃគ្រឿងទេសទាំង១១មុខ រួមផ្សំនឹងវិធីសាស្ត្រនៃការចម្អិន ហើយសព្វថ្ងៃ KFC មានអតិថិជនច្រើនជាង១២លាននាក់នៅទូទាំងពិភពលោកជាមួយទីតាំង១០៩កន្លែង ៕
ចែករំលែកព័តមាននេះ