ព្រៃ.ផ្សៃណាស់ ! ព្រោះតែមិនព្រម វ៉ៃលោកយាយចំណាស់ឡើងដំណំ
ខេត្តកណ្តាល ៖ សេចក្តីរាយការណ៍បឋមឱ្យដឹងថា ករណីព្រៃ.ផ្សៃមួយបានកើតឡើង ដោយលោកយាយអាយុ៨៦ឆ្នាំម្នាក់ត្រូវជនអគតិបានវ៉ៃឡើងរបួសយ៉ាងដំណំ …
ខេត្តកណ្តាល ៖ សេចក្តីរាយការណ៍បឋមឱ្យដឹងថា ករណីព្រៃផ្សៃមួយបានកើតឡើង ដោយលោកយាយអាយុ៨៦ឆ្នាំម្នាក់ត្រូវជនអគតិបានវ៉ៃឡើងរបួសយ៉ាងដំណំ ព្រោះតែប៉ុនប៉ងចាប់រំលោភមិនបានសម្រេច ដែលហេតុការណ៍នេះ កើតឡើងកាលពីវេលាម៉ោង១១យប់ថ្ងៃទី១៥ ខែកញ្ញា ឆ្នាំ២០១៦ ។
ប្រភពឱ្យដឹងថា លោកយាយរងគ្រោះ អាយុ៨៦ឆ្នាំ (របួសពេញខ្លួន) រីឯជនសង្ស័យឈ្មោះ ប៊ុង ធឿន អាយុ៣៨ឆ្នាំ មុខរបរមិនពិតប្រាកដ ត្រូវបានពលរដ្ឋឃាត់ខ្លួនភ្លាមៗប្រគល់ឲ្យសមត្ថកិច្ច ។
ប្រភពបន្តថា កាលពីល្ងាចថ្ងៃកើតហេតុ ជនសង្ស័យឈ្មោះ ប៊ុង ធឿន ដើរចូលភូមិល្វាទោង ដោយសភាពស្រវឹងជោកជាំ ហើយពេលឃើញក្មេងស្រីៗក៏ដេញចាប់ តែត្រូវអ្នកភូមិដេញវាយ ពេលនោះជនសង្ស័យក៏រត់បាត់ទៅ ។ លុះដល់ម៉ោង១១យប់ (ម៉ោងកើតហេតុ) ជនសង្ស័យរូបនេះបានចូលទៅក្នុងផ្ទះលោកយាយ ក៏ចាប់ស្រាតសារុងសុំរួមរ័ក ហើយត្រូវលោកយាយរើបំរះស្រែកឱ្យអ្នកភូមិនៅក្បែរនោះជួយ ។ ពេលនោះ ជនសង្ស័យក៏វាយលោកយាយបណ្ដាលឱ្យរងរបួសជាច្រើនកន្លែង ។
ប្រភពបន្តទៀតថា ដោយឮសំឡេងស្រែកឱ្យជួយ ប្រជាពលរដ្ឋក៏នាំគ្នាទៅមើល ស្រាប់តែឃើញជនសង្ស័យកំពុងវាយលោកយាយ ឃើញដូច្នេះពួកគាត់ក៏ចូលទៅចាប់ជនសង្ស័យចងទុក រួចរាយការណ៍មកសមត្ថកិច្ចប៉ុស្ដិ៍តែម្តង ៕
ចែករំលែកព័តមាននេះ