រាជធានីភ្នំពេញ ៖ មជ្ឈមណ្ឌលអប់រំ និងថែទាំកុមារអន្តរជាតិដ៏ទំនើបដំបូងគេ ត្រូវបានសម្ពោធទទួលសិស្សចូលរៀនចាប់ពីពេលនេះតទៅ នៅក្នុងសង្កាត់បឹងកេងកងទី១ ដោយផ្តល់ជូនការបញ្ចុះតម្លៃ២៥%
រាជធានីភ្នំពេញ ៖ មជ្ឈមណ្ឌលអប់រំ និងថែទាំកុមារអន្តរជាតិដ៏ទំនើបដំបូងគេ ត្រូវបានសម្ពោធទទួលសិស្សចូលរៀនចាប់ពីពេលនេះតទៅ នៅក្នុងសង្កាត់បឹងកេងកងទី១ ដោយផ្តល់ជូនការបញ្ចុះតម្លៃ២៥% លើតម្លៃសិក្សាសម្រាប់ការចុះឈ្មោះក្នុងខែកញ្ញានេះ ។
អ្នកស្រី Ali Copple នាយិកាមជ្ឈមណ្ឌលថែទាំ និងអប់រំកុមារអន្តរជាតិ Forest Hill Montessori បានមានប្រសាសន៍ថា មជ្ឈមណ្ឌលនេះ ជាមជ្ឈមណ្ឌលអន្តរជាតិដំបូងគេ ដែលទទួលកុមារចាប់ពីអាយុ៣ខែឡើង។ មជ្ឈមណ្ឌលនេះត្រូវបានរៀបចំឡើងតាមបទដ្ឋានប្រតិបត្តិការរបស់ប្រទេសសិង្ហបុរី និងប្រើប្រាស់វិធីសាស្ត្រអប់រំ Montessori និងកម្មវិធីអប់រំល្អៗជាច្រើនទៀត ។ មជ្ឈមណ្ឌលទាំងមូលត្រូវបានរៀបចំឡើងដោយភាពទាក់ទាញ និងបង្កប់នូវការអប់រំគ្រប់ទីកន្លែង ព្រមទាំងមានសម្ភារសម្រាប់លេងកម្សាន្ដច្រើនសម្បូរបែប ។ កុមារទាំងអស់ត្រូវបានឱ្យតម្លៃ និងចាត់ទុកជាអ្នកដឹកនាំក្នុងសង្គម និងទទួលបានការថែទាំ និងអប់រំពីអ្នកឯកទេសកុមារបរទេស និងជំនួយការជនជាតិខ្មែរ ដែលទទួលបានការបណ្តុះបណ្តាលត្រឹមត្រូវ។ មាតាបិតាអាចជ្រើសរើសពេលវេលា និងចំនួនថ្ងៃសម្រាប់យកបុត្រធីតាមកទទួលការអប់រំ និងថែទាំនៅទីនេះ ។ សុវត្ថិភាព និងអនាម័យត្រូវបានយកចិត្តទុកដាក់ខ្ពស់បំផុត ។
លោក ប៉ិច បូឡែន អគ្គនាយកក្រុមហ៊ុន វេសឡាញ អេឌ្យូខេសិន គ្រុប បានមានប្រសាសន៍ថា ក្រុមហ៊ុនរបស់លោកបានបណ្តាក់ទុនបើកមជ្ឈមណ្ឌលនេះឡើង ដោយសារលោកចង់ឱ្យទារក និងកុមារកម្ពុជាទទួលបានបទពិសោធន៍នៃការអប់រំថែទាំដ៏មានគុណភាព និងប្រសិទ្ធភាពខ្ពស់មួយ ដូចគ្នានឹងបណ្តាប្រទេសជឿនលឿនដទៃ ហើយម្យ៉ាងទៀត គូភរិយា ស្វាមីកម្ពុជាច្រើនឡើងៗ ធ្វើការឬប្រកបរបរទទួលទានទាំងពីរនាក់ ។ ពួកគាត់ត្រូវការកន្លែងមួយដែលគួរឱ្យទុកចិត្ត ដើម្បីមើលថែរក្សា និងអប់រំកូន ។
មាតាបិតាមានជម្រើសក្នុងការបញ្ជូនបុត្រធីតាមកមជ្ឈមណ្ឌលថែទាំ និងអប់រំកុមារ Forest Hill Montessori ៣ថ្ងៃ ៥ថ្ងៃ ឬ៦ថ្ងៃក្នុង១សប្តាហ៍ ហើយ១ថ្ងៃមាន៣ម៉ោង ៥ម៉ោង ៨ម៉ោង និង១១ម៉ោង ក៏បានដែរ ។ លើសពីនេះមជ្ឈមណ្ឌលបានអញ្ជើញអ្នកជំនាញមកពីប្រទេសជប៉ុន និងសិង្ហបុរី មកពិនិត្យពីសុវត្ថិភាពក្នុងការបញ្ចៀសពីហានិភ័យកើតឡើង ។
សូមបញ្ជាក់ថា មជ្ឈមណ្ឌលថែទាំ និងអប់រំកុមារហ្វររ៉េស ហៀល (Day Care) មានទីតាំងស្ថិននៅតាមបណ្តោយផ្លូវលេខ៣៧០ សង្កាត់បឹងកេងកងទី១ ខណ្ឌចំការមន ខាងក្រោយឆៀងខាងកើតស្ថានីយទូរទស្សន៍អប្សរា ឬនៅជិតផ្សារបឹងកេងកង ។
ចែករំលែកព័តមាននេះ