ក្រុមហ៊ុនគ្រីដ គ្រុប ដែលជាក្រុមហ៊ុនវិនិយោគធំជាងគេរបស់វិនិយោគអចលនទ្រព្យជប៉ុនបានចូលរួមក្នុងកម្មវិធីតាំងពិព័រណ៍អចលនទ្រព្យ Cambodia Property Expo ២០១៦ ប្រព្រឹត្តិទៅនៅសាល
ក្រុមហ៊ុនគ្រីដ គ្រុប ដែលជាក្រុមហ៊ុនវិនិយោគធំជាងគេរបស់វិនិយោគអចលនទ្រព្យជប៉ុនបានចូលរួមក្នុងកម្មវិធីតាំងពិព័រណ៍អចលនទ្រព្យ Cambodia Property Expo ២០១៦ ប្រព្រឹត្តិទៅនៅសាលពិព័រណ៍កោះពេជ្រ ចាប់ពីថ្ងៃទី១០ ដល់១៣ កញ្ញា នេះ។
បច្ចុប្បន្នក្រុមហ៊ុនគ្រីដ គ្រុប បាននិងកំពុងអភិវឌ្ឍគម្រោងលំនៅដ្ឋានពីរគម្រោង គឺគម្រោងខុនដូ បូដាយជូ រ៉េស៊ីដិនស៍ និងបុរីមហាសែនសុខ ហើយក្រុមហ៊ុនក៏មានគម្រោងលំនៅដ្ឋានផ្សេងមួយទៀត ដែលនឹងបើកលក់ក្នុងពេលឆាប់ៗខាងមុខនេះផងដែរ។ ក្រៅពីការវិនិយោគនៅប្រទេសកម្ពុជា ក្រុមហ៊ុនគ្រីដ គ្រុប ក៏ធ្វើការវិនិយោគនៅ៦ប្រទេសផ្សេងទៀតរួមមាន ប្រទេសជប៉ុន វៀតណាម ម៉ាឡេស៊ី ឥណ្ឌូនេស៊ី មីយ៉ាន់មា និងបង់ក្លាដេស។ នេះបង្ហាញអោយឃើញថា គ្រីដ គ្រុប ជាក្រុមហ៊ុនមានបទពិសោធន៍ជាច្រើនលើវិស័យអចលនទ្រព្យនៅក្នុងតំបន់អាស៊ី។
លោក Eguchi Takashi ដែលជាប្រធានក្រុមហ៊ុនគ្រីដ គ្រុប បានមានប្រសាសន៍ក្នុងបទសំភាសន៍ថា មានកត្តាបីចំណុចសំខាន់ៗដែលក្រុមហ៊ុន គ្រីដ គ្រុប សម្រចវិនិយោគនៅកម្ពុជា គឺទី១-កត្តាស្ថេរភាពនយោបាយ ទី២-កត្តាកំណើនសេដ្ឋកិច្ច និងទី៣-កត្តាកំណើនប្រជាជន និងតម្រូវការលំនៅដ្ឋាន។ លើសពីនេះទៅទៀត លោកក៏បានបន្ថែមដែរថា ក្រុមហ៊ុន គ្រីដគ្រុប មានចក្ខុវិស័យដោយនាំយកគុណភាពពីប្រទេសជប៉ុនចូលមកក្នុងទីផ្សារនៃប្រទេសកម្ពុជា។ ដោយឈរលើកត្តាគុណភាពជាចំបងទាំងគម្រោង ខុនដូបូដាយជូ រ៉េស៊ីដិន៍ និងគម្រោង បុរីមហាសែនសុខបានទទួលចំណាប់អារម្មណ៍ខ្លាំងពីសំណាក់អតិថិជន។ គម្រោងខុនដូ បូដាយជូ រ៉េស៊ីដិនស៍ មានទីតាំងស្ថិតនៅតាមបណ្តោយមហាវិថីសហព័ន្ធរុស្ស៊ីទល់មុខអាកាសយានដ្ឋានអន្តរជាតិភ្នំពេញ មាន៦អគារ ដែលអគារនីមួយៗមានកំពស់១៤ជាន់ សាងសង់លើផ្ទៃដី ២,៣ហិកតា។ រហូតមកដល់ពេលនេះក្រុមហ៊ុនបានបើកលក់៣អគារដែលបានលក់អស់ប្រហែល៨០% នៃអគារទាំងបី។ បូដាយជូរ៉េស៊ីដិនស៍ គ្រោងនឹងបញ្ចប់គម្រោងទាំងមូលនៅចុងឆ្នាំ២០១៨។
គម្រោងទីពីរ គឺ បុរីមហាសែនសុខ ដែលជាគម្រោងលំនៅឋានមានផ្ទះល្វែងប្រភេទមួយជាន់ ពីរជាន់ និងដីឡូតិ៍សរុប៦៨៣យូនីត នៅលើផ្ទៃដី១២ហិកតា មានទីតាំងស្ថិតនៅតាមផ្លូវវត្តតាំងកសាង ភូមិវិមានទ្រង់ សង្កាត់ក្រាំងធ្នង់ ខណ្ឌសែនសុខ រាជធានីភ្នំពេញ (នៅចន្លោះរវាងគម្រោងផ្សារទំនើប អ៊ីអនទី២ និងគម្រោងផ្សារទំនើប ឡាយអិនម៉ល)។ ក្នុងចំណោមទាំង ៦៨៣យូនីត ផ្ទះចំនួន៤៨២យូនីត ត្រូវបានបើកលក់ ហើយប្រមាណ៨០% នៃផ្ទះដែលបានបើកលក់ គឺត្រូវបានលក់អស់។ អតិថិជនដែលជាវបុរីមហាសែនសុខ គឺជាប្រជាជនកម្ពុជាដែលមានកម្រិតជីវភាពចំណូលមធ្យម និងខ្ពស់។ បុរីមហាសែនសុខ គ្រោងនឹងបញ្ចប់នៅចុងឆ្នាំ២០១៧ ហើយគិតត្រឹមពេលនេះយើងក៏បានសាងសង់ទាន់តាមកាលវិភាគកំណត់ផងដែរ។
លោកក៏បានមានប្រសាសន៍ដែរថា «កត្តាច្រើនដែលនាំអោយមានអតិថិជនជាច្រើនសម្រេចជាវខុនដូបូដាយជូ និងបុរីមហាសែនសុខ តែអ្វីដែលជាកត្តាសំខាន់ គឺដោយសារតែគម្រោងយើងទាំងពីរស្ថិតនៅលើទីតាំងល្អ មានសក្តានុពលក្នុងការអភិវឌ្ឍខ្ពស់ អតិថិជនជឿជាក់ទៅលើគុណភាពរបស់យើងដែលជាក្រុមហ៊ុនមកពីជប៉ុន គម្រោងនីមួយៗមានអាជ្ញាប័ណ្ណត្រឹមត្រូវ តម្លៃសមរម្យ និងកត្តាផ្សេងៗជាច្រើនទៀតដែលគម្រោងដទៃមិនមាន។
ចែករំលែកព័តមាននេះ