ដោយអនុវត្តតាមបទបញ្ជារបស់លោកបណ្ឌិត គុណ ញឹម រដ្ឋមន្ត្រីប្រតិភូអមនាយករដ្ឋមន្ត្រី អគ្គនាយកនៃអគ្គនាយកដ្ឋានគយ និងរដ្ឋាករកម្ពុជា និងក្រោមការដឹកនាំពីលោកអគ្គនាយករង កើត សុទ្ធារ៉ា លើចំណាត់ការចំពោះរថយន្តគ្មានពន្ធដែលមានស្រាប់នៅក្នុងស្រុក
រាជធានីភ្នំពេញ ៖ ដោយអនុវត្តតាមបទបញ្ជារបស់លោកបណ្ឌិត គុណ ញឹម រដ្ឋមន្ត្រីប្រតិភូអមនាយករដ្ឋមន្ត្រី អគ្គនាយកនៃអគ្គនាយកដ្ឋានគយ និងរដ្ឋាករកម្ពុជា និងក្រោមការដឹកនាំពីលោកអគ្គនាយករង កើត សុទ្ធារ៉ា លើចំណាត់ការចំពោះរថយន្តគ្មានពន្ធដែលមានស្រាប់នៅក្នុងស្រុក នាថ្ងៃទី១៨ ខែមីនា ឆ្នាំ២០២២ ស្ថិតនៅភូមិឡឹក ឃុំរំចេក ស្រុកព្រះស្តេច ខេត្តព្រៃវែង ។
មន្ត្រីគយ និងរដ្ឋាករការិយាល័យស្រាវជ្រាវ និងបង្ក្រាបអំពើរត់ពន្ធតំបន់២ នៃនាយកដ្ឋានបង្ការ និងបង្ក្រាបបទល្មើស បានធ្វើការត្រួតពិនិត្យអនុលោមភាពពន្ធនាំចូលរថយន្តម៉ាក AUDI Q7 ពណ៌ខ្មៅ ពាក់ផ្លាកលេខ ភ្នំពេញ 2AE-4537 ដែលជាផ្លាកលេខក្លែងក្លាយ បានធ្វើចរាចរលើដងផ្លូវ ។
ហើយនៅពេលត្រួតពិនិត្យក្នុងរថយន្តនោះ មន្ត្រីគយក៏បានរកឃើញនូវម្សៅក្រាម និងថ្នាំគ្រាប់មួយចំនួន ដែលសង្ស័យថា ជាសារធាតុគ្រឿងញៀ.ន ដូច្នោះហើយមន្ត្រីគយនិងរដ្ឋាករ ក៏បានឃាត់ខ្លួនជនសង្ស័យម្នាក់ និងចាប់យករថយន្ត១គ្រឿង ព្រមទាំងសារធាតុសង្ស័យគ្រឿងញៀ.នមួយកេសធំ បញ្ជូនទៅអគ្គនាយកដ្ឋានគយ និងរដ្ឋាករកម្ពុជា ដើម្បីធ្វើតេស្ត និងបន្តនីតិវិធី ។
ក្រោមការសម្របសម្រួលពីលោក ឆាយ ហុង ព្រះរាជអាជ្ញារងនៃអយ្យការអមសាលាដំបូងរាជធានីភ្នំពេញ មន្ត្រីគយ និងរដ្ឋាករ បានសហការជាមួយមន្ត្រីមន្ទីរប្រឆាំងបទល្មើសគ្រឿងញៀ.ន ធ្វើតេស្តបឋមលើសារធាតុសង្ស័យ ជាលទ្ធផលរកឃើញថា ជាសារធាតុញៀ.នខុសច្បាប់ចំនួន៣ប្រភេទ ដែលមានទម្ងន់សរុប២០គីឡូ ៧៥២.៤ក្រាម ក្នុងនោះក៏មានសារធាតុញៀ.នប្រភេទ MDMA ១៥គីឡូ ៧៤២ក្រាម, សារធាតុញៀ.នប្រភេទកេតាមីន ៤គីឡូ ៩៩៦ក្រាម និងសារធាតុញៀ.នមេតំហ្វេតាមីន ១៤.៤ក្រាម ។
ក្រោយពេលធ្វើតេស្តដឹងថា ជាសារធាតុញៀ.នពិតប្រាកដហើយនោះ មន្ត្រីគយនិងរដ្ឋាករ បានប្រគល់ជនសង្ស័យម្នាក់ដែលមានឈ្មោះ សុខ ថន ភេទប្រុស អាយុ២១ឆ្នាំ ជាម្ចាស់គ្រឿងញៀ.ន និងសារធាតុញៀ.នជាង២០គីឡូក្រាម ជូនទៅមន្ទីរប្រឆាំងបទល្មើសគ្រឿងញៀ.ន ដើម្បីកសាងសំណុំរឿងបញ្ជូនទៅតុលាការតាមនីតិវិធី ៕
ចែករំលែកព័តមាននេះ