កិច្ចប្រជុំគណៈកម្មការព្រំដែនកម្ពុជា-វៀតណាម
រាជធានីភ្នំពេញ ៖ លោក ឡេ ហ័រជុង អនុរដ្ឋមន្ត្រីការបរទេសវៀតណាម ដឹកនាំគណៈប្រតិភូគណៈកម្មការ ព្រំដែនវៀតណាម ជួបប្រជុំជាមួយគណៈកម្មការព្រំដែនកម្ពុជា នៅព្រឹកថ្ងៃទី២៩ ខែសីហា
រាជធានីភ្នំពេញ ៖ លោក ឡេ ហ័រជុង អនុរដ្ឋមន្ត្រីការបរទេសវៀតណាម ដឹកនាំគណៈប្រតិភូគណៈកម្មការ ព្រំដែនវៀតណាម ជួបប្រជុំជាមួយគណៈកម្មការព្រំដែនកម្ពុជា នៅព្រឹកថ្ងៃទី២៩ ខែសីហា
រាជធានីភ្នំពេញ ៖ លោក ឡេ ហ័រជុង អនុរដ្ឋមន្ត្រីការបរទេសវៀតណាម ដឹកនាំគណៈប្រតិភូគណៈកម្មការ ព្រំដែនវៀតណាម ជួបប្រជុំជាមួយគណៈកម្មការព្រំដែនកម្ពុជា នៅព្រឹកថ្ងៃទី២៩ ខែសីហា ឆ្នាំ២០១៦នេះ នៅវិមានសន្តិភាព។ កិច្ចប្រជុំគណៈកម្មការព្រំដែន កម្ពុជា វៀតណាម មានរយៈពេលពីរថ្ងៃ គឺចាប់ពីថ្ងៃទី២៩ ដល់ថ្ងៃទី៣0 ខែសីហា ឆ្នាំ២០១៦ នៅទីស្តីការគណៈរដ្ឋមន្ត្រី។
លោកវ៉ាគីមហុងបានថ្លែងថា របៀបវារៈសំខាន់ៗចំនួន៣ បានត្រូវដាក់ចូល ក្នុងកិច្ចប្រជុំចង្អៀត រវាងគណៈកម្មការចម្រុះព្រំដែន កម្ពុជា វៀតណាម នាពេលនេះ រួមមាន ១.ពិនិត្យលើពង្រាងលិខិត ដែលនាយករដ្ឋមន្ត្រី នៃប្រទេសទាំងពីរចុះហត្ថលេខាជាមួយគ្នា ដើម្បីស្នើប្រធានាធិបតីបារាំង ជួយខាងបច្ចេកទេស និងអ្នកជំនាញខាងផែនទី។ ២.ពិនិត្យលើចំណុចទាំងប៉ុន្មាន ដែលសម្តេចតេជោ ហ៊ុន សែន នាយករដ្ឋមន្ត្រី បានស្នើទៅភាគីវៀតណាម។ ៣.ពិនិត្យលើបាតុភាព នៅតាមព្រំដែន ដូចជា ការជីកស្រះធ្វើផ្លូវ និងសាងសង់បន្ទាយទាហាន ចូលមកក្នុងទឹកដីកម្ពុជា។
កម្ពុជាស្នើឲ្យវៀតណាមឲ្យរុះរើប៉ុស្តិ៍នៅតំបន់ហាមឃាត់ក្នុងខេត្តរតនគិរី ប្រសិនបើវៀតណាមនៅតែបន្តការសាងសង់។ មន្ត្រីជាន់ខ្ពស់ការទូតកម្ពុជា បានអះអាងថា កម្ពុជានឹងឲ្យភាគីវៀតណាមរុះរើប៉ុស្តិ៍នៅតំបន់ហាមឃាត់ក្នុងទឹកដីខេត្តរតនគិរី ក្បែរព្រំដែនកម្ពុជា-វៀតណាម ប្រសិនបើវៀតណាមនៅតែបន្តការសាងសង់ដោយមិនទាន់មិនការឯកភាពព្រមព្រៀងរវាងភាគីទាំងពីរ។
មន្ត្រីភាគីកម្ពុជាប្រាប់ក្រុមអ្នកសារព័ត៌មានក្រោយពេលសម្រាករយៈពេលខ្លីពីកិច្ចប្រជុំគណៈកម្មការព្រំដែន កម្ពុជា-វៀតណាម នៅព្រឹកថ្ងៃទី២៩ ខែសីហា ឆ្នាំ២០១៦នេះ នាទីស្តីការគណៈរដ្ឋមន្ត្រី លោក ឡុង វិសាឡូ រដ្ឋលេខាធិការក្រសួងការបរទេស និងសហប្រតិបត្តិការអន្តរជាតិ បានបញ្ជាក់ថា កម្ពុជាបានពិភាក្សាជាមួយភាគីវៀតណាមជុំវិញការសាងសង់សំណង់ដែលធ្វើឡើងដោយអត្តនោម័តរបស់ភាគីវៀតណាម នៅតំបន់ហាមឃាត់ ដែលមិនទាន់បានដោះស្រាយដើម្បីឈានទៅបោះបង្គោលព្រំដែននោះ។
មន្ត្រីបានលើកឡើងថាចំពោះបញ្ហាសំណង់ដែល ភាគីកម្ពុជា បានស្នើឲ្យភាគីវៀតណាមធ្វើការផ្អាកសាងសង់ រួមមានបញ្ហាធ្វើផ្លូវ និងប៉ុស្តិ៍យាម នៅខេត្តមណ្ឌលគិរី និងការជីកស្រះទឹក និងសំណង់ផ្សេងៗនៅខេត្តរតនគិរី។ លោកវ៉ា គឹមហុង ប្រធានគណៈកម្មការព្រំដែនកម្ពុជាបានបញ្ជាក់ថា ភាគីវៀតណាមនៅក្នុងកិច្ចប្រជុំគណៈកម្មការព្រំដែនកម្ពុជា នៅព្រឹកនេះបានលើកឡើងថា ភាគីទាំងពីរបានពិភាក្សាលើការធ្វើសំណើរួមមួយដាក់ជូនលោកប្រធានាធិបតីបារាំង។
លោក វ៉ាគឹមហុង បានបញ្ជាក់ថា កម្ពុជាបានដាក់សំណើរបស់កម្ពុជាឲ្យផ្អាកហើយ ហើយភាគីវៀតណាមនឹងយកសំណើនេះទៅពិភាក្សាជាមួយស្ថាប័នពាក់ព័ន្ធរបស់គេជាមុនសិន មុននឹងធ្វើការសម្រេចថាតើបន្ត ឬផ្អាកនោះ។ ខាងភាគីវៀតណាមបានសន្យាយកសំណើនេះទៅពិភាក្សាជាមួយក្រសួងស្ថាប័នដែលពាក់ព័ន្ធ និងថ្នាក់ដឹករបស់គេ។ លោកលោកបណ្ឌិត សុខ ទូច អ្នកវិភាគនយោបាយកម្ពុជាត្រូវបានដកស្រង់សម្ដីដោយទូរទស្សន៍ក្នុងស្រុកដោយលោកថ្លែងថា កម្ពុជាត្រូវប្រើប្រាស់ការចរចា និងកំណត់ការទូតឲ្យអស់លទ្ធភាពក្នុងការដោះស្រាយបញ្ហាព្រំដែនជាមួយភាគីវៀតណាម។
លោកបណ្ឌិត បញ្ជាក់ប្រាប់ទូរទស្សន៍ដដែលថា ក្នុងការករណីដំណោះស្រាយតាមមធ្យោបាយខាងលើ មិនទទួលបានលទ្ធផលនោះទេ។ កម្ពុជាត្រូវបោះដៃទៅភាគីទីបីគឺបារាំង និងភាគីទីបួនគឺ អង្គការសហប្រជាជាតិ ហើយប្រសិនបើភាគីទាំងពីរនេះមិនអាចដោះស្រាយបានទៀតនោះទេ កម្ពុជាត្រូវប្តឹងទៅតុលាការយុត្តិធម៌អន្តរជាតិ ដែលហៅកាត់ថា ICJ។ កិច្ចប្រជុំគណៈកម្មការព្រំដែនរវាងកម្ពុជា-វៀតណាមនេះបានធ្វើឡើងពេញមួយថ្ងៃទី២៩ សីហានេះទៀត ហើយគណៈកម្មការព្រំដែនប្រទេសទាំងពីរនឹងមានការចុះកិច្ចព្រមព្រៀងកំណត់ហេតុនៃកិច្ចប្រជុំនេះនៅល្ងាចថ្ងៃដដែលទៀតផង។
ដោយឡែកទេសរដ្ឋមន្ត្រី ប្រាក់ សុខុន ទទួលជួបឯកឧត្តម LE Hoai Trung អនុរដ្ឋមន្ត្រីការបរទេស និងជាប្រធានគណ:កម្មការចម្រុះខណ្ឌសីមា និងបោះបង្គោលព្រំដែនគោកវៀតណាម-កម្ពុជា ថ្ងៃទី៣០ សីហា ២០១៦ វេលាម៉ោង ៥និង០០នាទី នៅទីស្តីការក្រសួងបន្ទាប់ពីកិច្ចប្រជុំចប់៕
ចែករំលែកព័តមាននេះ