ខេត្តរតនគិរី ៖ របរដឹកជញ្ជូនឈើយកទៅលក់នៅប្រទេសវៀតណាម កំពុងតែមានប្រជាប្រិយភាព និងឈានមុខគេយ៉ាងសកម្មបំផុតផងដែរ ប្រចាំតំបន់ភូមិភាគឦសាន្ត នាខេត្តរតនគគិរីយើងនេះ ដូចជាហូរហែមកហើយ ដែលមានមេការជំនាញផ្នែកដឹកជញ្ជូនម្នាក់ឈ្មោះដែលគេជាទូទៅក្នុងខេត្ត ហៅថៅកែឈើ.មករា. ហើយតែងបម្រើបន្តពីថៅកែរធំ ដែលគេចាត់ចែងឱ្យរត់ការបង់លុយជូនសមត្ថកិច្ចថ្នាក់ក្រោមមួយចំនួន ដែលប្រចាំការនៅមូលដ្ឋានគ្រប់ស្ថាប័នក្នុងតំបន់ធ្វើសកម្មភាពរួមទាំងច្រកទ្វារព្រំដែនផងដែរ ។
បន្ទាប់ពីបម្រើបន្តរត់ការបង់លុយជូនសមត្ថកិច្ចក៏នៅមានបង់លុយជូនអ្នកការសែតដែរ ហើយថែមទាំងជាអ្នកម៉ៅការបម្រើបន្តដឹកជញ្ជូនឈើខុសច្បាប់នោះ យ៉ាងសកម្មនិងយ៉ាងគំហុកទៀតផង ។ តាមប្រភពពីប្រជាពលរដ្ឋនៅមូលដ្ឋានដែលអ្នកបម្រើការម្នាក់ឈ្មោះ មករា នោះ គឺកំពុងតែបន្តដឹកជញ្ជូនឈើយ៉ាងសកម្មខ្លាំងណាស់ចេញពីតំបន់ភ្នុំកុក.ភូមិទាមក្រោមនៃស្រុកវើនសៃខេត្តរតនគិរី មកស្តុកទុកមួយស្របក់នៅក្នុងឃ្លាំងរនៅចុះចំណោទភ្នុំខាងជើងបឹងយក្យឡោម នាក្រុងបានលុង ទីរួមខេត្តខេត្តរតនគិរី បន្តឆ្ពោះទៅច្រកទ្វារអន្តរជាតិអូរយ៉ាដាវ ចូលទៅលក់ឱ្យឈ្មួញវៀតណាមបានយ៉ាងងាយមិនមានទាក់ក្រសែភ្នែកសមត្ថកិច្ចណាមួយឡើយ ។
ឯមុខជំនួញឈើឆ្លងដែនមួយនេះ គេស្គាល់ច្បាស់ថា មានមេឈ្មួញធំនៅបង្គាប់បញ្ជាពីក្រោយ និងផ្តល់សិទ្ធិឱ្យអ្នកបម្រើរត់ការរូបនេះមានកាយសម្បទាមិនគ្រប់គ្រាន់ទើបអ្នកធំ និងសមត្ថកិច្ច មន្ត្រីជំនាញ ក្នុងខេត្តរតនគិរីទាំងមូល មិនហ៊ានបង្ក្រាបជាហេតុធ្វើឱ្យឡើងចាងហ៊ានប្រព្រឹត្តបទល្មើសធ្វើព្យុះ ធ្វើភ្លៀងតាមអំពើចិត្តដើម្បីដឹកជញ្ជូនឈើលក់ឱ្យឈ្មួញវៀតណាមយកលុយចិញ្ចឹមអ្នកធំ និងមន្ត្រីទាំងនោះ ។
តាមប្រភពបង្ហើបថា មេការដឹកជញ្ជូនឈ្មោះ មករា នេះ ប្រើប្រាស់រូបភាពរថយន្តសាំយ៉ុងរហូតដល់ទៅ៤គ្រឿងឯណោះ តែគេរត់ការប្រាប់សមត្ថកិច្ចនិងអ្នកកាសែថា តែពីរគ្រឿងទេមានសមត្ថកិច្ចខ្លះដឹងខ្លះមិនដឹងទេ ។
ហើយក្នុងចំណោមរថយន្តទាំង៤គ្រឿងនោះ គេប្រើស្លាកលេខដូចៗគ្នាតែមួយ4049ចំនួនពីរគ្រឿង ។ ឯពីរគ្រឿងទៀត អត់មានស្លាកលេខទេ ងាយស្រួលបន្លំភ្នែកសមត្ថកិច្ចនិងមហាជនតែមហាជនខ្លះគេមិនខ្វល់ឈឺក្បាលជាមួយឡើយ ព្រោះរូបភាពដឹកជញ្ជូនបែបនោះជាទម្លាប់ទៅហើយ សម្រាប់ខេត្តរតនគិរីនេះ។
គេតែងឃើញរថយន្តសាំយុងនោះ ដឹកជញ្ជូនឈើពីស្រុកវ៉ើនសៃ ឆ្លងកាត់ក្រុងបានលុង ទីរួមខេត្តរតនគិរី ទាំងថ្ងៃទាំងយប់និងវេលាទៀបភ្លឺ នៅតាមផ្លូវជាតិលេខ៧៨A ឆ្ពោះក្បែរច្រកទ្វារអន្តរជាតិអូរយ៉ាដាវ សំងំចម្ការស្វាយចន្ទីក្បែរបង្គោលអង់តែនសេវាទូរស័ព្ទ០៩៧ រង់ចាំបារ៉ាស់ព្រំដែនបើកនៅពេលព្រឹកឡើង និងធ្វើសកម្មភាពរយៈជាង២ខែមកដល់បច្ចុប្បន្នហើយក្នុងមួយថ្ងៃរថយន្តមួយគ្រឿងមិនក្រោម៥ជើងនោះទេ។
រថយន្ដសាំយ៉ុងដែលអ្នករត់ការឈ្មោះ មករា ទាំ៤គ្រឿងសម្រាប់ប្រើប្រាស់ដឹកឈើមិនមានលក្ខណៈគ្រប់គ្រាន់តាមបច្ចេកទេសច្បាប់ចរាចរណ៍នោះឡើយខុសពីរថយន្តដឹកទំនិញផ្សេងៗទៀត ។ លោកឃឹម ចិត្រា ប្រធានច្រកទ្វារអន្តរជាតិអូរយ៉ាដាវ មិនអាចរកការបំភ្លឺបានទេ ជុំវិញបទល្មើសឆ្លងដែនខាងលើនេះ ។
ឯសមត្ថកិច្ចជំនាញនៅក្នុងខេត្តវិញ ចំពោះរថយន្តសាំយ៉ុងដឹកឈើនោះ បើសិនជាមានការស្នើសុំសហការបង្ក្រាបណាមួយនោះ តែងឆ្លើយដោះសារថា ជាប់រវល់ទៅនេះទៅនោះហើយសមត្ថកិច្ចខ្លះនិយាយត្រង់ៗតែម្តងថារថយន្តដឹកឈើឈ្មោះមករានោះមិនអាបង្ក្រាប់បានទេ ព្រោះសមត្ថកិច្ចគ្រប់ស្ថាប័នគេត្រូវរ៉ូវគ្នារត់ការតាំងពីថ្នាក់ខេត្តរហូតដល់ថ្នាក់ក្រោមយ៉ាងរលូនអស់ហើយ បើជំនាញយើងតែឯងបង្ក្រាប វាហាក់ទៅឆ្វេងតែឯងហើយទុកឱ្យគេទៅតាមដំណើរចុះ ។
ព័ត៌មានលម្អិតនឹងមានផ្សាយជូនបន្តលើកាសែតកោះសន្តិភាព ។
ចែករំលែកព័តមាននេះ