រយៈពេលជាង2ឆ្នាំ Bread Talk ពង្រីកសាខាបាន4កន្លែងនៅកម្ពុជា
រាជធានីភ្នំពេញ ៖ Bread Talk គឺជាហាងនំបុ័ងម៉ាកយីហោរបស់ប្រទេសសាំងហ្កាពួរ និងបាននាំចូលមកប្រទេសកម្ពុជា ក្នុងអំឡុងឆ្នាំ២០១៤ ដោយគិតមកដល់ពេលនេះ ហាងនំបុ័ងនេះ
រាជធានីភ្នំពេញ ៖ Bread Talk គឺជាហាងនំបុ័ងម៉ាកយីហោរបស់ប្រទេសសាំងហ្កាពួរ និងបាននាំចូលមកប្រទេសកម្ពុជា ក្នុងអំឡុងឆ្នាំ២០១៤ ដោយគិតមកដល់ពេលនេះ ហាងនំបុ័ងនេះ ពង្រីសាខាបាន៤ទីតាំងក្នុងរាជធានីភ្នំពេញ ដើម្បីបង្កលក្ខណៈងាយស្រួលដល់ប្រជាពលរដ្ឋកម្ពុជា ដែលនិយមពិសានំបុ័ងនៅក្នុងហាងរបស់ខ្លួន ។
នៅក្នុងសន្និសីទសារព័ត៌មានកាលពីព្រឹកថ្ងៃទី៩ សីហា ២០១៦ នៅហាងនំបុ័ង Bread Talk សាខាម៉ៅសេទុង លោក ហែម សំណាងអ្នកគ្រប់គ្រងហាងនំបុ័ង Bread Talk សាខាមួយនេះ បានឱ្យដឹងថា ចាប់តាំងពីបើកដំណើរការហាងនំបុ័ង Bread Talk ក្នុងអំឡុងឆ្នាំ២០១៤នៅប្រទេសកម្ពុជារហូតមកដល់ពេលនេះ Bread Talk បានបើកសាខាជាបន្តបន្ទាប់ រហូតបាន៤សាខា ហើយនឹងបន្តបើកសាខាជាបន្តបន្ទាប់ទៀតនៅរាជធានីភ្នំពេញ ក៏ដូចជានៅតាមបណ្ដាខេត្តផងដែរ ។
លោកបន្តថា សម្រាប់ផលិតផលនៅក្នុងហាង Bread Talk កំពុងមានការពេញនិយមពីសំណាក់ប្រជាពលរដ្ឋកម្ពុជា ដោយសារតែហាង Bread Talk មានច្រើនផលិតផល និងច្រើនរសជាតិសម្រាប់ពួកគាត់ ។ សម្រាប់ហាងនំបុ័ង Bread Talk ដែលបើកនៅសាខាម៉ៅសេទុងនេះ គឺជាសាខាដែលមានសក្ដានុពលខ្ពស់មួយ ព្រោះវាស្ថិតនៅជិតសាលា ធនាគារ និងក្រុមហ៊ុនជាច្រើន ដូចនេះសិស្សសាលា បុគ្គលិកធនាគារ និងបុគ្គលិកក្រុមហ៊ុនទាំងអស់ ក៏ដូចជាប្រជាពលរដ្ឋដែលធ្វើដំណើរតាមបណ្ដោយផ្លូវនេះ អាចចូលសម្រាក និងទទួលទានបានយ៉ាងស្រួល ។ លោកនិយាយថា រយៈពេលជាងពីរឆ្នាំដែលបាននាំ Bread Talk មកកាន់ប្រទេសកម្ពុជា មានការគាំទ្រច្រើន ហើយភ្ញៀវបានសរសើរថា នំបុ័ងនៅក្នុងហាងរបស់យើង គឺឆ្ងាញ់បើធៀបនឹងហាងផ្សេងៗទៀតនៅក្នុងប្រទេសកម្ពុជា ។
លោកបន្ថែមទៀតថា រាល់ថ្ងៃនេះគ្រប់ហាងនំបុ័ងរបស់ Bread Talk គឺលក់ចេញអស់ប្រមាណ១០០០នំក្នុងមួយសាខាៗ ដែលធ្វើឱ្យក្រុមហ៊ុនសម្រេចបើកសាខាបន្តបន្ទាប់ដូចនេះ។ ក្រៅពីនំបុ័ង Bread Talk ក៏មានភេសជ្ជៈជាច្រើនមុខទៀតសម្រាប់បម្រើភ្ញៀវរួមជាមួយគ្នាផងដែរ ។
លោកបញ្ជាក់ថា សព្វថ្ងៃនេះ ហាងនំបុ័ង Bread Talk មានវត្តមាននៅតាមបណ្ដាប្រទេសប្រមាណ២០នៅតំបន់អាស៊ី ហើយកម្ពុជាជាប្រទេសទី២០ដែលនាំចូលម៉ាកយីហោហាងនំបុ័ង Bread Talk និងបានបង្កើតឱកាសការងារជូនប្រជាពលរដ្ឋកម្ពុជា ជាពិសេសផ្ដល់ការងារដល់សិស្សនិស្សិតជាច្រើននាក់ ។ សម្រាប់ហាងនំបុ័ង Bread Talk ទាំងបួនសាខាបានផ្ដល់ការងារដល់បុគ្គលិកប្រមាណ៥០០នាក់ ៕
ចែករំលែកព័តមាននេះ